‘ল’ক ডাউনৰ সময়ত হোৱা সমস্যাৰ বাবে ক্ষমা বিচাৰিছো, কিন্তু অন্য উপায়ো একো নাই’

News18 Assam | News18-Assam
Updated:March 29, 2020, 2:27 PM IST
‘ল’ক ডাউনৰ সময়ত হোৱা সমস্যাৰ বাবে ক্ষমা বিচাৰিছো, কিন্তু অন্য উপায়ো একো নাই’
ল’ক ডাউনৰ সময়তে প্ৰধানমন্ত্ৰী নৰেন্দ্ৰ মোদীৰ ‘মন কী বাত’।

ল’ক ডাউনৰ সময়তে প্ৰধানমন্ত্ৰী নৰেন্দ্ৰ মোদীৰ ‘মন কী বাত’।

  • Share this:
ল’ক ডাউনৰ সময়তে প্ৰধানমন্ত্ৰী নৰেন্দ্ৰ মোদীৰ ‘মন কী বাত’। প্ৰধানমন্ত্ৰী মোদীয়ে এই সংকট কালত দেশৰ দৰিদ্ৰ লোকসকলক সহায় কৰিবলৈ জনালে আহ্বান।

এতিয়া সকলোৱে ক’ৰোণা ভাইৰাছৰ বিৰুদ্ধে যুঁজাৰ সময়। ক’ৰোণাক প্ৰতিহত কৰিবলৈ দেশত এতিয়া ল’ক ডাউন ঘোষণা কৰা হৈছে। যাৰ ফলত কিছু সমস্যাত পৰিছে দেশৰ নিম্ন মধ্যবিত্ত আৰু দিন হাজিৰা কৰা লোকসকল।’ দেওবাৰে প্ৰধানমন্ত্ৰী নৰেন্দ্ৰ মোদীয়ে ‘মন কী বাত’অনুষ্ঠানৰ জৰিয়তে সেই লোকসকলৰ ওচৰত ক্ষমা বিচাৰে।

মন কী বাতত প্ৰধানমন্ত্ৰীগৰাকীৰ কেইটামান গুৰুত্বপূৰ্ণ মন্তব্য–

১. মন কী বাত অনুষ্ঠানৰ জৰিয়তে প্ৰধানমন্ত্ৰী নৰেন্দ্ৰ মোদীয়ে কয় যে, বৰ্তমান পৰিস্থিতিত দেশত ল’ক ডাউন ঘোষণা কৰাৰ বাদ দি অন্য কোনো বিকল্প উপায় নাই।
২. ল’ক ডাইনৰ সময়ত হোৱা সমস্যাৰ বাবে সকলোৰে ওচৰত ক্ষমা বিচাৰিছো। ক’ৰোণা ভাইৰাছৰ প্ৰকোপ বৃদ্ধি পোৱাৰ আগতেই ইয়াক প্ৰতিৰোধ নকৰিলে পৰিস্থিতি ভয়ংকৰ হ’ব।
৩. ক’ৰোণাই এতিয়া সকলোকে প্ৰত্যাহ্বান জনাইছে। মানৱ জাতিৰ ওপৰত ভাবুকি হৈ পৰিছে ক’ৰোণা ভাইৰাছ। এতিয়া এই ভাইৰাছ ধ্বংস কৰাৰ সংকল্প লৈ আগবাঢ়িব লাগিব।
৪. এতিয়া আমি কেইদিনমান ধৈয্য ধৰিব লাগিব। লক্ষ্মণ ৰেখা মানি চলক সকলোৱে।

৫. কিন্তু একাংশই এতিয়া নিময় অমান্য কৰিছে। যি ল’ক ডাউন অমান্য কৰিছে, তাৰ পৰিণাম ভুগিব লাগিব সেইসকলে। বহু কেইখন দেশে ক’ৰোণা ভাইৰাছক গুৰুত্ব সহকাৰে নল’লে ফলত এতিয়া কি হৈছে সকলোৱে দেখিছো বা গম পাইছো।
৬. বৰ্তমান বহু চিকিৎসক, নাৰ্চে, স্বাস্থ্য বিভাগৰ কৰ্মীয়ে ক’ৰোণাক পৰাস্ত কৰিবলৈ নিৰন্তৰ প্ৰচেষ্টা চলাইছে। তেওঁলোক সকলোৰে বাবে প্ৰেৰণা।
আৰু চাওক
পৰৱৰ্তী বাতৰি
corona virus btn
corona virus btn
Loading