BARPETA : বিলাতী সুৰাৰ বটলত ভেজাল সুৰা, বৰপেটা জিলাৰ হাউলীত উৎখাত কাৰখানা

বৰপেটা জিলাৰ হাউলীত নকল আৰু ভেজাল সুৰা প্ৰস্তুত কৰা এটা কাৰখানা উৎখাত কৰা হয়। হাউলীৰ জলজলীত কাৰখানা স্হাপন কৰি দীৰ্ঘদিন ধৰি নকল আৰু ভেজাল বিলাতী সুৰা তৈয়াৰ কৰি গোপনে বিক্ৰী কৰা হৈছিল ৷

গোপন সূত্ৰৰ পৰা পোৱা খবৰৰ ভিত্তিত আজি পুৱতিনিশা বৰপেটাৰ আবকাৰী বিভাগে অভিযান চলায় এই অবৈধ সুৰাৰ কাৰখানাত ৷ বৰপেটাৰ আবকাৰী পৰিদৰ্শক সৌৰভ প্ৰাণ শৰ্মা আৰু সহকাৰী আবকাৰী পৰিদৰ্শক প্ৰশান্ত পাঠকৰ নেতৃত্বত আবকাৰীৰ এটা দলে পুৱা পাঁচ বজাৰ পৰা অভিযান চলাই উৎখাত কৰে নকল সুৰাৰ কৰাখানাটো ৷

বৃহৎ আকাৰৰ ড্ৰামত বৰষুণৰ পানী জমা কৰি সেই পানীত স্পিৰিট মিহলি কৰি প্ৰস্তুত কৰা  হৈছিল নকল আৰু ভেজাল সুৰা ৷ নকল সুৰা প্ৰস্তুত কৰা এইজন চন্দ্ৰ শীলক  গ্ৰেপ্তাৰ কৰে আৱকাৰী বিভাগে ৷ বিভিন্ন বিলাতী সুৰাৰ খালী বটল, লেবেল, সাফৰ আদিও জব্দ কৰে  আবকাৰী দলটোৱে ৷

ঘৰতে সুৰা প্ৰস্তুত কৰা অবৈধ কাৰখানা স্হাপন কৰি বজাৰত নকল আৰু ভেজাল সুৰা বিক্ৰী কৰি আহিছিল চন্দ্ৰ শীলে ৷ আবকাৰী আইনৰ অধীনত গ্ৰেপ্তাৰ কৰা হয় নকল সুৰা প্ৰস্তুত কৰা ব্যৱসায়ী  চন্দ্ৰ শীলক ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।