Taapsee Pannu: 'মই এগৰাকী পাবলিক ফিগাৰ, পাবলিক সম্পত্তি নহয়' - ক্ষোভ প্ৰকাশ কৰিলে তাপসী পন্নুৱে

বলীউডৰ এগৰাকী স্পষ্টবাদী অভিনেত্ৰী হিচাপে পৰিচিত তাপসী পান্নু (Taapsee Pannu)। বৰ্তমান আগন্তুক ছবি ‘দোবাৰা’ৰ মুক্তিৰ বাবে সাজু হৈছে তাপসী। শেহতীয়াকৈ পাপাৰাজীৰ সৈতে হোৱা এক তুমুল বিতৰ্কৰ পিছত শিৰোনাম দখল কৰিছিল তাপসীয়ে। এটা অনুষ্ঠানত পাপাৰাজীয়ে তেওঁৰ লগত বেয়া আচৰণ কৰাৰ বাবে তাপসীয়ে নিয়ন্ত্ৰণ হেৰুৱাই পেলাইছিল।

এগৰাকী ফটোগ্ৰাফাৰে তাপসীক হাৰাশাস্তি কৰি আছিল কাৰণ তাই কোনো অনুষ্ঠানত উপস্থিত হোৱাৰ সময়ত ছবিৰ বাবে পোজ নিদিয়ে। তাপসীৰ মতে, ফটোগ্ৰাফাৰগৰাকীয়ে তেওঁৰ প্ৰতি অভদ্ৰ আচৰণ প্ৰদৰ্শন কৰিছিল আৰু সেয়ে তেওঁৰ খং উঠিছিল। অভিনেত্ৰীগৰাকীয়ে ফটোগ্ৰাফাৰক জনাইছিল যে তেওঁ কেৱল আয়োজকৰ নিৰ্দেশনাহে মানি চলিছে। পিছত তেওঁ কথাৰ ইতি পেলালে। তাপসীয়ে হাত যোৰ কৰি পাপাৰাজীক ক'লে, "কেৱল মাত্ৰ আপুনিহে সদায় শুদ্ধ আৰু মই ভুল।"

শেহতীয়াকৈ এক সাক্ষাৎকাৰত ‘জুৰৱা ২’ অভিনেত্ৰীগৰাকীয়ে প্ৰতিক্ৰিয়া প্ৰকাশ কৰে। তেওঁ কয় যে ফটোগ্ৰাফাৰজনে তেওঁৰ প্ৰতি ইমানেই অভদ্ৰ আছিল যে তেওঁ হয়তো ভাবিছিল যে ফটোবোৰ ক্লিক কৰি তেওঁ মোক ধন্য কৰিছিল। তেওঁ লগতে কয় যে তেওঁৰ লগত মাক-দেউতাকেও সেই সুৰত কথা নাপাতে। তাপসীয়ে লগতে কয় যে অভিনেতাসকল মূৰ্খ নহয় আৰু অকাৰণত খং উঠা নাই।

অভিনেত্ৰীগৰাকীয়ে কয় যে তেওঁ কাকো অসন্মান কৰা বুলি মানি ল’বলৈ ইচ্ছুক নহয়। তেওঁ লগতে কয় যে তেওঁ শান্ত আছিল আৰু ভদ্ৰলোকজনে তেওঁক একেবাৰেই সন্মান নকৰিলেও তেওঁ সন্মানজনক হাঁহিৰেই কথা পাতিছিল। তাপসীয়ে প্ৰতিশোধ ল’ব নিবিচাৰে। অৱশেষত তাপসীয়ে কয় যে তেওঁ এগৰাকী ৰাজহুৱা ব্যক্তিহে আৰু ৰাজহুৱা সম্পত্তি নহয়।