ৰাজস্থানৰ প্ৰাসাদত 'মঞ্জুলিকা'! মহিলাৰ ভিডিঅ' সামাজিক মাধ্যমত ভাইৰেল; জানক প্ৰকৃত সত্য

বহুলোকে এই কথাত সহমত হ’ব যে বলীউডৰ ‘ভূল ভুলেইয়া’ চলচ্চিত্ৰত মঞ্জুলিকাৰ চৰিত্ৰটো ভয়ানক আছিল। চিনেমাখন যদি কোনোবাই থিয়েটাৰত চাইছে, দুৱাৰৰ ভয়ংকৰ শব্দ আৰু মঞ্জুলিকাৰ পায়েলৰ শব্দই হয়তো তেওঁলোকক নিদ্ৰাহীন ৰাতি দিছে। সময়ৰ লগে লগে, এই চৰিত্ৰটো মানুহৰ প্ৰিয় চৰিত্ৰ হৈ পৰিছে। এনে পৰিস্থিতিত, এতিয়া ৰাজস্থানৰ এটা প্ৰাসাদত (হাৱেলী) মানুহক ভয় খুওৱাবলৈ মঞ্জুলিকা অৱতাৰ পিন্ধা এগৰাকী মহিলাৰ ভিডিঅ’ ভাইৰেল হৈ আছে।

টুইটাৰত শ্বেয়াৰ কৰা এই ভিডিঅ’টোৱে মানুহৰ পৰা মিশ্ৰিত প্ৰতিক্ৰিয়া লাভ কৰিছে। এই ভিডিঅ’টোৰ আৰম্ভণিতে এগৰাকী মহিলাই দীঘল চুলিৰ উইগ পিন্ধি, শৰীৰত বগা চাদৰ মেৰিয়াই থিয় হৈ থকা দেখিবলৈ পোৱা গৈছে। ভিডিঅ’টোত আগলৈ মহিলাগৰাকীয়ে ঘৰটোৰ চাৰিওফালে ঘূৰি ফুৰা আৰু মানুহক ভয় খুৱাবলৈ চেষ্টা কৰা দেখিবলৈ পোৱা গৈছে। যদিও ঘৰটোত থকা কিছুমান আৱাসীয়ে ‘ভূত’লৈ ভয় কৰিছে, আন কিছুমান লোকে সিমান প্ৰভাৱিত হোৱা নাছিল। এই দুষ্টামিৰ ভিডিঅ’টোৰ বাবে, মহিলাগৰাকীৰ সৈতে একে পোছাক পৰিধান কৰা অন্য লোকো আছিল।

Dressed up as monjulika to scare the residents of Bharatpur & this is how it went 🥰 pic.twitter.com/K4v8Oii00U

— prisha. (@prishafknwalia) January 8, 2023

বৰ্তমানলৈ ভিডিঅ’টো ৪৬ হাজাৰতকৈও অধিক বাৰ চোৱা হৈছে আৰু এই সংখ্যা দ্ৰুত গতিত বৃদ্ধি পাইছে। কিছুমান মানুহে এই ভিডিঅ’টো যথেষ্ট ধেমেলীয়া পাইছিল আৰু মানুহে ভিডিঅ’টো বহুত উপভোগ কৰিছে। অৱশ্যে, আন কিছুমানে এই দুষ্টামিয়ে হৃদৰোগী আৰু প্ৰাসাদৰ বৃদ্ধ বাসিন্দাসকলৰ বাবে বিপদজনক প্ৰমাণিত হ'ব পাৰে বুলি উল্লেখ কৰিছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।