LockDown: মহিলা চিকিৎসকক চৰ সোধালে আৰক্ষীয়ে, গৰাকীয়ে বাহিৰ কৰি দিলে ঘৰৰ পৰা

News18 Assam | News18-Assam
Updated:March 25, 2020, 2:39 PM IST
LockDown: মহিলা চিকিৎসকক চৰ সোধালে আৰক্ষীয়ে, গৰাকীয়ে বাহিৰ কৰি দিলে ঘৰৰ পৰা
জৰুৰীকালীন সেৱাত নিয়োজিত চিকিৎসকক ল’ক ডাউনৰ সময়ত আৰক্ষীয়ে অপদস্থ কৰাৰ অভিযোগ

জৰুৰীকালীন সেৱাত নিয়োজিত চিকিৎসকক ল’ক ডাউনৰ সময়ত আৰক্ষীয়ে অপদস্থ কৰাৰ অভিযোগ

  • Share this:
সৰ্বত্ৰ এতিয়া ক’ৰোণা ভাইৰাছৰ সন্ত্ৰাস। সকলো দেশেই এতিয়া ক’ৰোণা ভাইৰাছৰ বিৰুদ্ধে কৰিছে যুদ্ধ। চিকিৎসকসকলেও এতিয়া দিনে নিশাই আগবঢ়াইছে সেৱা।  জনতা কাৰ্ফিউৰ দিনা প্ৰধানমন্ত্ৰী নৰেন্দ্ৰ মোদীয়ে চিকিৎসক, সাংবাদিক, জৰুৰীকালীন সেৱাত নিয়োজিত সকলোকে সন্মান জনাবলৈ ঘৰৰ বাৰান্দাৰ পৰা হাত চাপৰি বজাই দেশবাসীক সন্মান জনাবলৈ কৈছিল। কিন্তু এইসময়তে তেলেংগানা আৰু অন্ধ্ৰপ্ৰদেশৰ কিছু সংখ্যক চিকিৎসক অনাকাংক্ষিত পৰিস্থিতিৰ সন্মুখীন হোৱাৰ অভিযোগ উত্থাপিত হৈছে।

তেলেংগানাৰ মমতা মেডিকেল কলেজৰ এজন স্নাতকোত্তৰ চিকিৎসকৰ অভিযোগ, ল’ক ডাউনৰ সময়ত চিকিৎসালয়লৈ গৈ থকাৰ অৱস্থাত এটা আৰক্ষী চেকপোষ্টত আৰক্ষীয়ে বেয়া ব্যৱহাৰ কৰে চিকিত্‍সকজনক। চিকিৎসকজনে কৈছে যে, সোমবাৰে ৮.৩০ বজাত জৰুৰীকালীন সেৱাৰ বাবে চিকিৎসালয়লৈ গৈ আছিল। সেইসময়তে আৰক্ষীয়ে তেওঁৰ গাড়ী ৰখাবলৈ সংকেত দিয়ে আৰু ৰাজহুৱা ভাবে অপদস্থ কৰে।

এগৰাকী মহিলা চিকিৎসকৰ অভিযোগ, চিকিৎসালয়লৈ গৈ থাকোতে তেওঁক আৰক্ষীয়ে ৰাস্তাত বাধা প্ৰদান কৰে। গাড়ীৰ পৰা নমাই আনকি চৰো সোধায়। পিছত আই কাৰ্ড দেখুওৱাৰ পিছতহে তেওঁক যাবলৈ দিয়ে। এতিয়া সেই আৰক্ষী  বিষয়াগৰাকীৰ বিৰুদ্ধে চিকিৎসকগৰাকীয়ে এজাহাৰ দাখিল কৰিছে।

অন্য এগৰাকী চিকিৎসকৰ অভিযোগ, চিকিৎসালয়লৈ গৈ থকা অৱস্থাত আৰক্ষীয়ে তেওঁৰ বাহন ৰখাবলৈ নিৰ্দেশ দিয়ে। পিছত ল’ক ডাউন অমান্য কৰা বুলি শীৰ্ষ আৰক্ষী বিষয়াৰ ওচৰলৈ চিকিৎসকগৰাকীক লৈ ়়যায়। ‘কিয় আইন অমান্য কৰিছে? শিক্ষিত মানুহ হৈ এনে কাম কিয় কৰিছে? কোনো কথা কি বুজি নাপাই নেকি আদি অনেক প্ৰশ্ন কৰি অপদস্থে চিকিৎসকগৰাকীক।’

ইয়াৰ উপৰিও  চিকিৎসা প্ৰদান কৰিবলৈ যাওতে এজন চিকিত্‍সকক ঘৰৰ পৰা গৰাকীয়ে বাহিৰ কৰি দিয়াৰো অভিযোগ উত্থাপিত হৈছে।
আৰু চাওক
পৰৱৰ্তী বাতৰি