CNN-News18 ইণ্ডিয়ান অৱ দ্য ইয়েৰ বঁটা প্ৰদান অনুষ্ঠানত ৰণবীৰ সিং আৰু নীৰজ চোপ্ৰাই একেলগে কৰিলে নৃত্য; চাওক ভিডিঅ'

বুধবাৰে CNN-News18 ইণ্ডিয়ান অৱ দ্য ইয়েৰ ২০২২ বঁটা প্ৰদান অনুষ্ঠানত আউটষ্টেণ্ডিং এচিভমেণ্ট বঁটা গ্ৰহণ কৰিবলৈ দিল্লীত উপস্থিত আছিল অভিনেতা ৰণবীৰ সিং। তেওঁক এই বঁটা প্ৰদান কৰে ভাৰতীয় ক্ৰিকেট দলৰ প্ৰাক্তন অধিনায়ক তথা ১৯৮৩ চনৰ বিশ্বকাপ বিজয়ী অধিনায়ক কপিল দেৱে। ১৯৮৩ চনৰ ক্ৰিকেট বিশ্বকাপত ভাৰতৰ ঐতিহাসিক জয়ৰ আধাৰত নিৰ্মিত ছবি ৮৩ ত কপিল দেৱৰ মনোৰম অভিনয় বাবে ৰণবীৰক উৎসাহিত কৰা হয়।

কবীৰ খানৰ পৰিচালনাত নিৰ্মিত '৮৩' ছবিখনৰ নিৰ্মাণৰ বহু কাহিনী শ্বেয়াৰ কৰিছিল ৰণবীৰে। তেওঁ লগতে বুজাই দিলে যে তেওঁ কেনেকৈ চৰিত্ৰটোৰ ভিতৰত সোমাইছিল আৰু সকলোৱে ভালপোৱা আৰু শ্ৰদ্ধা কৰা এজন কিংবদন্তি ক্ৰিকেটাৰৰ চৰিত্ৰটো ৰূপায়ণ কৰিছিল।

ৰণবীৰ আৰু কপিল দেৱে পুনৰ মঞ্চত থাকি ২০২২ চনৰ 'ইণ্ডিয়ান অৱ দ্য ইয়েৰ' সন্মান অলিম্পিক চেম্পিয়ন নীৰজ চোপ্ৰাক অৰ্পণ কৰে। মঞ্চত দুয়োগৰাকী খেলুৱৈ আৰু চলচ্চিত্ৰ তাৰকাগৰাকীয়েও বন্ধুত্বপূৰ্ণ কথোপকথনত মগ্ন হয়, যাৰ অন্ত পৰে ৰণবীৰে নীৰজক নিজৰ এটা গীতৰ পৰা কিছুমান নৃত্যৰ খোজ শিকোৱাৰ জৰিয়তে। প্ৰথমতে দ্বিধাবোধ কৰিলেও নীৰজে মঞ্চত ৰণবীৰক সহযোগ কৰি নৃত্য কৰিলে।

Watch! Olympic Champion Neeraj Chopra (@Neeraj_chopra1) breaks into a dance with Actor Ranveer Singh (@RanveerOfficial) #IndianOfTheYear #NeerajChopra #RanveerSingh pic.twitter.com/KTrM6Yvq9o

— News18 (@CNNnews18) October 12, 2022

“আপোনালোকে নীৰজক বিজ্ঞাপনত অভিনয় কৰা দেখিছেনে? আপুনি এজন মহান অভিনেতা, আপোনাক চাই আমি বহুত হাঁহিলোঁ।’ ৰণবীৰে নীৰজক কয়, ‘মই ভাবো নীৰজে নিজেই নিজৰ বায়’পিকত অভিনয় কৰিব। ‘নীৰজ চোপ্ৰা, ইন এণ্ড এছ, নীৰজ চোপ্ৰা’,’ বুলিও ৰণবীৰে আমোদজনক মন্তব্য কৰে।

‘আপোনালোকৰ বাবে মোৰ এটা প্ৰশ্ন আছে, যুৱক-যুৱতীসকলে আপোনাৰ দৰে চেম্পিয়ন কেনেকৈ হ’ব পাৰি জানিব বিচাৰে।’ বুলি ৰণবীৰে সোধা এক প্ৰশ্নৰ উত্তৰ দি নীৰজে কয় যে, ‘যেতিয়া আন কোনোৱে আপোনাক বিশ্বাস নকৰে, তেতিয়া আপুনি নিজকে বিশ্বাস কৰি তাত আপোনাৰ ১০০ শতাংশ দিব লাগিব।’-বুলি নীৰজে মন্তব্য কৰে।