বিগত ২০ বছৰত কিয় চীনৰ পৰাই বিশ্বৰ আন দেশলৈ বিয়পিছে ইটোৰ পিছত আনটো মাৰাত্মক ৰোগ ? জানক সকলো...

কোৰোণাৰ দ্বিতীয় ঢৌ সংহাৰ চলি থকা মাজতে পুনৰবাৰ কোৰোণা ভাইৰাছৰ উৎপত্তিক লৈ চৰ্চা আৰম্ভ হৈছে । এইবাৰো চীনৰ য়ুহান পৰীক্ষাগাৰতেই কোৰোণা ভাইৰাছৰ উৎপত্তি হোৱা বুলিয়েই চৰ্চা চলিছে ।

প্ৰাক্তন মাৰ্কিন ৰাষ্ট্ৰপতি ডনাল্ড ট্ৰাম্পে এইকথা মুকলিকৈ কৈছিল আৰু এতিয়া বিশ্বৰ বহুতো শীৰ্ষ বিজ্ঞানীয়েও এই কথা মুকলিকৈ কৈছে। শেহতীয়া এক প্ৰতিবেদনত য়ুহানৰ পৰীক্ষাগাৰৰ বিষয়ে কেতবোৰ তথ্য উন্মোচিত হৈছে যিয়ে আচৰিত কৰিছে সকলোকে । আনফালে কোৰোণা ভাইৰাছে যিদৰে ৰূপ সলাইছে তাক লৈও আচৰিত হৈছে সকলো ।

যদি বিগত ২০ বছৰত বিশ্বত বিয়পি পৰা ৫টা মহামাৰী সদৃশ ৰোগৰ উল্লেখ কৰা হয়, তেন্তে ইয়াৰে ৪টা ৰোগেই চীনৰ পৰা বিয়পিছিল । যি ৰোগত মৃত্যু হৈছিল বিশ্বৰ বহু লোকৰ । এই ৪টা ৰোগ হৈছে- চাৰ্চ(SARS), এভিয়ান ফ্লু(Avian Flu), ছোৱাইন ফ্লু(Swine Flu) আৰু কোৰোণা ভাইৰাছ(Corona virus)। যদিও চীনৰ পৰা ছোৱাইন ফ্লুৰ জন্ম হোৱা নাছিল, কিন্তু এইটো সঁচা যে বিগত বছৰত চীনৰ ৱেট মাৰ্কেটৰ ওপৰত কেইবাবাৰো প্ৰশ্ন কৰা হৈছে ।

চাৰ্চ(SARS), এভিয়ান ফ্লু(Avian Flu), আৰু এতিয়া কোৰোণা ভাইৰাছে সমগ্ৰ বিশ্বকে এক গভীৰ সংকটত পেলাইছে । ইয়াৰ লগে লগে চীনৰ খাদ্যাভ্যাসৰ ওপৰতো প্ৰশ্ন উত্থাপিত কৰা হৈছে, যাৰ ভিতৰত আছে বন্য আৰু বিষাক্ত জন্তু হত্যা কৰা আৰু ভক্ষণ কৰা ।

চাৰ্চ(SARS) -

২০০২ চনৰ নৱেম্বৰত চীনৰ পৰা চাৰ্চ(SARS) মহামাৰী বিয়পি পৰিছিল। এই ভাইৰাছ প্ৰথমে দক্ষিণ চীনৰ গুয়াংডং অঞ্চলত পোৱা গৈছিল । ২০০২ চনৰ নৱেম্বৰৰ পৰা ২০০৩ৰ জুলাই মাহৰ ভিতৰত দক্ষিণ চীনত চাৰ্চ ৰোগৰ প্ৰাদুৰ্ভাৱ হৈছিল। এই মহামাৰীৰ ফলত বহু দেশত হাজাৰ হাজাৰ লোক সংক্ৰমিত হৈছিল আৰু শ শ লোকে প্ৰাণ হেৰুৱাইছিল। সৰ্বাধিক সংখ্যক মৃত্যু হংকঙত হৈছিল। বিশ্ব স্বাস্থ্য সংস্থাৰ মতে, মহামাৰীত মৃত্যুৰ হাৰ আছিল ৯.৬ শতাংশ। এই ৰোগটো পৃথিৱীৰ প্ৰায় ৩৭ খন দেশলৈ বিয়পি পৰিছিল। নতুন কোৰোণা ভাইৰাছও চাৰ্চ পৰিয়ালৰ সদস্য। আজিও এই ভাইৰাছৰ কোনো ভেকছিন বা ঔষধ প্ৰস্তুত কৰা হোৱা নাই।

চাৰ্চৰ সময়তো চীনৰ ৱেট মাৰ্কেটৰ বিষয়ে বহুতো বিয়পি পৰিছিল। বিশেষজ্ঞসকলে কৈছিল যে মাংসৰ ব্যৱসায় সমগ্ৰ বিশ্বতে বাঢ়ি আছে । অৰণ্য হ্ৰাস পাইছে আৰু পশুপালন বৃদ্ধি পাইছে । ইয়াৰ ফলত বন্যপ্ৰাণীৰ ভাইৰাছ পালিত জীৱৰ মাজলৈ আহিছে আৰু তাৰ পৰাই এই ভাইৰাছ মানুহৰ শৰীৰত প্ৰৱেশ কৰিছে ।

যিহেতু চীনৰ মাংসবজাৰত বহু প্ৰকাৰৰ জন্তুৰ মাংস পোৱা যায়। গতিকে তাৰ পৰা নতুন ভাইৰাছ দ্ৰুতগতিত বিয়পি আছে । এক সংক্ৰামক ভাইৰাছ হোৱাৰ বাবে এইবোৰ সমগ্ৰ বিশ্বতে বিয়পি পৰে।

এভিয়ান ফ্লু(Avian Flu)-

এভিয়ান ফ্লু বা বাৰ্ড ফ্লু হৈছে এক ভাইৰেল সংক্ৰমণ যি চৰাইৰ পৰা চৰাইলৈ বিয়পে। সংক্ৰমিত কুকুৰা বা আন চৰাইৰ অত্যন্ত ওচৰত থাকিলে এই ৰোগ বিয়পে। বিশেষকৈ বিভিন্ন প্ৰজাতিৰ কুকুৰাৰ সৈতে পোনপটীয়া সংস্পৰ্শলৈ আহিলে এই ৰোগ মানুহলৈও বিয়পে। মুখ, চকু আৰু নাকৰ জৰিয়তে মানুহলৈ এই ভাইৰাছ বিয়পে।

এই মহামাৰীৰ বহুতো প্ৰকাৰ দীৰ্ঘদিন ধৰি বিশ্বত দেখিবলৈ পোৱা গৈছে, কিন্তু বৰ্তমান প্ৰচলিত H5N1 প্ৰথমবাৰৰ বাবে ১৯৯৬ চনত চীনত পোহৰলৈ আহিছিল। ২০০০ চনৰ পিছত ভিন্ন ঠাইত বিয়পি পৰা এভিয়ান ফ্লু H5N1 ভাইৰাছৰ সৈতে একে আছিল। সম্ভৱতঃ সেইবাবেই আমেৰিকা যুক্তৰাষ্ট্ৰই অভিযোগ কৰি আহিছে যে চীনে মহামাৰী বিয়পাই আহিছে।

ছোৱাইন ফ্লু(Swine Flu) -

ছোৱাইন ফ্লু হৈছে এনে এক সংক্ৰামক ৰোগ যাক উপেক্ষা কৰিলে গুৰুতৰ পৰিণাম ভোগ কৰিবলগীয়া হ'ব পাৰে। বিগত বছৰ সমগ্ৰ দেশতে এই ৰোগৰ বহু ঘটনা পোহৰলৈ আহিছিল। চিকিৎসা নকৰিলে ছোৱাইন ফ্লুও মাৰাত্মক হ'ব পাৰে। বিশেষকৈ হাঁওফাঁওৰ ৰোগীৰ বাবে ই যথেষ্ট বিপদজনক হ'ব পাৰে । সৰু ল'ৰা-ছোৱালী, বৃদ্ধসকল ইয়াৰ দ্বাৰা প্ৰভাৱিত হোৱাৰ সম্ভাৱনা অধিক। লগতে নিম্ন ৰোগ প্ৰতিৰোধী ক্ষমতা আৰু অসুস্থ লোকো এই ৰোগৰ সংস্পৰ্শলৈ আহিব পাৰে।

কোৰোণা ভাইৰাছ (Coronavirus) -

কোৰোণা ভাইৰাছক এই শতিকাৰ আটাইতকৈ বিপদজনক সংক্ৰামক ৰোগ বুলি গণ্য কৰা হৈছে । যদিও এই মহামাৰীত মৃত্যুৰ হাৰ SARS আৰু ছোৱাইন ফ্লুতকৈ যথেষ্ট কম কিন্তু ইয়াৰ সংক্ৰমণৰ সম্ভাৱনা অধিক । এই কোভিডো চীনৰ পৰাই বিয়পিছে বুলি কৈ অহা হৈছে । চীনৰ বিৰুদ্ধে মহামাৰীৰ বিষয়ে তথ্য লুকুৱাৰো অভিযোগ তোলা হৈছে ।

চীনৰ ফুড মাৰ্কেটৰ বাবে বিয়পি পৰিছে নতুন ৰোগ -

বিশেষজ্ঞসকলে আঙুলিয়াই দিছে যে চীনৰ পৰা নতুন ৰোগ বিয়পাৰ এটা কাৰণ হ'ল তাত খাদ্য বজাৰ অৰ্থাত্ ফুড মাৰ্কেট । চীনা চহৰবোৰত ফল আৰু পাচলিৰ পৰা মাংসলৈকে ভিন্ন বজাৰেৰে বিয়পি আছে। বিশেষকৈ চীনৰ মাংসবজাৰ নতুন ৰোগৰ মূল কাৰণ হৈ পৰিছে। চীনত বহু প্ৰকাৰৰ জন্তুৰ মাংস পোৱা যায়। চীনা লোকসকলে সাপৰ পৰা আদি কৰি বিভিন্ন সামুদ্ৰিক জীৱৰ মাংস খায় । এই সকলোবোৰ চীনা চহৰৰ মাংস বজাৰত মুকলিকৈ উপলব্ধ। চীনৰ চহৰসমূহত জনসংখ্যাৰ ঘনত্ব আৰু তাৰ মাংসৰ বজাৰৰ বাবে নতুন ৰোগ বিকশিত হৈছে।

চীনৰ মাংসৰ বজাৰ হৈছে ৰোগৰ মূল কাৰণ -

চীনৰ মাংসবজাৰ হৈছে নতুন সংক্ৰামক ৰোগৰ মূল কাৰণ। শেহতীয়া বছৰবোৰত এনে বহু ৰোগৰ খবৰ পোৱা গৈছে, যি জন্তুৰ মাংসৰ পৰা এজন মানুহৰ শৰীৰলৈ আহিছে আৰু দ্ৰুতগতিত বিয়পি পৰিছে। চাৰ্চ আৰু H1N1 ইনফ্লুৱেঞ্জা একে ধৰণৰ ৰোগ।

চীনত বৃহৎ পৰিমাণে পশু পালন কৰা হয় --

বিশেষজ্ঞসকলে আঙুলিয়াই দিয়ে যে মাংসৰ বজাৰত জন্তুৰ মাংস আৰু তেজ মানৱ শৰীৰৰ সংস্পৰ্শলৈ আহে । এইটো ভাইৰাছ বিয়পাৰ আটাইতকৈ ডাঙৰ কাৰণ। আনকি পৰিচ্ছন্নতাৰ দিশৰ সামান্য ভুলেও ভাইৰাছটো বিয়পাত সহায় কৰে। উদাহৰণস্বৰূপে, ইবোলা ভাইৰাছ আফ্ৰিকাৰ পৰা সমগ্ৰ বিশ্বলৈ বিয়পি পৰিছিল। ইবোলা ভাইৰাছ চিম্পাঞ্জিৰ পৰা মানৱ শৰীৰলৈ আহিছিল। আফ্ৰিকাত, চিম্পাঞ্জিৰ হত্যাৰ বাবে ভাইৰাছটো এজন মানুহৰ শৰীৰত প্ৰৱেশ কৰিছিল আৰু তাৰ পিছত সংক্ৰমণৰ বাবে ই সমগ্ৰ বিশ্বতে বিয়পি পৰিছিল।