দিল্লীত মণিপুৰৰ যুৱতীক কোৰোণা ভাইৰাছ বুলি চিঞৰি গাত পিকাই পলায়ন কৰা দুৰ্বৃত্ত জালত পৰিল আৰক্ষীৰ

দিল্লীত মণিপুৰৰ যুৱতীলৈ উদ্দেশ্যি কোৰোণা বুলি চিঞৰি তাৰ পাছত যুৱতীগৰাকীৰ গাত পিকাই পলায়ন কৰা দুৰ্বৃত্তক অৱশেষত গ্ৰেপ্তাৰ কৰিলে দিল্লী আৰক্ষীয়ে । মডেল টাউনৰ নিবাসী ৪০ বছৰীয়া গৌৰৱ বহৰা নামৰ দুৰ্বৃত্তটোক বুধবাৰে কৰায়ত্ত কৰে গ্ৰেপ্তাৰ কৰিছে দিল্লী আৰক্ষীয়ে । গৌৰৱে ব্যৱহাৰ কৰা বগা স্কুটি খনো জব্দ কৰিছে দিল্লী আৰক্ষীয়ে ।
দিল্লী বিশ্ববিদ্যালয়ৰ সমীপৰ বিজয় নগৰত দেওবাৰে নিশা গৌৰবে মণিপুৰৰ এগৰাকী ২৫বছৰীয়া যুৱতীক উদ্দেশ্যি কোৰোণা ভাইৰাছ বুলি চিঞৰি গাত  পিকাই পলায়ন কৰিছিল । গৌৰৱ এখন বগা Scooty ত আহিছিল । মুখাৰ্জী নগৰ আৰক্ষী থানাই এই সন্দৰ্ভত ধাৰা ৫০৯ ৰ অধীনত এক গোচৰ ৰুজু কৰিছিল  ।