পাকিস্তানৰ Peshawarত মছজিদত ভয়ংকৰ বিস্ফোৰণ ! ৩০ জন নিহত, অৰ্ধশতাধিক লোক আহত ...

পাকিস্তানৰ (Pakistan) উত্তৰ-পশ্চিম চহৰ পেছোৱাৰত (Peshawar) শুক্ৰবাৰৰ নামাজৰ সময়ত এটা মছজিদত বোমা বিস্ফোৰণত কমেও ৩০ জন লোক নিহত আৰু ৫৬ জনতকৈ অধিক লোক আহত হৈছে। আৰক্ষী বিষয়া মহম্মদ চাজাদ খানে ৰয়টাৰ সংবাদ সংস্থাক কৈছিল: "আমি জৰুৰীকালীন অৱস্থাত আছো আৰু আহতসকলক চিকিৎসালয়লৈ লৈ যোৱা হৈছে। আমি বিস্ফোৰণৰ প্ৰকৃতি অনুসন্ধান কৰি আছো, কিন্তু এইটো এটা আত্মঘাতী আক্ৰমণ যেন লাগিছিল।

পেছোৱাৰৰ লেডী ৰিডিং হস্পিটেলৰ মুখপাত্ৰ মুহাম্মাদ অসীম খানে কৈছিল যে এইটো এটা বৃহৎ বিস্ফোৰণ য'ত ৩০ জন লোক নিহত হৈছে। ৫৬ জনৰো অধিক লোক আহত হৈছে। আহত সকলৰ কিছুমানৰ অৱস্থা সংকটজনক। আমি চিকিৎসালয়সমূহত জৰুৰীকালীন অৱস্থা ঘোষণা কৰিছো। ঘটনাটোৰ প্ৰত্যক্ষদৰ্শীৰ মতে, জুমেইৰ প্ৰাৰ্থনাৰ সময়ত এই বিস্ফোৰণ সংঘটিত হয়। সন্দেহ কৰা হৈছে যে আক্ৰমণকাৰীজনে এই বিস্ফোৰণত নিজকে উৰুৱাই দিছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।