• Home
  • »
  • News
  • »
  • entertainment
  • »
  • Shershaah: বিক্ৰম বাট্ৰাৰ সৈতে ডিম্পল চীমাৰ সম্পৰ্ক আছিল ৪ বছৰৰ, ৪০ দিন কটাইছিল একেলগে

Shershaah: বিক্ৰম বাট্ৰাৰ সৈতে ডিম্পল চীমাৰ সম্পৰ্ক আছিল ৪ বছৰৰ, ৪০ দিন কটাইছিল একেলগে

কিয়াৰা আদৱানীয়ে 'Shersaah'ত ডিম্পলৰ চৰিত্ৰত অভিনয় কৰিছিল

কিয়াৰা আদৱানীয়ে 'Shersaah'ত ডিম্পলৰ চৰিত্ৰত অভিনয় কৰিছিল

ডিম্পল চীমা (Dimple Cheema)কেপ্টেইন বিক্ৰম বাট্ৰাৰ (Vikram Batra Life) জীৱনৰ এক অটুট অংশ, আপুনি ডিম্পলৰ সৈতে তেওঁৰ সম্পৰ্কৰ অবিহনে বিক্ৰম বাট্ৰাৰ কাহিনী ক'ব নোৱাৰে।

  • Share this:
'শ্বেৰশ্বাহ' (Shershaah) ছবিখনে সফলতা লাভ কৰাৰ পিছত দেশজুৰি ব্যাপক চৰ্চা লাভ কৰিছে আৰু এই সফলতাৰ উপভোগ কৰিছে ছবিখনৰ সৈতে জড়িত গোটেই টীমটোৱে। পৰম বীৰ চক্ৰ বঁটা প্ৰাপ্ত কেপ্টেইন বিক্ৰম বাট্ৰাৰ জীৱনৰ ওপৰত আধাৰিত এই ছবিখনত শ্বহীদগৰাকীৰ প্ৰেমিকা ডিম্পল চীমা (Dimple Cheema)ৰ সৈতে তেওঁৰ প্ৰেমকাহিনীও প্ৰদৰ্শন কৰা হৈছে। চিনেমাখনত সিদ্ধাৰ্থ মালহোত্ৰা (Siddharth Malhotra) আৰু কিয়াৰা আদৱানী (Kiara Advani)য়ে মুখ্য চৰিত্ৰত অভিনয় কৰিছে। চলচ্চিত্ৰখনৰ চিত্ৰনাট্যকাৰ সন্দীপ শ্ৰীবাস্তৱে ছবিখনৰ কাহিনী লিখাৰ সময়ত কৰা হোমৱৰ্কৰ বিষয়ে নিজৰ অভজ্ঞতা শ্বেয়াৰ কৰিছে।

সন্দীপ শ্ৰীবাস্তৱে প্ৰথমে ছবিখনৰ কেইটামান ৰিভিউৰ কথা উল্লেখ কৰে য'ত  'শ্বেৰশ্বাহ' চিনেমাখনত কিয়াৰা আদৱানীৰৰ চৰিত্ৰটো কিমান সৰু আছিল সেয়া সমালোচনা কৰিছিল। সন্দীপে কয় যে ডিম্পল আৰু বিক্ৰমে (Dimple Cheema and Vikram Batra Love Story) প্ৰকৃততে ইজনে সিজনৰ সৈতে খুব কম সময় অতিবাহিত কৰিছিল। এই চিন্তাৰেই তেওঁ তেওঁলোকৰ সম্পৰ্কৰ 'সৌন্দৰ্য' ধৰিবলৈ সক্ষম হৈছিল।

NEWS18ৰ সৈতে সাক্ষাৎকাৰত সন্দীপ শ্ৰীবাস্তৱে কয়, "যেতিয়া মই কাহিনীটোৰ কাৰণে মোৰ গৱেষণা কৰি আছিলোঁ আৰু মই ডিম্পলৰ সৈতে কথা পাতিছিলোঁ, তেতিয়া তেওঁ কৈছিল যে কেপ্টেইন বাট্ৰা আৰু তেওঁ ইজনে সিজনক চাৰি বছৰ ধৰি চিনি পাইছিল, কিন্তু তেওঁলোকে একেলগে কটোৱা সময় আছিল মাত্ৰ ৪০ দিন। মই ভাবোঁ আমি সেই ৪০ দিনৰ সাৰাংশটো ধৰিব পাৰিছোঁ যিটো মই ইমান সন্মান কৰা আশ্চৰ্যকৰ মহিলাগৰাকীৰ বাবে বহুত অৰ্থপূৰ্ণ। কিয়াৰাই চৰিত্ৰটোত যিদৰে অভিনয় কৰিছে তাৰ মাজেৰে ডিম্পলৰ সেই আৱেগৰ সাৰাংশ উজলি উঠিছে আৰু সেইটোৱেই দৰ্শকৰ সৈতে সম্পৰ্ক গঢ়ি তুলিছে।

সন্দীপ শ্ৰীবাস্তৱে লগতে কয়, "গতিকে মই নাভাবোঁ যে কিবা আৰু যোগ কৰাৰ প্ৰয়োজন আছিল। এইটো সম্পূৰ্ণৰূপে সঠিক পৰিমাণৰ হৈছে। তেওঁ কেপ্টেইন বিক্ৰম বাট্ৰাৰ (Vikram Batra Life) জীৱনৰ এক অটুট অংশ, আপুনি ডিম্পলৰ সৈতে তেওঁৰ সম্পৰ্ক আৰু যুদ্ধত তেওঁ কি কৰিছিল তাৰ অবিহনে কেপ্টেইন বিক্ৰম বাট্ৰাৰ কাহিনী ক'ব নোৱাৰে। এইটো ব্যক্তিগত আৰু এজন সৈনিক হিচাপে তেওঁৰ জীৱনৰ নিখুঁত মিশ্ৰণ।"
Published by:Manjumoni Borah
First published:

শেহতীয়া বাতৰি