যোৰহাটত ধাৰাবাহিকভাৱে উদ্ধাৰ হৈছে ড্ৰাগছ ! পুনৰ আৰক্ষীয়ে জব্দ কৰিলে ৬৭ গ্ৰাম সন্দেহজনক হেৰ'ইন

যোৰহাটত অব্যাহত আছে আৰক্ষীৰ ড্ৰাগছ বিৰোধী অভিযান । সোমবাৰে নিশা যোৰহাট আৰক্ষীৰ এটি দলে অভিযান চলাই নগৰৰ সমীপৰ টোকলাই তৰুণ নগৰৰ এটা বাসগৃহৰ পৰা ড্ৰাগছ ভৰ্তি ছটা চাবোনৰ বাকচ জব্দ কৰিবলৈ সক্ষম হয় ।

চাবোনৰ বাকচবোৰত লুকুৱাই ৰখা অৱস্থাত প্ৰায় ৬৭ গ্ৰাম সন্দেহজনক হেৰ'ইন উদ্ধাৰ কৰে আৰক্ষীৰ দলটোৱে । আৰক্ষীয়ে নগদ ১ লাখ ১৬ হাজাৰ টকাও জব্দ কৰিছে ।  ঘটনা সন্দৰ্ভত আৰক্ষীয়ে দুজন লোকক আটক কৰিছে । টোকলাই তৰুণ নগৰৰ জমিৰুদ্দিন আহমেদ নামৰ লোকজনে ড্ৰাগছৰ ব্যৱসায় চলাই অহাৰ নিৰ্দিষ্ট খবৰৰ ভিত্তিত আৰক্ষীয়ে অভিযান চলাইছিল ।

উল্লেখ্য যে যোৰহাটত উপ আৰক্ষী অধীক্ষক (প্ৰবেশ্যনাৰ) স্মৃতিৰেখা ফুকনৰ নেতৃত্বত গঠন কৰা আৰক্ষীৰ এটা দলে ড্ৰাগছৰ বিৰুদ্ধে ধাৰাবাহিকভাৱে অভিযান চলাই আহিছে ।