Gohpur Police Arrested : দুৰ্নীতি নিবাৰক শাখাৰ জালত আৰক্ষী উপ-পৰিদৰ্শক, ২০ হাজাৰ লওঁতে ধৰা পৰিল হাতে-লোটে
ধীৰাজ নমশূদ্ৰৰ আৱাসতো তালাচী চলাইছে দুৰ্নীতি নিৰ্বাৰক শাখাই।
সম্পৰ্কীয় বাতৰি
কনকলতা-মুকুন্দ কাকতিৰ বুকুৰ শোণিতেৰে ঐতিহ্যমণ্ডিত হোৱা গহপুৰ আৰক্ষী থানাত কলংক। দুৰ্নীতি নিবাৰক শাখাৰ জালত আৰক্ষী উপ-পৰিদৰ্শক। এই উপ-পৰিদৰ্শকগৰাকীৰ নাম ধীৰাজ নমশূদ্ৰ।
গহপুৰ ধেনুধৰাৰ প্ৰিয়ংকা উপাধ্যায় নামৰ এগৰাকী অভিযুক্তৰ পৰা ২০ হাজাৰ টকা লৈ দুৰ্নীতি নিবাৰক শাখাৰ হাতত হাতে-লোটে ধৰা পৰিল উপ-পৰিদৰ্শকগৰাকী। দুৰ্নীতি নিবাৰক শাখাই গহপুৰ আৰক্ষী থানাৰ ভিতৰতে সোধা-পোছা অব্যাহত ৰাখিছে ধীৰাজ নমশূদ্ৰক।
ইতিমধ্যে ধীৰাজ নমশূদ্ৰৰ আৱাসতো তালাচী চলাইছে দুৰ্নীতি নিৰ্বাৰক শাখাই। উল্লেখ্য যে গোচৰ নিষ্পত্তিৰ নামত প্ৰিয়ংকা নামৰ অভিযুক্তগৰাকীৰ পৰা ১ লাখ টকা বিচাৰিছিল ধীৰাক নমশূদ্ৰই। উক্ত ১ লাখ টকাৰ অগ্ৰিম ধন হিচাপে ২০ হাজাৰ টকা লওঁতেই দুৰ্নীতি নিৰ্বাৰক শাখাই কৰায়ত্ত কৰে তেওঁক।
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।
