Money Loot: দিন দুপৰতে দুৰ্বৃত্তই আক্ৰমণ কৰি কাঢ়ি নিলে নগদ ৬২ হাজাৰ টকা...

হোজাই (Hojai) নীলবাগানত চাঞ্চল্যকৰ ডকাইতি কাণ্ড (Cash loot)  ৷ দিন দুপৰতে নীলবাগানৰ মাচুমা হোটেলৰ সন্মুখত সংঘটিত হৈছে এই  চাঞ্চল্যকৰ ডকাইতি কাণ্ড৷

দুজন লোকে ধনৰ লেনদেন কৰি থাকোতে কেইজনমান দুৰ্বৃত্তই ধন কাঢ়ি লৈ উধাও হোৱাৰ অভিযোগ। মোহাম্মদ মাৰুফ নামৰ এজন লোকৰ ৬২ হাজাৰ টকা কাঢ়ি নিয়াৰ অভিযোগ উত্থাপন হৈছে ৷ ঘটনা সংক্ৰান্তত ৫ জন লোকক অভিযুক্ত কৰি ভুক্তভোগী যুৱকজনে গোচৰ তৰিছে নীলবাগান আৰক্ষী পহৰা চকীত৷ দুৰ্বৃত্তকেইজনৰ আক্ৰমণত গুৰুতৰভাবে আহত হৈছে মোহাম্মদ মাৰুফৰ লগতে কেইবাজনো লোক ৷ হোটেলৰ চি চি কেমেৰাত বন্দী হৈছে আক্ৰমণৰ সমগ্ৰ দৃশ্য ৷ঘটনা সংক্ৰান্তত আৰক্ষীয়ে তদন্ত অব্যাহত ৰাখিছে ।