‘গোল্ডেন গ্লোব ২০২৩’ এছ এছ ৰাজামৌলীৰ 'RRR'ৰ যাদু! 'নাটু নাটু' গীতে লাভ কৰিলে বঁটা

দাক্ষিণাত্যৰ চলচ্চিত্ৰ আৰআৰআৰে ‘গোল্ডেন গ্লোব ২০২৩’ লাভ কৰি ইতিহাস সৃষ্টি কৰিছে। ছবিখনে তেলেগু গীত ‘নাটু নাটু’ৰ বাবে শ্ৰেষ্ঠ গীতৰ বঁটা লাভ কৰিছে। ‘আৰআৰআৰ’ ছবিখন বিগত বৰ্ষৰ মাৰ্চত ছবিগৃহত মুক্তি লাভ কৰিছিল আৰু বিশ্বব্যাপী বক্স অফিচত ১২০০ কোটিতকৈও অধিক ধন উপাৰ্জন কৰিছে। বিশ্বৰ আটাইতকৈ বিখ্যাত বঁটা প্ৰদৰ্শনী ‘গোল্ডেন গ্লোব ২০২৩’ আৰম্ভ হৈছে আৰু প্ৰতি বছৰৰ দৰে এই বছৰতো বহুতো চলচ্চিত্ৰ প্ৰতিযোগিতাত আছে। ভাৰতৰ পৰা দক্ষিণ চিনেমা ব্লকবাষ্টাৰ আৰআৰআৰ ছবিখন ‘গোল্ডেন গ্লোব ২০২৩’ৰ মনোনয়নত আছে। এনে পৰিস্থিতিত ছবিখনৰ গোটেই দলটো বঁটা প্ৰদান অনুষ্ঠানত উপস্থিত হোৱা দেখিবলৈ পোৱা গৈছে। ছবিখনৰ লগতে জড়িত প্ৰতিজন সদস্যকে ‘গোল্ডেন গ্লোব ২০২৩’ ত ভাৰতীয় পোছাক পৰিধান কৰা দেখা গৈছে।

উল্লেখযোগ্য যে, ‘গোল্ডেন গ্লোব ২০২৩’ত ‘আৰআৰআৰ’ক দুটা শ্ৰেণীত মনোনীত কৰা হৈছিল। ইয়াৰে এটা হৈছে ‘শ্ৰেষ্ঠ চলচ্চিত্ৰ- অনা-ইংৰাজী’ আৰু আনটো ‘শ্ৰেষ্ঠ মূল গীত-চলচ্চিত্ৰ’। আটাইতকৈ গুৰুত্বপূৰ্ণ কথাটো হ’ল যে বিগত দুটা দশকতকৈও অধিক সময়ৰ ভিতৰত ‘গোল্ডেন গ্লোব ২০২৩’ত মনোনয়ন লাভ কৰা প্ৰথম ভাৰতীয় চলচ্চিত্ৰ হিচাপে ‘আৰআৰআৰ’ বোলছবিখন পৰিগণিত হৈছে। ইয়াৰ পূৰ্বে ‘বিদেশী ভাষা’ শ্ৰেণীৰ চলচ্চিত্ৰসমূহ ‘চালাম বোম্বাই!’ (১৯৮৮) আৰু ‘মনছুন ৱেডিং’ (২০০১) এই দুয়োখন চলচ্চিত্ৰ মীৰা নায়াৰে পৰিচালনা কৰিছিল। এই দুয়োখন চলচ্চিত্ৰ ‘আৰআৰআৰ’তকৈ সম্পূৰ্ণ পৃথক হয়।

ৰাজামৌলীৰ দ্বাৰা পৰিচালিত, ‘আৰআৰআৰ’ জাতীয়তাবাদ আৰু ভাতৃত্ববোধৰ ওপৰত আধাৰিত এখন ছবি। ইয়াৰ মুখ্য চৰিত্ৰত বিখ্যাত অভিনেতা ৰাম চৰণ আৰু জুনিয়ৰ এনটিআৰে অভিনয় কৰিছে। চলচ্চিত্ৰখনত, তেওঁলোক দুয়োজনে বাস্তৱ জীৱনৰ ভাৰতীয় বিপ্লৱী আল্লুৰী সীতাৰামা ৰাজু আৰু কোমাৰাম ভীমৰ চৰিত্ৰত অভিনয় কৰিছে। কিন্তু চলচ্চিত্ৰখন স্বাধীনতাৰ পূৰ্বৰ যুগত নিৰ্মিত এক কাল্পনিক কাহিনীৰ ওপৰত আধাৰিত।
‘শ্ৰেষ্ঠ চলচ্চিত্ৰ অনা-ইংৰাজী’ শ্ৰেণীত, আৰআৰআৰে কোৰিয়ান ৰোমাণ্টিক চলচ্চিত্ৰ ‘ডিচিছন টু লিভ’, জাৰ্মান যুদ্ধৰ বিৰুদ্ধে নিৰ্মিত থ্ৰিলাৰ ছবি ‘অল কুৱাইট অন দা ৱেষ্টাৰ্ণ ফ্ৰণ্ট’, আৰ্জেণ্টিনাৰ ‘আৰ্জেণ্টিনা ১৯৮৫’ আৰু ফৰাচী-ডাচ্চ ‘ক্লোজ’ৰ সৈতে প্ৰতিদ্বন্দিতা কৰিছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।