ৰঙিয়াত দিন দুপৰতে ডকাইতি ! অভিনৱ কৌশলেৰে বাইকত অহা দুৰ্বৃত্তই লুটি নিলে নগদ ৫ লাখ টকা...

ৰঙিয়াত দিন দুপৰতে ডকাইতি (Money loot) । অভিনৱ কৌশলেৰে এজন লোকৰ পৰা ৫ লাখ টকা লুটি নিয়ে দুৰ্বৃত্ত‌ই । বেংকৰ পৰা ধন (Cash) উলিয়াই ঘৰলৈ গৈ থকা অৱস্থাত ৰঙিয়াৰ গড়ভিতৰৰ শৰৎ দাস নামৰ লোকজনৰ পৰা ৫ লাখ টকা লুটি নিয়ে ।

ডকাইতিৰ ঘটনাটোকলৈ ৰঙিয়া নগৰত তীব্ৰ চাঞ্চল্যৰ সৃষ্টি হৈছে । পালছাৰ বাইকত অহা দুই ডকাইতে ধন লুট কৰি নিৰ্বিঘ্নে উধাও হয় । লোকজনে ৰঙিয়া এমজি ৰোডস্থিত ভাৰতীয় ষ্টেট বেংকৰ পৰা ধনখিনি উলিয়াই বাইকেৰে তিনিআলি অভিমুখে গৈ আছিল । এনে সময়তে তিনিআলি ৰেলগেটৰ সমীপত হঠাতে বাইক এখনে তেওঁক পিছফালৰ পৰা খুন্দিয়ায় । লগে লগে লোকজনে বাইকৰ পৰা বাগৰি পৰে । দুৰ্ঘটনাটোত লোকজন কিছু পৰিমাণে আঘাতপ্ৰাপ্ত হয় । তৎমুহূৰ্ততে বাইকত থকা দুজন যুৱকৰ এজনে লোকজনৰ পৰা ধনৰ বেগটো কাঢ়ি লৈ উধাও হয় । লগে লগে লোকজনে চিঞৰ-বাখৰ কৰে যদিও ইতিমধ্যে দুৰ্বৃত্ত দুজনে তীব্ৰ বেগেৰে বাইকেৰে নিৰ্বিঘ্নে পলাবলৈ সক্ষম হয় ।  ৰঙিয়া নগৰত দিন দুপৰতে ডকাইতিৰ দৰে ঘটনা সংঘটিত হোৱাত নগৰখনৰ নিৰাপত্তাক লৈ প্ৰশ্নৰ উদয় হৈছে সাধাৰণ জনতাৰ মনত ।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese