মিচেল ওবামাক ৰাষ্ট্ৰপতি পদৰ বাবে প্ৰতিদ্বন্দ্বিতা কৰিবলৈ অনুৰোধ কৰি টুইট জাভেদ আখটাৰৰ

শেহতীয়াকৈ জাভেদ আখটাৰে টুইটাৰত মিচেল ওবামাৰ সৈতে তেওঁৰ আগন্তুক ভ্ৰমণৰ প্ৰচাৰৰ সময়ত তেওঁৰ সৈতে যোগাযোগ কৰিছিল তেওঁৰ গ্ৰন্থ 'দ্য লাইট উই কেৰী'ৰ বাবে, যিয়ে কাহিনী আৰু অন্তৰ্দৃষ্টিসম্পন্ন প্ৰতিফলন প্ৰদান কৰা বুলি দাবী কৰিছে। ১৫ নৱেম্বৰত মুক্তি পাব এই কিতাপখন আৰু ইয়াৰ পূৰ্বে মিচেলে ইয়াৰ প্ৰচাৰৰ বাবে ৱাশ্বিংটন ডি চি, ফিলাডেলফিয়া, আটলান্টা, চিকাগো, ছান ফ্ৰান্সিস্কো, লছ এঞ্জেলছৰ দৰে ঠাই ভ্ৰমণ কৰিব।

কিতাপখন মুক্তিৰ পূৰ্বে মিচেল ওবামাই নিজৰ টুইটাৰ একাউণ্টৰ পৰা লিখিছে, “মই এই আচৰিত লোকসকলৰ সৈতে #TheLightWeCarry Tour ত যাবলৈ পাই বৰ উৎসাহিত হৈছো! মই মোৰ পথত সহায় কৰা কিছুমান ব্যক্তিগত কাহিনী আৰু পাঠ শ্বেয়াৰ কৰিম, আৰু মই আপোনালোকক আৰু ক’বলৈ অপেক্ষা কৰিব নোৱাৰো। আশাকৰোঁ আপুনিও আমাৰ লগত যোগদান কৰিব!” এই ভ্ৰমণৰ সময়ত তেওঁৰ সৈতে যোগ দিব এলেন ডিজেনেৰেছ, গেইল কিং, এলিজাবেথ আলেকজেণ্ডাৰ, কনন অ’ব্ৰাইন আদিৰ দৰে জনপ্ৰিয় ব্যক্তিত্বই।

মিচেলৰ টুইটৰ প্ৰতিক্ৰিয়া প্ৰকাশ কৰি জাভেদে উত্তৰ দিয়ে, “প্ৰিয় শ্ৰীমতী মিচেল ওবামা, মই কোনো যুৱ উন্মাদ অনুৰাগী নহয় বৰঞ্চ ভাৰতৰ এগৰাকী ৭৭ বছৰীয়া লেখক/কবি। আশাকৰোঁ যিকোনো ভাৰতীয়ই মোৰ নামটো জানিব। মেডাম প্লিজ মোৰ কথাবোৰ গুৰুত্বসহকাৰে লওক, কেৱল আমেৰিকাই নহয় সমগ্ৰ বিশ্ববাসীক হোৱাইট হাউছত আপোনাৰ প্ৰয়োজন, আপুনি এই দায়িত্বটোৰ পৰা আঁতৰি থকা উচিত নহয়।”

জাভেদ আখতাৰৰ টুইট।
মিচেলে ২০১৭ চনত আমেৰিকাৰ প্ৰাক্তন ৰাষ্ট্ৰপতি তথা তেওঁৰ স্বামী বাৰাক ওবামাৰ সৈতে হোৱাইট হাউছ এৰি থৈ যায়। হোৱাইট হাউছত তেওঁৰ দ্বিতীয়বাৰৰ বাবে কাৰ্যকালৰ পিছত এই কথা। আমেৰিকাৰ প্ৰথম কৃষ্ণাংগ ৰাষ্ট্ৰপতি হিচাপে ওবামাই ইতিহাস ৰচনা কৰাৰ বিপৰীতে মিচেলে প্ৰথমগৰাকী আফ্ৰিকান-আমেৰিকান মহিলা হিচাপে পৰিগণিত হয় যিয়ে ষ্টেটছৰ ফাৰ্ষ্ট লেডী হৈছিল।

অনলাইন আৰু অফলাইনত কেইবাটাও বিষয়ক লৈ কণ্ঠস্বৰত পৰিচিত জাভেদ আখটাৰ। চিত্ৰনাট্যকাৰ যুটি চেলিম-জাভেদ হিচাপে ১৯৭৩ চনত নিৰ্মিত ‘জাঞ্জীৰ’ ছবিৰ জৰিয়তে তেওঁ খ্যাতি লাভ কৰে। তেওঁৰ কিছুমান শ্ৰেষ্ঠ ৰচনাৰ ভিতৰত আন্দাজ, ইয়াদন কী বাৰাট, দীৱাৰ, সীতা ঔৰ গীতা, শোলে, দোস্তানা আৰু মিষ্টাৰ ইণ্ডিয়া আদি ছবি আছে।