Minor Raped in Mushalpur : আত্মীয়-স্বজন, চুবুৰীয়াৰ পৰাও সুৰক্ষিত নহয় কন্যা-নাবালিকা! ৯ বছৰীয়া শিশুক ফুচুলাই নি যৌন নিৰ্যাতন আত্মীয়ৰ।

একাংশ লোকৰ উন্মাদ কামনাৰ বাবেই বৰ্তমান যেন চুড়ান্তভাৱে অসুৰক্ষিত হৈ পৰিছে কন্যা সমাজ। মৰিগাঁৱত এগৰাকী নবালিকাকক ধৰ্ষণ (Minor Rape)ৰ জঘন্য ঘটনাৰ চাঞ্চল্য মাৰ নাযাওতেই এগৰাকী ৯ বছৰীয়া শিশু এইবাৰ সম্পৰ্কীয় লোকৰ জঘন্য় কামনাৰ বলি হ'ল বাক্সাত।

বাক্সা (Baksa) জিলাৰ তামুলপুৰ (Tamulpur)ৰ ঝাৰগাঁৱত সংঘটিত হৈছে মানৱতাক লজ্জানতা কৰা এই জঘন্য কাণ্ড ৷ এটি  ৯ বছৰীয়া শিশুক ফুচুলাই নি যৌন নিৰ্যাতন চলালে এগৰাকী সম্পৰ্কীয় লোকে ৷ সেই পাষণ্ড গৰাকীৰ নাম ব্ৰজেন কলিতা ৷ পুখুৰীত মাছ মাৰিবলৈ যাওঁতে সংঘটিত কৰে এই  জঘন্য  কাণ্ড ৷

যোৱা ২৫ জুনত সংঘটিত এই ঘটনা পোহৰলৈ আহিছে দেওবাৰেহে ৷ জানিব পৰা মতে ঘটনা সন্দৰ্ভত দেওবাৰে ৰাতি ভুক্তভোগী কিশোৰী গৰাকীৰ অভিভাৱকে তামুলপুৰ থানাত এখন এজাহাৰ দাখিল কৰে। আৰু সেই এজাহাৰৰ ভিত্তিত তামুলপুৰ আৰক্ষীয়ে ব্ৰজেন কলিতাক কৰায়ত্ত কৰে। জানিব পৰা মতে পুখুৰীত মাছ মাৰিবলৈ নিয়াৰ ছলেৰে ঘৰৰে ওচৰৰে ব্ৰজেন কলিতা নামৰ পাষণ্ডটোৱে পুখুৰীৰ পাৰতেই শিশুটিক যৌন নিৰ্যাতন (Sexual Molestation) চলায়।

পৰিয়ালৰ লোকৰ এজাহাৰ ভিত্তিত ধৰ্ষণকাৰীক কৰায়ত্ত কৰি পক্স' (POCSO) আইনৰ অধীনত ব্ৰজেনৰ বিৰুদ্ধে তামুলপুৰ আৰক্ষী থানাত এটি গোচৰ ৰুজু কৰি জিলা দণ্ডাধীশৰ আদালতত হাজিৰ কৰোৱাত আদালতে অভিযুক্তক জেল হাজোত লৈ প্ৰেৰণ কৰে । এই ঘটনা সন্দৰ্ভত তামুলপুৰ আঞ্চলিক ছাত্ৰ সন্থাই তীব্ৰ ভাষাৰে গৰিহণা দিয়াৰ লগতে দোষীক কঠোৰতকৈ-কঠোৰতম শাস্তি প্ৰদান কৰাৰ বাবে প্ৰশাসনৰ ওচৰত দাবী উত্থাপন কৰে ৷