নিজে মাস্ক পৰিধান নকৰি পোহনীয়া কুকুৰক মাস্ক পিন্ধালে এগৰাকী দৰিদ্ৰ লোকে ! আৱেগেৰে ক’লে- “এইটো মোৰ কেঁচুৱা !"

News18 Assam | News18-Assam
Updated:April 17, 2021, 10:36 PM IST
নিজে মাস্ক পৰিধান নকৰি পোহনীয়া কুকুৰক মাস্ক পিন্ধালে এগৰাকী দৰিদ্ৰ লোকে ! আৱেগেৰে ক’লে- “এইটো মোৰ কেঁচুৱা !
ইনষ্টাগ্ৰামত ভাইৰেল হৈ পৰা এটা ভিডিঅ'ত এজন বৃদ্ধ আৰু দৰিদ্ৰ লোকক তেওঁৰ কুকুৰটো কান্ধত লৈ থকা দেখিবলৈ পোৱা গৈছে । সেইসময়ত তেওঁৰ কুকুৰটোৰ মুখত মাস্ক আছিল, কিন্তু তেওঁৰ মুখত নাছিল কোনো মাস্ক ।

ইনষ্টাগ্ৰামত ভাইৰেল হৈ পৰা এটা ভিডিঅ'ত এজন বৃদ্ধ আৰু দৰিদ্ৰ লোকক তেওঁৰ কুকুৰটো কান্ধত লৈ থকা দেখিবলৈ পোৱা গৈছে । সেইসময়ত তেওঁৰ কুকুৰটোৰ মুখত মাস্ক আছিল, কিন্তু তেওঁৰ মুখত নাছিল কোনো মাস্ক ।

  • Share this:
দেশত কোৰোণা ভাইৰাছৰ বৰ্ধিত সংক্ৰমণৰ ঘটনা পুনৰ ব্যাপক হাৰত বৃদ্ধি পোৱাৰ লগে লগে আকৌ এবাৰ ছ'চিয়েল মিডিয়া ভৰি পৰিছে পোহনীয়া জন্তু যত্নৰ বিষয়ক ভিন্ন হৃদয়স্পৰ্শী পোষ্টেৰে ৷

যিহেতু সমগ্ৰ দেশৰ কেইবাখনো ৰাজ্য চৰকাৰে কোৰোণা দ্বিতীয় ঢৌক নিয়ন্ত্ৰণ কৰিবলৈ অধিক প্ৰতিবন্ধকতা প্ৰয়োগ কৰি থকা, সেই সময়তে ভাইৰেল হৈ পৰিছে এটা বিশেষ ভিডিঅ’ ৷ য’ত এগৰাকী দৰিদ্ৰ লোকে নিজে মাস্ক পৰিধান নকৰি তেওঁৰ মৰমৰ কুকুৰটোক মাস্ক পিন্ধাই খোজ কাঢ়িছে ৰাজপথৰ মাজেৰে ৷

ইনষ্টাগ্ৰামত ভাইৰেল হৈ পৰা এই ভিডিঅ'টোত এজন বৃদ্ধ আৰু দৰিদ্ৰ লোকক তেওঁৰ কুকুৰটো কান্ধত লৈ থকা দেখিবলৈ পোৱা গৈছে । সেইসময়ত তেওঁ কুকুৰটোৰ মুখত মাস্ক আছিল, কিন্তু তেওঁৰ মুখত নাছিল কোনো মাস্ক । যেতিয়া ভিডিঅ'টোৰ নিৰ্মাতাই লোকজনক তেওঁ কিয় নিজে মাস্ক পৰিধান কৰা নাই অথচ কুকুৰটোক পৰিধান কৰাইছে বুলি প্ৰশ্ন কৰাত লোকজনে কৈছিল, “এইটো মোৰ কেঁচুৱা । মোৰ লগত যি হ’লেও কিন্তু মই ইয়াৰ কোনো ক্ষতি হোৱাটো নিবিচাৰো।” লগতে লোকজনে কৈছিল, “মই মৰিলেও, মই মোৰ কুকুৰটোক মৰিবলৈ নিদিও।”

এই ভিডিঅ’ ইন্টাৰনেটত ভাইৰেল হৈ পৰাৰ পাচতে লোকজনৰ এই ভাষ্যই সকলোৰে মন জয় কৰিবলৈ সক্ষম হৈছিল ৷উল্লেখ্য যে, ফেচ মাস্ক পিন্ধাৰ বাবে ভাইৰেল হোৱা এইটোৱেই প্ৰথম কুকুৰ নহয় ৷ যিহেতু ভাৰতকে ধৰি বিশ্বই কোভিদ১৯ মহামাৰীৰ সৈতে বৰ্তমানেও যুঁজি আছে ৷ তেনেস্থলত বিগত বছৰৰ আগষ্টতো ইকুৱেডৰৰ আম্বাটোত এগৰাকী যুৱকে তেওঁৰ পোহনীয়া কুকুৰক মাস্ক পিন্ধাই থকাৰ ভিডিঅ' ছ’চিয়েল মিডিয়াত ভাইৰেল হৈ পৰিছিল ৷
Published by: Kokil Sarma
First published: April 17, 2021, 10:27 PM IST
আৰু চাওক
পৰৱৰ্তী বাতৰি

শেহতীয়া বাতৰি