শ্বাহৰুখ খানৰ ছবি 'পাঠান'এ বক্স অফিচত ৰচিলে ইতিহাস! বিদেশতো হৈছে হিট, সংগ্ৰহ কৰিব পাৰিবনে ৫০০ কোটি?

সিদ্ধাৰ্থ আনন্দৰ পৰিচালিত তথা বলীউডৰ ছুপাৰষ্টাৰ শ্বাহৰুখ খান অভিনীত ছবি 'পাঠান'এ বিশ্বজুৰি মুকলি সপ্তাহতে ৩১৩ কোটি টকা উপাৰ্জন কৰি হিন্দী চিনেমাৰ ইতিহাসত অভিলেখ সৃষ্টি কৰিছে। ২৫ জানুৱাৰীত মুক্তি পোৱা ছবি পাঠানে তৃতীয় দিনা হিন্দী ফৰ্মেটত ৩৮ কোটি টকা উপাৰ্জন কৰাৰ বিপৰীতে ডাব কৰা ফৰ্মেটসমূহে ১.২৫ কোটি টকা উপাৰ্জন কৰে।

ভাৰতত দুদিনীয়া মুঠ সংগ্ৰহৰ পৰিমাণ আছিল ৩৯.২৫ কোটি টকা নেট (৪৭ কোটি গ্ৰাছ)। তৃতীয় দিনা বিশ্বজুৰি মুঠ সংগ্ৰহ ৯০ কোটি টকা। ৩ দিনৰ পিছত ভাৰতত মুঠ গ্ৰছ বক্স অফিচ সংগ্ৰহ (GBOC) ২০১ কোটি আৰু বহিঃৰাজ্যৰ মুঠ সংগ্ৰহ ১১২ কোটি। যশ ৰাজ ফিল্মছৰ চিইঅ’ অক্ষয় বিধানীয়ে কয়, “ৰিলিজ হোৱাৰ প্ৰথম ৩ দিনত ছবিখনৰ সংগ্ৰহৰ কথা বিবেচনা কৰিলে ভাৰত আৰু বহিঃৰাজ্যৰ যিকোনো ছবিৰ বাবে পাঠানে এতিয়ালৈকে সৰ্ববৃহৎ মুকলি সপ্তাহ অভিলেখ কৰাটো বিশ্বাস কৰিব নোৱাৰি।

উপাৰ্জন ৫০০ কোটি পৰ্যন্ত হ’ব পাৰে
পাঠান ছবিৰ উপাৰ্জনৰ পৰিসংখ্যাই সকলোকে আচৰিত কৰি তুলিছে। ছবিখনে মাত্ৰ ৩ দিনতে ৩০০ কোটিৰো অধিক উপাৰ্জন কৰিছে। আনহাতে দেওবাৰে অৰ্থাৎ কালি ছবিখনৰ পৰা বহুত সফলতা দেখা যায়। অনুমান কৰা হৈছে যে দেওবাৰ ছবিখনৰ বাবে আটাইতকৈ ডাঙৰ দিন আছিল। যদিও ছবিখনৰ মুক্তিৰ দিনটোত ৫৭ কোটি টকাৰ সংগ্ৰহ হৈছিল। ইয়াৰ পিছত দ্বিতীয় দিনা ছবিখনে ৭০ কোটি টকা উপাৰ্জন কৰে। তৃতীয় দিনা ছবিখনে লাভ কৰিছে ৩৯ কোটি টকা। এতিয়া চতুৰ্থ দিনটোত ছবিখনে ৫৫ কোটি টকা উপাৰ্জন কৰাৰ সম্ভাৱনা আছে।

পাঠানে অভিলেখ ভংগ কৰিলে
পাঠান ছবিয়ে মুক্তিৰ লগে লগে বক্স অফিচৰ সকলো অভিলেখ কঁপাই তুলিছে। দীৰ্ঘদিন ধৰি ছ’চিয়েল মিডিয়াত বিতৰ্কিত হৈ থকা পাঠান ছবিখনতো বৰ্জনৰ কোনো বিশেষ প্ৰভাৱ দেখা পোৱা নাই। মুক্তিৰ লগে লগে এই ছবিখনে এক জোকাৰণিৰ সৃষ্টি কৰিছে। শ্বাহৰুখ খানৰ ছবিখন দৰ্শকে যথেষ্ট আকোঁৱালি লৈছে। একে সময়তে উপাৰ্জনৰ ক্ষেত্ৰত এই বছৰটো এতিয়ালৈকে সৰ্ববৃহৎ ছবি হিচাপে প্ৰমাণিত হৈছে। ছবিখনৰ পৰা আৰু কিছু উপাৰ্জনৰ আশা এতিয়াও আছে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।