Rhino Poaching : কাজিৰঙাৰ গঁড় হত্যাত জড়িত মণিপুৰৰ উগ্ৰপন্থী সংগঠন। অসম-মণিপুৰ আৰক্ষীৰ যুটীয়া অভিযানত গ্ৰেপ্তাৰ।
গঁড় হত্যাত জড়িত ZEMI REVOLUTIONARY ARMY(ZRA)ৰ এজন সদস্যক অসম আৰক্ষী আৰু মণিপুৰ আৰক্ষীৰ যুটীয়া অভিযানত গ্ৰেপ্তাৰ।
গঁড় হত্যাত জড়িত ZEMI REVOLUTIONARY ARMY(ZRA)ৰ এজন সদস্যক অসম আৰক্ষী আৰু মণিপুৰ আৰক্ষীৰ যুটীয়া অভিযানত গ্ৰেপ্তাৰ।
- News18 Assam
- Last Updated :
কাজিৰঙা (Kaziranga)ৰ গড় হত্যাৰ লগত জড়িত হৈছে মণিপুৰৰ উগ্ৰপন্থী ৷ পূৰ্বে NSCN (IM)ৰ সদস্য আৰু বৰ্তমানৰ ZEMI REVOLUTIONARY ARMY(ZRA)ৰ এজন সদস্যক অসম আৰক্ষী আৰু মণিপুৰ আৰক্ষীৰ যুটীয়া অভিযানত গ্ৰেপ্তাৰৰ পাছতেই পোহৰলৈ আহিছে এই তথ্য৷
কোভিডৰ গণ সংক্ৰমণৰ মাজতো কাজিৰঙা ৰাষ্ট্ৰীয় উদ্যান (Kaziranga National Park)ত গঁড় হত্যাকাৰী (Rhino Poacher)ৰ বিৰুদ্ধে অসম আৰক্ষীৰ অভিযান অব্যাহত আছে ৷ সোমবাৰৰ পৰা ৪৮ ঘণ্টা ধৰি মণিপুৰ (Manipur)ত গঁড় হত্যাকাৰীৰ বিৰুদ্ধে চলোৱা অভিযানত এটা গঁড় হত্যাকাৰীক আৰক্ষীয়ে আটক কৰে ৷
মণিপুৰৰ চূড়াচান্দপুৰৰ পৰা আটক কৰা চিকাৰীটোৰ নাম হ'ল থাংগৌ সিং ভি খামখৌপ' ওৰফে পাঠান ৷ বোকাখাত আৰক্ষী থানাৰ আৰক্ষী বিষয়া প্ৰদীপ কুমাৰ বৰাৰ নেতৃত্বত চলা অভিযানত সহযোগ কৰে মণিপুৰ আৰক্ষীয়ে ৷
চুড়াচান্দপুৰ জিলাৰ আৰক্ষী অধীক্ষক চিবানন্দ চুৰ্ভেই সম্পূৰ্ণ সহযোগ কৰা অভিযানত চিকাৰীটোক গাংপিমূল গাঁৱৰ পৰা আটক কৰা হয় ৷ আটকাধীন চিকাৰীটোৱে বান পানীৰ সুযোগ লৈ বিশ্বনাথ সংমণ্ডলত ZRAৰ নিৰ্দেশত গঁড় হত্যাৰ পৰিকল্পনা কৰিছিল ৷
ইয়াৰ পূৰ্বে মণিপুৰৰ চূড়াচান্দপুৰৰ পৰা চিঞ্জাচাম ভাল্টে নামৰ আন এটা গঁড় হত্যাকাৰীক গ্ৰেপ্তাৰ কৰিছিল আৰক্ষীয়ে ৷ ভাল্টেৰ স্বীকাৰোক্তিৰ ভিত্তিতে পাঠানক ১৯৫/২০ নম্বৰৰ গোচৰৰ ভিত্তিত গ্ৰেপ্তাৰ কৰা হয়। পাছত বোকাখাত মহকুমা ন্যায়িক আদালতত হাজিৰ কৰাই ৪ দিনৰ জিম্মাৎ লোৱা হয় পাঠানক ৷
উল্লেখ্য যে কাজিৰঙাৰ গঁড় হত্যাৰ লগত মণিপুৰৰ পাঁচটামান চোৰাং চিকাৰীৰ দল জড়িত হৈ থকাৰ কথা আৰক্ষীয়ে সদৰী কৰে। এই দলৰ অন্যতম "চংপো দল"ৰ নেতা নেংজাথান ভাল্টেক আটক কৰিবলৈ সক্ষম হয় বোকাখাতৰ আৰক্ষী ৷ এই দল সমুহে ২০১৯-২০২০ত ১৮ টাৰো অধিক গঁড় হত্যা কৰা বুলি ধৃত চোৰাংচিকাৰী নেংজাথান ভাল্টেই স্বীকাৰোক্তি দিছিল ৷ ধৃত চোৰাংচিকাৰীৰ স্বীকাৰোক্তি মতে মণিপুৰৰ চোৰাংচিকাৰী দলবোৰে গঁড় হত্যাৰ লগতে গঁড় খৰ্গৰ ব্যৱসায় , অস্ত্ৰ সৰবৰাহৰ লগতে দলৰ সদস্য আটক হলে অধিবক্তাক দিব লগা ধন আৰু ভৰণ পোষণৰো সমুহ দায়ীত্ব পালন কৰে ৷
কোভিডৰ গণ সংক্ৰমণৰ মাজতো কাজিৰঙা ৰাষ্ট্ৰীয় উদ্যান (Kaziranga National Park)ত গঁড় হত্যাকাৰী (Rhino Poacher)ৰ বিৰুদ্ধে অসম আৰক্ষীৰ অভিযান অব্যাহত আছে ৷ সোমবাৰৰ পৰা ৪৮ ঘণ্টা ধৰি মণিপুৰ (Manipur)ত গঁড় হত্যাকাৰীৰ বিৰুদ্ধে চলোৱা অভিযানত এটা গঁড় হত্যাকাৰীক আৰক্ষীয়ে আটক কৰে ৷
মণিপুৰৰ চূড়াচান্দপুৰৰ পৰা আটক কৰা চিকাৰীটোৰ নাম হ'ল থাংগৌ সিং ভি খামখৌপ' ওৰফে পাঠান ৷ বোকাখাত আৰক্ষী থানাৰ আৰক্ষী বিষয়া প্ৰদীপ কুমাৰ বৰাৰ নেতৃত্বত চলা অভিযানত সহযোগ কৰে মণিপুৰ আৰক্ষীয়ে ৷
চুড়াচান্দপুৰ জিলাৰ আৰক্ষী অধীক্ষক চিবানন্দ চুৰ্ভেই সম্পূৰ্ণ সহযোগ কৰা অভিযানত চিকাৰীটোক গাংপিমূল গাঁৱৰ পৰা আটক কৰা হয় ৷ আটকাধীন চিকাৰীটোৱে বান পানীৰ সুযোগ লৈ বিশ্বনাথ সংমণ্ডলত ZRAৰ নিৰ্দেশত গঁড় হত্যাৰ পৰিকল্পনা কৰিছিল ৷
ইয়াৰ পূৰ্বে মণিপুৰৰ চূড়াচান্দপুৰৰ পৰা চিঞ্জাচাম ভাল্টে নামৰ আন এটা গঁড় হত্যাকাৰীক গ্ৰেপ্তাৰ কৰিছিল আৰক্ষীয়ে ৷ ভাল্টেৰ স্বীকাৰোক্তিৰ ভিত্তিতে পাঠানক ১৯৫/২০ নম্বৰৰ গোচৰৰ ভিত্তিত গ্ৰেপ্তাৰ কৰা হয়। পাছত বোকাখাত মহকুমা ন্যায়িক আদালতত হাজিৰ কৰাই ৪ দিনৰ জিম্মাৎ লোৱা হয় পাঠানক ৷
উল্লেখ্য যে কাজিৰঙাৰ গঁড় হত্যাৰ লগত মণিপুৰৰ পাঁচটামান চোৰাং চিকাৰীৰ দল জড়িত হৈ থকাৰ কথা আৰক্ষীয়ে সদৰী কৰে। এই দলৰ অন্যতম "চংপো দল"ৰ নেতা নেংজাথান ভাল্টেক আটক কৰিবলৈ সক্ষম হয় বোকাখাতৰ আৰক্ষী ৷ এই দল সমুহে ২০১৯-২০২০ত ১৮ টাৰো অধিক গঁড় হত্যা কৰা বুলি ধৃত চোৰাংচিকাৰী নেংজাথান ভাল্টেই স্বীকাৰোক্তি দিছিল ৷ ধৃত চোৰাংচিকাৰীৰ স্বীকাৰোক্তি মতে মণিপুৰৰ চোৰাংচিকাৰী দলবোৰে গঁড় হত্যাৰ লগতে গঁড় খৰ্গৰ ব্যৱসায় , অস্ত্ৰ সৰবৰাহৰ লগতে দলৰ সদস্য আটক হলে অধিবক্তাক দিব লগা ধন আৰু ভৰণ পোষণৰো সমুহ দায়ীত্ব পালন কৰে ৷
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
