Covid-19ক পৰাস্ত কৰিবলৈ এতিয়া দিনে নিশাই যুদ্ধ কৰিছে চিকিৎসকসকলে, প্ৰধানমন্ত্ৰীয়েও লৈছে শলাগ

News18 Assam | News18-Assam
Updated:March 25, 2020, 1:14 PM IST
Covid-19ক পৰাস্ত কৰিবলৈ এতিয়া দিনে নিশাই যুদ্ধ কৰিছে চিকিৎসকসকলে, প্ৰধানমন্ত্ৰীয়েও লৈছে শলাগ
প্ৰধানমন্ত্ৰীয়েও লৈছে শলাগ

প্ৰধানমন্ত্ৰীয়েও লৈছে শলাগ

  • Share this:
সমগ্ৰ দেশতে এতিয়া ক’ৰোণা ভাইৰাছৰ সন্ত্ৰাস। মঙলবাৰে ক’ৰোণা ভাইৰাছ প্ৰতিৰোধ কৰিবলৈ প্ৰধানমন্ত্ৰী নৰেন্দ্ৰ মোদীয়ে সমগ্ৰ দেশতে ল’ক ডাউন ঘোষণা কৰিলে। ক’ৰোণাক পৰাস্ত কৰাৰ বাবে এতিয়া দিনে নিশাই চেষ্টা চলাইছে চিকিৎসকসকলে। নিজৰ পৰিয়ালৰ কথা চিন্তা নকৰি প্ৰত্যেক দিনাই ৰোগীক সেৱা আগবঢ়োৱাত বৰ্তি হৈছে চিকিৎসকসকল।

কেইদিনমান পূৰ্বে ছচিয়েল মিডিয়াত ভাইৰেল হৈছিল ইটালীৰ কেইজনমান চিকিৎসক। ৰোগীক সেৱা আগবঢ়াই নিশা হাস্পতালৰ বাৰান্দাতে শুই পৰিছিল এদল চিকিৎসক। আনকি কেইজনমানক এখন টেবুলতে শুই পৰা দেখিবলৈ পোৱা গৈছিল।

ভাৰততো এতিয়া চিকিৎসক সকলে প্ৰতিদিনাই ক’ৰোণাত আক্ৰান্ত ৰোগী বা ক’ৰোণাৰ সন্দেহত চিকিৎসালয়ত ভৰ্তি হোৱা ৰোগীক সেৱা আগবঢ়াই আছে। প্ৰধানমন্ত্ৰী নৰেন্দ্ৰ মোদীয়েও প্ৰতিদিনাই চিকিৎসকসকলৰ ত্যাগক সন্মান জনাই আহিছে। মাইক্ৰবায়’লজিষ্ট, পে’থলজিষ্ট, পেৰা মেডিকেল ষ্টাফ, নাৰ্চ, স্বাস্থ্য কৰ্মীৰ লগতে স্বাস্থ্য বিভাগৰ সকলো কৰ্মচাৰীকে বিশেষ ভাবে শলাগ লৈছে প্ৰধানমন্ত্ৰীয়ে।

সেইদৰে বিশ্বৰ বহু চিকিৎসা বিজ্ঞানীয়ে এতিয়া ক’ৰোণা ভাইৰাছৰ প্ৰতিষেধক আবিষ্কাৰৰ বাবে চলাই আছে অবিৰত চেষ্টা। ভাৰতবৰ্ষতো চলি আছে গৱেষণা। ইতিমধ্যে প্ৰধানমন্ত্ৰী নৰেন্দ্ৰ মোদীয়েও কেন্দ্ৰীয় চৰকাৰে ক’ৰোণাৰ বিৰুদ্ধে যুঁজিবলৈ ১৫ হাজাৰ কোটি টকা আৱণ্টন দিয়াৰ কথা ঘোষণা কৰিছে।
আৰু চাওক
পৰৱৰ্তী বাতৰি
corona virus btn
corona virus btn
Loading