Raj Kundra Case: ৰাজ কুন্দ্ৰাৰ ২টাকৈ বেংক একাউণ্ট জব্দ, কিমান কোটি টকা আছিল এই দুটা একাউণ্টত ?

বলীউডৰ অভিনেত্ৰী শিল্পা চেট্টী (Shilpa Shetty)ৰ স্বামী আৰু ব্যৱসায়ী ৰাজ কুন্দ্ৰা (Raj Kundra) Porn চলচ্চিত্ৰৰ গোচৰত বেয়াকৈ জড়িত হৈ পৰিছে। মুম্বাই আৰক্ষীৰ অপৰাধ শাখাৰ দলটোৱে ঘটনাটোৰ দ্ৰুত গতিত তদন্ত কৰি আছে। ইফালে, এতিয়া খবৰ পোৱা গৈছে যে অপৰাধ শাখাৰ দলে কানপুৰৰ ৰাজ কুন্দ্ৰাৰ দুটা বেংক একাউণ্ট জব্দ কৰিছে।

দ্য ইটাইমছত প্ৰকাশিত এক প্ৰতিবেদন অনুসৰি, বেংক বিষয়াসকলে কৈছিল যে মুম্বাই আৰক্ষীৰ অপৰাধ শাখাই ভাৰতীয় ষ্টেট বেংকক কানপুৰত ব্যৱসায়ী আৰু অভিনেতা শিল্পা চেট্টীৰ স্বামী ৰাজ কুন্দ্ৰাৰ দুটা ষ্টেট বেংক একাউণ্ট জব্দ কৰিবলৈ নিৰ্দেশ দিছিল। এছ বি আই ৰ বিষয়াসকলে কৈছিল যে এই দুটা বেংক একাউণ্টত কোটি কোটি টকা জমা কৰা হৈছিল।

বাতৰি অনুসৰি, দেওবাৰে বেংক একাউণ্ট জব্দ কৰাৰ পিছত কুন্দ্ৰাৰ সৈতে সম্পৰ্কিত আন এটা গোচৰ পোহৰলৈ আহে। সূত্ৰই ইটাইমছক কৈছিল যে অৰবিন্দ শ্ৰীবাস্তৱে ৰাজ কুন্দ্ৰাৰ প্ৰযোজনা প্ৰতিষ্ঠান চলাইছিল আৰু ধনখিনি অৰবিন্দ শ্ৰীবাস্তৱৰ পত্নী হৰ্ষিতাক স্থানান্তৰ কৰা হৈছিল। এএনআইৰ সৈতে বাৰ্তালাপ কৰি শ্যাম নগৰ অঞ্চলত বাস কৰা অৰবিন্দৰ দেউতাক এন পি শ্ৰীবাস্তৱে কয় যে যোৱা দুবছৰ ধৰি অৰবিন্দ ঘৰলৈ অহা নাই আৰু ঘৰুৱা খৰচৰ নামত তেওঁ মাজে মাজে টকা প্ৰেৰণ কৰে। তেওঁ লগতে জনায় যে ২০২১ চনৰ ফেব্ৰুৱাৰী মাহত মুম্বাই অপৰাধ শাখাই অৰবিন্দৰ বাবে লুকআউট জাননী জাৰি কৰিছিল।

মুম্বাই আৰক্ষীৰ অপৰাধ শাখাই সোমবাৰে নিশা (19 July) ৰাজ কুন্দ্ৰাক Porn চলচ্চিত্ৰ নিৰ্মাণ আৰু কিছুমান এপৰ জৰিয়তে সম্প্ৰচাৰ কৰাৰ সন্দৰ্ভত গ্ৰেপ্তাৰ কৰিছিল। তেতিয়া তেওঁ ২৩ জুলাইলৈকে আৰক্ষীৰ জিম্মাত আছিল। মুম্বাইৰ এখন আদালতে শুক্ৰবাৰে (২৩ জুলাই) ৰাজৰ আৰক্ষীৰ জিম্মা ২৭ জুলাইলৈ বৃদ্ধি কৰিছিল।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।