Gang Attack in Barpeta: বৰপেটাত দলবদ্ধ আক্ৰমণ, ২০ জনীয়া দুৰ্বৃত্তৰ আক্ৰমণত নিহত ১, আহত ৫

বৰপেটাৰ মাইলকুছিত দলবদ্ধ আক্ৰমণৰ ঘটনা সংঘটিত হৈছে ৷  এটা পৰিয়ালৰ সদস্যৰ ওপৰত প্ৰায় ২০ জনীয়া দুৰ্বৃত্তই আক্ৰমণ কৰে (Gang attack in Barpeta) ৷  আক্ৰমণত ৰফিকুল ইছলাম নামৰ এজন লোক থিতাতে নিহত হোৱাৰ লগতে ৰফিকুল ইছলামৰ পিতৃ-ভাতৃসহ আন তিনিগৰাকী লোক গুৰুতৰভাৱে আহত হৈছে ৷ আহতসকল ক্ৰমে ৰমেজুদ্দিন, মাজনী বেগম আৰু হাছানুৰ আহমেদ ৷

আহতসকলৰ মাজৰ এজনক সংকটজনক অৱস্থাত গুৱাহাটীলৈ প্ৰেৰণ কৰাৰ বিপৰীতে আন দুগৰাকীক বৰপেটা মেডিকেল কলেজ হাস্পতাল (barpeta medical college hospital)ত ভৰ্তি কৰোৱা হৈছে ৷

হাতে হাতে দা, লাঠি, ৰড আদি লৈ অহা দলটোৱে অকস্মাতে ৰমেজুদ্দিনৰ পৰিয়ালটোৰ লোকসকলৰ ওপৰত আক্ৰমণ কৰে ৷ অতৰ্কিতে সংঘটিত দলবদ্ধ আক্ৰমণৰ ঘটনাত ৰমেজুদ্দিনৰ পুত্ৰ ৰফিকুল ইছলাম থিতাতে নিহত (One Death) হোৱাৰ লগতে পৰিয়ালৰ আন লোকসকল গুৰুতৰভাৱে আহত হয় ৷

সাধাৰণ কথাৰ গইনা লৈ ২০ জনীয়া দলটোৱে এনেদৰে ৰমেজুদ্দিনৰ ঘৰত আক্ৰমণৰ ঘটনা সংঘটিত কৰে বুলি জানিব পৰা গৈছে ৷  আক্ৰমণকাৰীসকল একেখন গাঁওৰে বাসিন্দা আছিল। আৰক্ষীয়ে ঘটনাস্থলীত উপস্থিত হৈ তদন্ত আৰম্ভ কৰিছে।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese