NAGAON : নকল সোণ ক্ৰয় কৰিবলৈ অহা বহিঃৰাজ্যৰ ৩ যুৱকক উত্তম-মধ্যম, গুৰুতৰভাৱে আহত
আহত যুৱককেইজনক নগাঁও অসামৰিক চিকিৎসালয়ত ভৰ্তি কৰোৱা হৈছে।
সম্পৰ্কীয় বাতৰি
নগাঁৱৰ হেৰাপট্টিত উত্তপ্ত পৰিস্থিতি। নকল সোণ ক্ৰয় কৰিবলৈ অহা উত্তৰ প্ৰদেশৰ তিনি যুৱকক আক্ৰমণ। আক্ৰমণত আহত হয় নিখিল সিং, অবিনাশ ৰবাৰ্ট আৰু শিৱেন মিশ্ৰা নামৰ তিনি যুৱক।
তিনিওৰে ঘৰ উত্তৰ প্ৰদেশৰ ছাটনাত বুলি আৰক্ষীয়ে জানিবলৈ দিছে। আক্ৰমণত গুৰুতৰভাৱে আহত হৈছে তিনিওগৰাকী যুৱক। ঘটনাস্থলীত ইতিমধ্যে নগাঁও আৰক্ষী উপস্থিত হৈছে আৰু দুটা এয়াৰ গান উদ্ধাৰ কৰিছে।
ইপিনে, আহত যুৱককেইজনক নগাঁও অসামৰিক চিকিৎসালয়ত ভৰ্তি কৰোৱা হৈছে। উল্লেখ্য, ৰাজ্যত আন অপৰাধমূলক কাৰ্যকলাপৰ সমান্তৰালভাৱে নকল সোণক লৈ প্ৰৱঞ্চনামূলক ঘটনাও ঘটি থকা দেখা গৈছে।
Published by: Gautam Barman
FIRST PUBLISHED : January 02, 2023, 23:28 IST
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।
