মুখ্যপৃষ্ঠা » খবৰ

» অপৰাধনামা

»ছুপাৰ মাৰ্কেটত খোৱা বস্তুত থুৱাই থৈ আহিল মহিলাই, পেলাই দিব লগা হ'ল ২৬ লাখ টকাৰ খাদ্য সামগ্ৰী, সুৰাৰ ৰাগীতহে হেনো কৰিছিল এনেকুৱা কাম

ছুপাৰ মাৰ্কেটত খোৱা বস্তুত থুৱাই থৈ আহিল মহিলাই, পেলাই দিব লগা হ'ল ২৬ লাখ টকাৰ খাদ্য সামগ্ৰী, সুৰাৰ ৰাগীতহে হেনো কৰিছিল এনেকুৱা কাম

News18 Assam | News18-Assam
Updated:August 26, 2021, 1:19 PM IST
ছুপাৰ মাৰ্কেটত খোৱা বস্তুত থুৱাই থৈ আহিল মহিলাই, পেলাই দিব লগা হ'ল ২৬ লাখ টকাৰ খাদ্য সামগ্ৰী, সুৰাৰ ৰাগীতহে হেনো কৰিছিল এনেকুৱা কাম
সাংকেতিক চিত্ৰ

মহিলাগৰাকীয়ে ছুপাৰমাৰ্কেটখনৰ ব্ৰেড, কেক, মাংস, পাচলি আদি বিভিন্ন খোৱা বস্তুৰ ওপৰত থুৱাই থৈ যায়। মালিকে প্ৰায় ২৬ লাখ টকাৰ সামগ্ৰী পেলাই দিবলৈ বাধ্য হয়। 

  • Share this:
যোৱা বছৰৰ পৰাই বিশ্বত কোভিড১৯ (Covid 19)এ আতংকৰ সৃষ্টি কৰিছে। কোৰোণা ভাইৰাছৰ বাবেই মানৱ জীৱনলৈ আহিছে নতুন নতুন নিয়ম, মানি চলিবলগা হৈছে কেতিয়াও কল্পনা কৰিব নোৱাৰা নীতি-নিয়ম। ছচিয়েল ডিষ্টেন্সিং (Social Distancing)  আৰু মাস্ক (Mask) আমাৰ জীৱনৰ নতুন সংগী হৈ পৰিল। দোকান-বজাৰ খোলাৰ সময়ৰ কোনো নিশ্চয়তা নাইকীয়া হৈছে। ইয়াৰ মাজতে এগৰাকী মহিলাই কৰিলে যি কাণ্ড সমগ্ৰ বিশ্বই গৰিহণা দিবলৈ বাধ্য হৈছে। এখন ছুপাৰ মাৰ্কেটত থকা খাদ্য সামগ্ৰীত থুৱাই (Woman Spit On Eatables At Supermarket) অহাৰ অভিযোগ উত্থাপন হৈছে মহিলাগৰাকীৰ বিৰুদ্ধে। অভিযোগমতে মহিলাগৰাকীয়ে বহুলোকক কোভিড পজিটিভ কৰোৱাৰ অভিসন্ধিৰে এনেদৰে খাদ্যত থুৱাইছিল।

ছুপাৰ মাৰ্কেটখনৰ প্ৰায় ২৬ লাখ টকাৰ খাদ্য সামগ্ৰীৰ ওপৰত থুৱাই অহাৰ অভিযোগ উত্থাপন হৈছে মহিলাগৰাকীৰ বিৰুদ্ধে। ছুপাৰমাৰ্কেটখনত সোমায়েই মহিলাগৰাকীয়ে নিজকে কোভিড পজিটিভ বুলি চিঞৰি চিঞৰি খোৱা বস্তুবোৰৰ ওপৰত থুৱাবলৈ ধৰে। 'এতিয়া এই বস্তুবোৰ খাই সকলোৱেই কোভিড পজিটিভ হৈ যাওক' বুলি চিঞৰিব ধৰে।  ইমানেই নহয় ছুপাৰমাৰ্কেটখনলৈ অহা গ্ৰাহকৰ গালৈও থুৱায় মহিলাগৰাকীয়ে। তাৰ পিছতে আৰক্ষীয়ে মহিলাগৰাকীক গ্ৰেপ্তাৰ কৰে।

মহিলাগৰাকীয়ে ছুপাৰমাৰ্কেটখনৰ ব্ৰেড, কেক, মাংস, পাচলি আদি বিভিন্ন খোৱা বস্তুৰ ওপৰত থুৱাই থৈ যায়। ঘটনাৰ পিছতে ছুপাৰমাৰ্কেটখনৰ মালিকে প্ৰায় ২৬ লাখ টকাৰ সামগ্ৰী পেলাই দিবলৈ বাধ্য হয়।

এই ঘটনা ২০২০ চনৰ মাৰ্চ মাহত আমেৰিকাৰ পেনছিলভিনিয়াত সংঘটিত হৈছিল। অলপতে আদালতে এই ঘটনাৰ গোচৰত মহিলাগৰাকীক ৮ বছৰৰ কাৰাদণ্ড বিহিছে। আদালতত মহিলাগৰাকীৰ অধিবক্তাই কয় যে আচলতে তেওঁৰ কোভিড ৰিপোৰ্ট নিগেটিভ আছিল আৰু সুৰাৰ ৰাগীতহে তেওঁ তেনেকুৱা কৰিছিল আৰু সেয়ে তেওঁক ক্ষমা কৰি দিব লাগে। কিন্তু আদালতে ক্ষমাৰ পৰিৱৰ্তে ৮ বছৰৰ জেইল দিলে মহিলাগৰাকীক।
Published by: Manjumoni Borah
First published: August 26, 2021, 1:17 PM IST
আৰু চাওক
পৰৱৰ্তী বাতৰি

শেহতীয়া বাতৰি