১২ কোটিৰ দলং নিৰ্মাণত ব্যাপক দুৰ্নীতি ! মুকলিৰ পিছতে চপৰা চপৰে খহিছে দলঙৰ দুই মূৰ।

ৰঙিয়াৰ মধুকুছিত পুঠিমাৰী নৈৰ দলং নিৰ্মাণত ব্যাপক দুৰ্নীতিৰ অভিযোগ উত্থাপন হৈছে । মুকলিৰ পিছতে চপৰা চপৰে খহিছে ১২ কোটি ৪৩ লাখ টকীয়া দলঙৰ দুই মূৰ । সাধাৰণ বৰষুণৰ ফলত খহিছে বৃহৎ দলঙখনৰ দুয়োটা মূৰ ।

ৰাইজৰ অভিযোগ যে গাৰ্ড ৱালৰ পৰিবৰ্তে মাটি আৰু বালিৰ ওপৰত পিটচিং কৰি দলং নিৰ্মাণৰ কাম সম্পূৰ্ণ কৰাৰ অভিযোগ কৰিছে ঠিকাদাৰৰ বিৰুদ্ধে । অতি নিম্ন মানদণ্ডৰ সামগ্ৰী ব্যৱহাৰ কৰিছে দলং নিৰ্মাণত । যাৰ বাবে নিৰ্মাণ সম্পূৰ্ণ কৰি দলং মুকলি কৰি দিয়াৰ পিছতে এনেদৰে দলঙখনৰ দুয়োটা মুৰ জহি-খহি গৈছে ।

বিভাগীয় কৰ্তৃপক্ষ আৰু স্থানীয় বিধায়ক ভবেশ কলিতাক দলং নিৰ্মাণত হোৱা ব্যাপক দুৰ্নীতিৰ বিৰুদ্ধে অভিযোগ দিছে স্থানীয় ৰাইজে । কিন্তু অভিযোগ দিয়াৰ পিছতো কোনো ব্যৱস্থা গ্ৰহণ নকৰিলে ঠিকাদাৰৰ বিৰুদ্ধে । ৰাইজে দুৰ্নীতিগ্ৰস্ত ঠিকাদাৰক কঠোৰ শাস্তি বিহিবলৈ দাবী জনাইছে। দুৰ্নীতিৰ ক্ষেত্রত শূণ্য সহনশীলতাৰ প্ৰতিশ্ৰুতি দিয়া বিজেপি চৰকাৰখনে এই ক্ষেত্রত কি ভূমিকা গ্ৰহণ কৰে তালৈ বাট চাইছে স্থআনীয় লোকে।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|