Box Officeত ধুমুহা সৃষ্টি কৰিছে Pushpa: The Riseএ, অল্লু অৰ্জূনে ৰচিলে সৰ্বকালৰ অভিলেখ

দক্ষিণৰ ছুপাৰষ্টাৰ অল্লু অৰ্জূনৰ ‘Pushpa: The Rise- Part I’এ বক্স অফিচত জুই লগাই দিছে। প্ৰথম ৪ দিনতে ২০০ কোটিৰ ঘৰত প্ৰবেশ অল্লু অৰ্জূন (Allu Arjun) অভিনীত চিনেমাখনৰ। কেৱল BookMyShowত তিনিদিনত ২৬ লাখ টিকট বিক্ৰী হৈছে ছবিখনৰ যিটো অল্লু অৰ্জূনৰ নিজৰ চিনেমাৰ সৰ্বকালৰ অভিলেখ।

তিনিদিনত চিনেমাখনৰ উপাৰ্জন ২১ নিযুত ডলাৰ বা ১৫৯ কোটি টকা। এইটো এটা অভিলেখ বুলিয়েই প্কাশ কৰিছে ফিল্ম ব্যৱসায়ৰ বিশ্লেষক ৰমেশ বালা (Ramesh Bala)ই। ৰমেশ বালাই টুইট কৰি কয় যে ১৯ ডিচেম্বৰত শেষ হোৱা সপ্তাহত Pushpaই গ্লোবেল বস্ক অফিচৰ টপ 3 (Global Box Office Top 3)ত  প্ৰবেশ কৰিছে।  ৫৮৭ নিযুত ডলাৰ উপাৰ্জনেৰে Spider-Man No Way Home এক নম্বৰত আছে আৰু ৫৪ নিযুত ডলাৰ উপাৰ্জনেৰে  Sheep Without A Shepherd 2 দুই নম্বৰত আছে।

#Pushpa lands in Global Box Office Top 3 for the weekend ending Dec 19th..

A Remarkable Achievement.. 🔥

1. #SpiderManNoWayHome - $587 Million

2. #SheepWithoutAShepherd2 - $ 54 Million

3. #Pushpa - $21 Million @alluarjun @iamRashmika @Samanthaprabhu2 @MythriOfficial

— Ramesh Bala (@rameshlaus) December 20, 2021

অল্লু অৰ্জূনৰ Pushpa: The Rise- Part I ছবিখনে ১৬ ডিচেম্বৰত ৯:৩৮ বজাত এক ছেকেণ্ডত ৩৬টা টিকট বিক্ৰীৰ অভিলেখ ৰচিছে। বাহুবলী-২ (Baahubali 2)ৰ পিছতে BookMyShowত এই টিকট বিক্ৰীৰ হাৰ দ্বিতীয় সৰ্বাধিক। হায়দৰাবাদ, বেংগালুৰু, বিশাখাপট্টনম, তিৰুপতি, বিজয়াৱাড়া, চেন্নাই, কোঁচি আৰু মুম্বাই আদি চহৰত দৰ্শক হিলদল ভাঙি পুষ্পাক চাবলৈ ছবিগৃহলৈ আহিছে।

উল্লেখ্য যে চিনেমাখনত এটা ডান্স নাম্বাৰত নৃত্য কৰা তাৰকা অভিনেত্ৰী ছামান্থা ৰুথ প্ৰভুৱেও প্ৰশংসা কৰি তত্ পোৱ নাই অল্লু অৰ্জূনক।

View this post on Instagram

A post shared by Samantha (@samantharuthprabhuoffl)

উল্লেখ্য যে Pushpa: The Rise শুকুৰবাৰ, ১৭ ডিচেম্বৰত মুকলি হৈছিল। ইয়াৰ আগদিনা মুকলি হৈছিল টম হলাণ্ডৰ Spider-Man No Way Home। স্পাইডাৰ মেনৰ ছবিখনে প্ৰথম দিনা ইমানেই টিকট বিক্ৰী হৈছিল যে পুৱা ৪ বজাতো প্ৰদৰ্শনী দিবলৈ বাধ্য হৈছিল । কিন্তু দ্বিতীয় দিনা Pushpa ছবিগৃহলৈ অহাৰ বাবেই Spider-Man No Way Homeৰ সেই ধাৰাত যতি পৰিল।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese