Amitabh Bachchan: অমিতাভৰ ঘৰৰ এই ষাঁড়ৰ ছবিয়ে আনে সমৃদ্ধি! কিন্তু ইয়াৰ মূল্যৰে আপুনি কিনিব পাৰে ৫খন অ'ডি গাড়ী

বলীউডৰ দ্বিগগজ অভিনেতা অমিতাভ বচ্চনৰ অকল খ্যাতিয়ে নাই, তেওঁক আটাইতকৈ ধনী তাৰকা বুলিও গণ্য কৰা হয়। মুম্বাইৰ জুহুৰ দৰে ঠাইত অমিতাভৰ দুটা ডাঙৰ প্ৰাসাদ আছে। বিগ বিয়ে এই 'জলসা'তে তেওঁৰ পৰিয়ালৰ সৈতে বাস কৰে। অমিতাভৰ 'জলসা' বহুতো মূল্যৱান সামগ্ৰীৰে সজোৱা। ইয়াৰ ভিতৰত অলপতে বিগ বিয়ে অনুৰাগীসকলক এপদ সামগ্ৰীৰে পৰিচয় কৰাই দিয়ে।

'জলসা'ত আছে এটা ষাঁড়ৰ ছবি। অমিতাভে দেৱালীত তেওঁৰ পৰিয়ালৰ সৈতে এই ফটোৰ সন্মুখত উঠিছিল ফটো। অভিষেক বচ্চন, ঐশ্বৰ্য, আৰাধা, শ্বেতা বচ্চন নন্দা আৰু তেওঁৰ দুই পুত্ৰ আৰু কন্যাও ফটোখনত আছিল। তেওঁলোকৰ পিছফালে দেৱালত ওলমি আছিল এটা ডাঙৰ ষাঁড়ৰ ছবি।

কিন্তু ই মামুলি ষাঁড়ৰ এখন ছবি নহয়। এই 'মামুলি'ৰ মূল্যই আপোনাৰ চকু কপালত উঠাব। এয়া হৈছে দেশৰ শ্ৰেষ্ঠ আধুনিক চিত্ৰশিল্পী মনজিৎ বাৱাৰৰ এখন চিত্ৰ। সমগ্ৰ বিশ্বতে তেওঁৰ চিত্ৰসমূহৰ খ্যাতি আছে। 'জলসা'ৰ লিভিং ৰুমৰ দেৱালত ওলমি থকা ছবিখনৰ মূল্য ৪ কোটি টকা। খবৰ অনুসৰি ছবিখনৰ কিছু গুৰুত্ব আছে।

বিশেষজ্ঞসকলৰ মতে, ষাঁড়ৰ এই ছবিখন শক্তি, গতি আৰু আশাৰ প্ৰতীক। এইটো বিশ্বাস কৰা হয় যে এই ছবিখন ঘৰত বা কৰ্মক্ষেত্ৰত ৰাখিলে অৰ্থনৈতিক বিকাশৰ জোৱাৰ আহে। কিন্তু এই ৪ কোটি টকাৰ ছবিখনৰ মূল্যৰে ভাগ্য মুকলি কৰাৰ কথাটো সাধাৰণ লোকৰ বাবে অকল্পনীয়। এই চিত্ৰৰ ধনেৰে অমিতাভৰ 'জলসা' বাংলোৰ ওচৰত এটা টু বিএইচকে এপাৰ্টমেণ্টো ল'ব পৰা যায়। অথবা এখন বিলাসী অ'ডি গাড়ী কিনিব পাৰি। ভাৰতত এখন অ'ডি কিউ ছেভেন গাড়ীৰ মূল্য ৭০-৮০ লাখ টকা। ইয়াৰ অৰ্থ হৈছে এনে পাঁচখন গাড়ী ৪ কোটি টকাত ক্ৰয় কৰিব পাৰি।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।