Covid 19: তেলেগু ছুপাৰষ্টাৰ পৱন কল্যাণ আক্ৰান্ত হ'ল কোৰোণাত। শীঘ্ৰে আৰোগ্যৰ কামনা কৰি অনুৰাগীৰ প্ৰাৰ্থনা।

তেলেগু ছুপাৰষ্টাৰ পাৰ্টীৰ মূৰব্বী পৱন ৰল্যাণ এইবাৰ আক্ৰান্ত হ'ল কোৰোণাত। এই খবৰ বিয়পি পৰাৰ লগে লগে অনুৰাগীৰ মাজত লাগে হাহাকাৰ।

অভিনেতাগৰাকী বৰ্তমান সুস্থ আছে বুলি জনাইছে তেওঁৰ ব্যক্তিগত সচিবে। হায়দৰাবাদৰ সমীপৰ ফাৰ্মহাউছত আইছোলেচনত আছে পৱন কল্যাণ। তেওঁৰ ব্যক্তিগত চিকিৎসকে পৰ্যবেক্ষণ কৰি আছে তেওঁৰ স্বাস্থ্যৰ। লগতে এপলো হাস্পতালৰ চিকিৎসকৰ এটা দলো লগে লগে গৈ কল্যাণৰ স্বাস্থ্যৰ বুজ লয়।

శ్రీ @PawanKalyan గారికి కోవిడ్ పాజిటివ్
ఆయన క్షేమం... కొనసాగుతున్న చికిత్స pic.twitter.com/K5ZNrsdbRv

— JanaSena Party (@JanaSenaParty) April 16, 2021

উল্লেখ্য ৩ এপ্ৰিলত তিৰুপতিৰ উপ নিৰ্বাচনৰ প্ৰচাৰত ভাগ লৈ আহিছিল অভিনেতা ৰাজনীতিবিদগৰাকী। প্ৰথম কোভিড পৰীক্ষাত ফলাফল নিগেটিভ আহিছিল যদিও যোৱা কেইদিনমান অসুস্থ অনুভৱ কৰি থকাত পুনৰ পৰীক্ষা কৰোৱাত কোৰোণাৰ সংক্ৰমণ ধৰা পৰে।

শেহতীয়াকৈ "ৱকীল ছাহাব" নামৰ ছবিখনৰ সফলতাক লৈ আনন্দিত হৈ আছিল পৱন কল্যাণ। তেওঁৰ আশা শীঘ্ৰেই তেওঁ অনুৰাগীৰ মাজলৈ ঘুৰি আহিব। শীঘ্ৰে আৰোগ্যৰ কামনা কৰি পৱন কল্যাণৰ অনুৰাগীয়েও জনাইছে প্ৰাৰ্থনা।