உங்கள் மாவட்டத்தைத் தேர்வுசெய்க

    • Home
    • »
    • News
    • »
    • crime
    • »
    • Side Effects of Petrol-Diesel Price Rise : পেট্ৰ'ল-ডিজেলৰ মূল্যবৃদ্ধিৰ ছাইড এফেক্ট, ভেজাল ডিজেলেৰে দুষ্ট চক্ৰই চলাইছে ৰমৰমীয়া ব্যৱসায়, দোকানৰ বটলৰ পৰা তেল ভৰাওতে সাৱধান হওক

    Side Effects of Petrol-Diesel Price Rise : পেট্ৰ'ল-ডিজেলৰ মূল্যবৃদ্ধিৰ ছাইড এফেক্ট, ভেজাল ডিজেলেৰে দুষ্ট চক্ৰই চলাইছে ৰমৰমীয়া ব্যৱসায়, দোকানৰ বটলৰ পৰা তেল ভৰাওতে সাৱধান হওক

    ভেজাল ডিজেলৰ কাৰখানা, জাগীৰোড

    ভেজাল ডিজেলৰ কাৰখানা, জাগীৰোড

    জাগীৰোড (Jagirod)ত কেৰাচিনৰ পৰা ভেজাল ডিজেল (Spurious Diesel) তৈয়াৰী কাৰখানা উৎখাত কৰি আৰক্ষীয়ে জব্দ কৰিছে ২ হাজাৰ লিটাৰতকৈ অধিক ভেজাল ডিজেল।

    • Share this:
    দাম বাঢ়িছে পেট্ৰ'ল-ডিজেল (Petrol-Diesel Price)ৰ ৷ সেয়ে ডিজেলৰ নামত বক্ৰ পথেৰে মুনাফা লুটিবলৈ আৰম্ভ কৰিছে একাংশ দুষ্টচক্ৰই ৷ পোহৰলৈ আহিছে কেৰাচিনৰ পৰা ভেজাল ডিজেল(Spurious Diesel) তৈয়াৰ কৰা অবৈধ ব্যৱসায়ৰ ভয়ংকৰ তথ্য ৷

    নীলা কেৰাচিনৰ ক’লা বেহা নহয় ! এইবাৰ নীলা কেৰাচিনৰ পৰা ভেজাল ডিজেল তৈয়াৰৰ ক’লা বেহা ৷ অত্যাৱশ্যকীয় সামগ্ৰীৰ আকাশলংঘী মুল্যবৃদ্ধিয়ে জ্বলা-কলা খুৱাইছে সৰ্বসাধাৰণক ৷ অস্বাভাৱিক ভাৱে দাম বাঢ়িছে পেট্ৰ'ল আৰু ডিজেলৰো ৷ সেয়ে ভেজাল ডিজেলৰ ৰমৰমীয়া ব্যৱসায়ত নামিছে একাংশ লোক ৷ জাগীৰোডত পোহৰলৈ আহিছে এই চাঞ্চল্যকৰ তথ্য ৷

    জাগীৰোডৰ বাঘজাপত উৎপল ডেকা নামৰ এজন লোকৰ ঘৰত ভাড়াতীয়া হিচাপে থকা এটা দুষ্টচক্ৰই বহুদিন ধৰি চলাই আহিছে ভেজাল ডিজেলৰ ক’লা বেপাৰ ৷ দুষ্টচক্ৰটোৱে নীলা কেলাচিন তেলত ৰাসায়নিক পদাৰ্থ মিহলাই প্ৰস্তুত কৰে এই ভেজাল ডিজেল ৷ যান-বাহনৰ বাবে অনুপযোগী এই ভেজাল ডিজেল দুষ্টচক্ৰটোৱে বিক্ৰী কৰি আহিছে গ্ৰামাঞ্চলত ৷

    এই তথ্য লাভ কৰাৰ পিছতে মৰিগাঁও জিলাৰ আৰক্ষী অধীক্ষকৰ নিৰ্দেশমৰ্মে জাগীৰোড আৰক্ষীৰ এটা দলে সোমবাৰে নিশা চক্ৰটোৰ বিৰুদ্ধে চলায় অভিযান ৷ অভিযানত কেইবাটাও ড্ৰাম ভৰ্তি প্ৰায় ২ হাজাৰ লিটাৰ ভেজাল ডিজেল জব্দ কৰাৰ লগতে আৰক্ষীয়ে আটক কৰে এজন লোকক ৷ অৱশ্যে আৰক্ষী অহাৰ উমান পাই ঘটনাস্থলীৰ পৰা পলায়ন কৰে মূল মাষ্টাৰমাইণ্ড ৰাম অশ্ৰে ভগত নামৰ লোকজন ৷

    জব্দকৃত বৃহৎ পৰিমাণৰ ভেজাল ডিজেল সমূহ থানালৈ আনি নমুনা পৰীক্ষাৰ বাবে ফৰেণছিক লেবৰেটৰী (Forensic Laboratory)লৈ প্ৰেৰণ কৰাৰ যো-জা চলাইছে আৰক্ষীয়ে ৷ এই ভেজাল ডিজেল তৈয়াৰ কৰা অবৈধ কাৰ্যত এটা বৃহৎ চক্ৰ জৰিত থকাৰ সন্দেহ প্ৰকাশ কৰিছে জাগীৰোড আৰক্ষী থানাৰ পৰিদৰ্শক মুন প্ৰকাশ তিৱাৰীয়ে ৷

    উল্লেখ্য্য যে গ্ৰামাঞ্চলৰ বিভিন্ন সৰু সৰু দোকানত কম দৰত চক্ৰটোৱে যোগান ধৰে এই ভেজাল ডিজেল ৷ এই ভেজাল ডিজেল ব্যৱহাৰ কৰি বহু যানবাহন বিকল হোৱাৰ অভিযোগ আছে ৷ ঘটনা সন্দৰ্ভত জাগীৰোড আৰক্ষীয়ে অব্যাহত ৰাখিছে তদন্ত ৷
    Published by:Manjumoni Borah
    First published: