কাৰণ নোহোৱাকৈ ঘৰৰ পৰা ওলালে থানাত এঘণ্টা ধৰি আৰক্ষীয়ে দেখুৱাব এই ভিডিঅ’

News18 Assam | News18-Assam
Updated:March 27, 2020, 11:07 AM IST
কাৰণ নোহোৱাকৈ ঘৰৰ পৰা ওলালে থানাত এঘণ্টা ধৰি আৰক্ষীয়ে দেখুৱাব এই ভিডিঅ’
আৰক্ষীৰ বাৰম্বাৰ প্ৰয়াসৰ পিছতো একাংশ লোকে কোনো কাৰণ নোহোৱাকৈ ঘৰৰ পৰা বাহিৰলৈ ওলাই অহা দেখা গৈছে।

আৰক্ষীৰ বাৰম্বাৰ প্ৰয়াসৰ পিছতো একাংশ লোকে কোনো কাৰণ নোহোৱাকৈ ঘৰৰ পৰা বাহিৰলৈ ওলাই অহা দেখা গৈছে।

  • Share this:
কোৰোণা ভাইৰাছৰ বাবে ঘোষণা কৰা লকডাউন এশ শতাংশ সফল কৰিবলৈ ৰাঁচী আৰক্ষীয়ে গ্ৰহণ কৰিছে এক বিশেষ পন্থা। এতিয়া কোনো কাৰণ নোহোৱাকৈ বাহিৰলৈ ওলোৱা লোকক ধৰি থানালৈ নিব আৰক্ষীয়ে। আৰু এঘণ্টা ধৰি দেখুৱাব কোৰোণা ভাইৰাছৰ পৰা ৰক্ষা পোৱাৰ ভিডিঅ’। তাৰ পিছত ঘৰলৈ যাবলৈ দিব তেনে লোকক।

যদি মানুহৰ সংখ্যা বেছি হয় তেন্তে একেলগে ভিডিঅ’ দেখুওৱা নহয়। ছচিয়েল ডিছটেন্সিঙৰ ওফৰত লক্ষ্য ৰাখি একেলগে দুজনকৈ লোকক পৃথকে পৃথকে বহুৱাই দেখুওৱা হ’ব ভিডিঅ’। সেই দুজনৰ চোৱা হোৱালৈ অপেক্ষা কৰিব লাগিব বাকীসকলে।

আচলতে আৰক্ষীৰ বাৰম্বাৰ প্ৰয়াসৰ পিছতো একাংশ লোকে কোনো কাৰণ নোহোৱাকৈ ঘৰৰ পৰা বাহিৰলৈ ওলাই অহা দেখা গৈছে। লাঠিচালনাৰ লগতে কাণত ধৰাই উঠা–বহাও কৰাইছে। ৰুজু কৰা হৈছে গোচৰো। কিন্তু তাৰ পিছতো একাংশ লোকে বাহিৰলৈ ওলাবলৈ এৰা নাই। বৃহস্পতিবাৰে ৪১৬জন লোকক ৯ লাখ টকাৰ চালান কাটিছে আৰক্ষীয়ে। লকডাউনৰ ৫ দিনত ৰাঁচী আৰক্ষীয়ে ৫৪ লাখ টকাৰ চালান কাটিছে।
Published by: Sanjay Kumar Das
First published: March 27, 2020, 11:07 AM IST
আৰু চাওক
পৰৱৰ্তী বাতৰি

শেহতীয়া বাতৰি