Explained- কৰ্মস্থলীত কেনেদৰে লাভ কৰিব কোভিড টীকাকৰণ? ইয়াৰ প্ৰক্ৰিয়াসমূহ কেনেধৰণৰ? জানি লওক প্ৰতিটো প্ৰশ্নৰ উত্তৰ

News18 Assam | News18-Assam
Updated:April 8, 2021, 3:36 PM IST
Explained- কৰ্মস্থলীত কেনেদৰে লাভ কৰিব কোভিড টীকাকৰণ? ইয়াৰ প্ৰক্ৰিয়াসমূহ কেনেধৰণৰ? জানি লওক প্ৰতিটো প্ৰশ্নৰ উত্তৰ
চৰকাৰী ব্যৱস্থা অনুসৰি, চৰকাৰী আৰু ব্যক্তিগত কৰ্মস্থলীকে আদি কৰি সকলো কৰ্মস্থলীতে কোভিড১৯ টীকাকৰণ অভিযান (Vaccination Session) আৰম্ভ কৰা হৈছে । ইয়াত কোনসকল লোক অন্তৰ্ভূক্ত থাকিব পাৰিব(টীকাকৰণ যোগ্যতা), কেনেকৈ, ক'ত আৰু কি প্ৰক্ৰিয়াৰ অধীনত ল’ব পাৰিব ? জানি লওক সকলো ...

চৰকাৰী ব্যৱস্থা অনুসৰি, চৰকাৰী আৰু ব্যক্তিগত কৰ্মস্থলীকে আদি কৰি সকলো কৰ্মস্থলীতে কোভিড১৯ টীকাকৰণ অভিযান (Vaccination Session) আৰম্ভ কৰা হৈছে । ইয়াত কোনসকল লোক অন্তৰ্ভূক্ত থাকিব পাৰিব(টীকাকৰণ যোগ্যতা), কেনেকৈ, ক'ত আৰু কি প্ৰক্ৰিয়াৰ অধীনত ল’ব পাৰিব ? জানি লওক সকলো ...

  • Share this:
যদি আপুনি আপোনাৰ কাৰ্যালয়ত কোভিড ভেকছিন ল'বলৈ বিচাৰে, তেন্তে আপোনাৰ বয়স ৪৫ বছৰতকৈ হ’লে আপুনি নিশ্চয়কৈ এই ভেকচিন ল’ব পাৰিব ৷ স্বাস্থ্য মন্ত্ৰালয়ে জাৰী কৰা নিৰ্দেশনা অনুসৰি,  ১৯৭৭চনৰ ১ এপ্ৰিলৰ পৰা  ১ জানুৱাৰীৰ পূৰ্বে জন্ম হোৱা সকলো লোকেই ভেকচিন গ্ৰহণ কৰাৰ যোগ্য হিচাপে বিবেচিত কৰা হৈছে । ৬ এপ্ৰিলত জাৰি কৰা জাননীত এই সন্দৰ্ভত কোনোধৰণৰ পৰিৱৰ্তন কৰা হোৱা নাই । ইয়াৰ পৰিৱৰ্তে, এইটো স্পষ্টকৈ কোৱা হৈছে যে ৪৫ বছৰৰ অধিক বয়সৰ কৰ্মচাৰীসকলে তেওঁলোকৰ কৰ্মস্থলীত টীকাকৰণ গ্ৰহণ কৰিব পাৰিব । এই ক্ষেত্ৰত আপোনাৰ মনলৈ আহিব পৰা আন সকলো প্ৰশ্নৰ উত্তৰ জানি লওক এই প্ৰতিবেদনত ।

প্ৰশ্ন ১: বয়সৰ স্কেলৰ সৈতে খাপ খোৱা অৱস্থাত কৰ্মচাৰীসকলৰ সকলো আত্মীয়ই কাৰ্যালয়ত ভেকচিনৰ বাবে যোগ্য হ’ব নে?

উত্তৰ: নহয়, জাননী অনুসৰি, এটা স্পষ্ট নিৰ্দেশনা আছে যে 'পৰিয়ালৰ যোগ্য সদস্যৰ বাহিৰে আন কোনো বাহিৰৰ লোকে কৰ্মস্থলীত নিৰ্মাণ কৰা কোভিড টীকাকৰণ কেন্দ্ৰ (CVC)ত ভেকছিন গ্ৰহণ কৰিব নোৱাৰিব ।'

প্ৰশ্ন ২: চৰকাৰে এনে ধৰণৰ পদক্ষেপ কিয় লৈছে ?
উত্তৰ: চৰকাৰে বিশ্বাস কৰে যে ৪৫-৫৯ বছৰ বয়সৰ এক “বৃহৎ জনসংখ্যা”ই সংগঠিত খণ্ডত কাম কৰে, যি চৰকাৰী বা ব্যক্তিগত খণ্ডত নিযুক্তি প্ৰাপ্ত। চৰকাৰে এনে ধৰণৰ পদক্ষেপ লৈছে যাতে এই লোকসকলে ভেকচিনৰ বাবে আন ঠাইলৈ যাব নালাগে আৰু শাৰী পাতিব নালাগে।

প্ৰশ্ন ৩: কাৰ্যালয়ত টীকাকৰণ প্ৰক্ৰিয়া কেতিয়াৰ পৰা আৰম্ভ হ'ব ?

উত্তৰ: ৰাজ্য আৰু কেন্দ্ৰীয় শাসিত অঞ্চলত এনে কেন্দ্ৰসমূহ ১১ এপ্ৰিলৰ পৰা আৰম্ভ হ'ব । কেন্দ্ৰই ৰাজ্যসমূহৰ সংশ্লিষ্ট বিষয়াসকলক চৰকাৰী আৰু ব্যক্তিগত খণ্ডৰ মেনেজাৰসকলৰ সৈতে গুৰুত্বপূৰ্ণ দিশবোৰ আলোচনা কৰিবলৈ ইতিমধ্যেই নিৰ্দেশনা জাৰি কৰিছে ।

প্ৰশ্ন ৪: সকলো কাৰ্যালয়তে এনে ভেকচিন কেন্দ্ৰ থাকিব নে ?

উত্তৰ: নাথাকে । কৰ্মক্ষেত্ৰত ভেকচিনৰ বাবে কমেও ১০০ জন লোক যোগ্য আৰু ইচ্ছুক হ'ব লাগিব । ভেকছিন অপচয় নোহোৱা সম্পৰ্কে নিশ্চিত কৰিবলৈ এই পদক্ষেপ গ্ৰহণ কৰা হৈছে।

প্ৰশ্ন ৫: কাৰ্যালয়ত খোলা এই টীকাকৰণ কেন্দ্ৰবোৰ সুৰক্ষিত হ'বনে?

উত্তৰ: যেতিয়া যিকোনো চৰকাৰী কাৰ্যালয়ত কেন্দ্ৰ এটা খোলা হয়, ইয়াক ওচৰৰ চৰকাৰী চিকিৎসালয় আৰু একেদৰে ওচৰৰ ব্যক্তিগত চিকিৎসালয়ৰ সৈতে এটা ব্যক্তিগত কাৰ্যালয়ৰ কেন্দ্ৰ টেগ কৰা হ'ব আৰু চিকিৎসালয়সমূহেই ওচৰৰ কাৰ্যালয়সমূহত দল আৰু টিকাকৰণৰ পৰিকল্পনা কৰিব ।

প্ৰশ্ন ৬: কেন্দ্ৰবোৰ ক'ত খুলিব লাগিব, কৰ্মস্থানবোৰ কেনেদৰে বাছনি কৰা হ'ব?

উত্তৰ: জিলা টাস্ক ফ'ৰ্চৰ নেতৃত্বত জিলা দণ্ডাধীশৰ দ্বাৰা কৰা হ'ব আৰু নগৰাঞ্চলৰ টাস্ক ফ'ৰ্চৰ নেতৃত্ব পৌৰ আয়ুক্তৰ দ্বাৰা কৰা হ'ব। যিবোৰ কৰ্মস্থানত কেন্দ্ৰ খুলিব লাগিব সেইবোৰৰ পৰিচালনাৰ বাবে এজন বিষয়াক নোডেল বিষয়া হিচাপে নিযুক্তি দিয়া হ'ব ৷ যি প্ৰশাসনৰ সৈতে সমন্বয় ৰক্ষা কৰিব।

প্ৰশ্ন ৭: এই নোডেল বিষয়াজনৰ দায়িত্ব কি হ'ব ?

উত্তৰ: ভেকচিন কেতিয়া প্ৰদান কৰিব লাগে, তথ্য প্ৰযুক্তি বা ভৌতিক আন্তঃগাঁথনিৰ উপলব্ধতা কি আদিৰ দৰে সকলো সম্পৰ্কিত দিশ নিৰীক্ষণ আৰু সজ্জিত কৰাটো নোডেল বিষয়াৰ দায়িত্ব হ'ব।

প্ৰশ্ন ৮: যোগ্য কৰ্মচাৰীসকলে কেনেকৈ পঞ্জীয়ন কৰিব পাৰিব?

উত্তৰ: হিতাধিকাৰীসকলে CoWIN প্লেটফৰ্মৰ জৰিয়তে পঞ্জীয়ন কৰিব পাৰিব। নোডেল বিষয়াসকলে গোটেই প্ৰক্ৰিয়াটো নিৰীক্ষণ কৰিব। কাৰ্যালয়ৰ কৰ্মচাৰীসকলৰ বাবে ঘটনাস্থলীতে টীকা দানৰ সুবিধাও থাকিব।

প্ৰশ্ন ৯ : টীকাকৰণ কেন্দ্ৰৰ বাবে কৰ্মস্থলীসমূহেও পঞ্জীয়ন কৰিব লাগিব নেকি ?

উত্তৰ: নিশ্চয়কৈ । সাধাৰণতে সকলো কৰ্মস্থান কোউইন প্লেটফৰ্মত পঞ্জীয়ন কৰা হ'ব। স্পষ্টতাৰ বাবে কৰ্মস্থানৰ নাম সংক্ষিপ্ত আকাৰত লিখা নহ'ব। টীকাকৰণ চাইটত তিনিটা অংশ থাকিব: অপেক্ষা, টীকাকৰণ আৰু পৰ্যৱেক্ষণ কোঠা। এই কোঠাবোৰ হয়তো স্থায়ী গাঁথনিত থাকিব পাৰে, কিন্তু টেন্ট আৰু আৱৰণযুক্ত কেন্দ্ৰক অনুমোদন কৰা হোৱা নাই।
First published: April 8, 2021, 12:28 PM IST
আৰু চাওক
পৰৱৰ্তী বাতৰি

শেহতীয়া বাতৰি