Animesh Bhuyan Murder Case: যোৰহাটৰ অনিমেশ ভূঞা হত্যাকাণ্ডৰ ১৪ নম্বৰজন অভিযুক্ত টিলৌক গ্ৰেপ্তাৰ, অপৰাধীৰ সন্ধান বিচাৰি ৰাইজক আৰক্ষীৰ আহ্বান

যোৰহাট (Jorhat Mob Lynching)ত আছু নেতা অনিমেশ ভূঞাৰ হত্যাকাণ্ড (Animesh Bhuyan Murder Case)ৰ আন এজন অভিযুক্তক আৰক্ষীয়ে শুক্ৰবাৰে নিশা গ্ৰেপ্তাৰ কৰিছে । প্ৰিয়াংসু দাস ওৰফে টিলৌক বৰিগাঁৱৰ পৰা গ্ৰেপ্তাৰ কৰিছে যোৰহাট আৰক্ষীয়ে । ভিডিঅ' ফুটেজত দেখিবলৈ পোৱা মতে টিলৌৱে অনিমেশক পেটত আক্ৰমণ কৰিছিল । যোৰহাটবাসী ৰাইজৰ সহায়ৰ জৰিয়তে এই ঘটনাৰ ১৪ নম্বৰজন অভিযুক্তক আৰক্ষীয়ে গ্ৰেপ্তাৰ কৰিবলৈ সক্ষম হয় বুলি জানিবলৈ দিছে যোৰহাট আৰক্ষীয়ে ।

উল্লেখ্য যে অনিমেশ ভূঞাৰ হত্যাকাণ্ড সন্দৰ্ভত আৰক্ষীয়ে বৰ্তমানলৈকে ১৪ জন অভিযুক্তক গ্ৰেপ্তাৰ কৰিছে । ইয়াৰে মূল অভিযুক্ত ক'লা ল'ৰা ওৰফে নীৰজ দাসৰ ইতিমধ্যে দূৰ্ঘটনাত মৃত্যু হৈছে । ৮ জন অভিযুক্ত আৰক্ষীৰ জিম্মাত আছে আৰু ৫ জন অভিযুক্তক আদালতে ন্যায়িক জিম্মালৈ প্ৰেৰণ কৰিছিল ।

এই নৃশংস হত্যাকাণ্ডৰ যিকোনো ধৰণৰ তথ্য-প্ৰমাণ ৰাইজৰ ওচৰত থাকিলে সেয়া আৰক্ষীক যোগান ধৰিবলৈ যোৰহাটৰ আৰক্ষী অধীক্ষকে সকলোকে আহ্বান জনাইছে । তথ্যৰ যোগান ধৰোতাসকলৰ পৰিচয় আৰক্ষীয়ে গোপনে ৰাখিব।

Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese