• Home
  • »
  • News
  • »
  • coronavirus-latest-news
  • »
  • কিছু সকাহ! সাময়িকভাৱে ৰেহাই পাব EMI/লোনৰ পৰা, RBI-লৈ পত্ৰ বিত্ত মন্ত্ৰণালয়ৰ

কিছু সকাহ! সাময়িকভাৱে ৰেহাই পাব EMI/লোনৰ পৰা, RBI-লৈ পত্ৰ বিত্ত মন্ত্ৰণালয়ৰ

দেশত এতিয়া ক’ৰোণা ভাইৰাছৰ সন্ত্ৰাস। ক’ৰোণাৰ আতংকত এতিয়া লোকচানৰ সন্মুখীন হৈছে দেশৰ অৰ্থনীতি।

দেশত এতিয়া ক’ৰোণা ভাইৰাছৰ সন্ত্ৰাস। ক’ৰোণাৰ আতংকত এতিয়া লোকচানৰ সন্মুখীন হৈছে দেশৰ অৰ্থনীতি।

দেশত এতিয়া ক’ৰোণা ভাইৰাছৰ সন্ত্ৰাস। ক’ৰোণাৰ আতংকত এতিয়া লোকচানৰ সন্মুখীন হৈছে দেশৰ অৰ্থনীতি।

  • Share this:
দেশত এতিয়া ক’ৰোণা ভাইৰাছৰ সন্ত্ৰাস। ক’ৰোণাৰ আতংকত এতিয়া লোকচানৰ সন্মুখীন হৈছে দেশৰ অৰ্থনীতি। সেইসময়তে বিত্তমন্ত্ৰণালয়ে ভাৰতীয় ৰিজাৰ্ভ বেংকলৈ লিখিলে পত্ৰ। ভাৰতৰ বিত্ত মন্ত্ৰণালয়ে ভাৰতীয় ৰিজাৰ্ভ বেংকক COVID-19 মহামাৰীৰ দ্বাৰা ক্ষতিৰ সন্মুখীন হোৱা দেশৰ অৰ্থনীতি উদ্ধাৰ কৰিবলৈ শৃংখলাবদ্ধ ভাবে এক জৰুৰীকালীন উপায় কাৰ্যকৰী কৰিবলৈ অনুৰোধ জনাইছে।

মঙলবাৰে বিত্ত বিভাগৰ সচিব দেৱাশীস পাণ্ডাই ভাৰতীয় ৰিজাৰ্ভ বেংকলৈ পত্ৰ লিখি, ই এম আই, সুতৰ হাৰ, লোন পৰিশোধৰ ক্ষেত্ৰত কিছু মাহৰ বাবে সকাহ দিবলৈ পৰামৰ্শ দিছে।

পত্ৰখনত ক’ৰোণা ভাইৰাছৰ ফলত ব্যক্তিবিশেষ বা ব্যৱসায়িক ভাবে যিমানখিনি লোকচানৰ সন্মুখীন হৈছে সেই কথাও উল্লেখ কৰা হৈছে। লগতে প্ৰধানমন্ত্ৰী নৰেন্দ্ৰ মোদীয়ে ২১ দিন সমগ্ৰ দেশ তলা বন্ধ কৰাৰ বিষয়টোও উল্লেখ কৰিছে।

ব্যৱসায়ীসকলে ল’ক ডাউন আৰু বেংকৰ শেহতীয়া পদক্ষেপৰ বাবে লোন পৰিশোধ কৰিবলৈ সক্ষম নহ’বও পাৰে। যি বেংকৰ সৈতে তেওঁলোকৰ সম্পৰ্কত প্ৰভাৱ পেলাব পাৰে। গতিকে এই ক্ষেত্ৰত বেংকে কিছু দিন ৰেহাই দিব লাগে বুলি পত্ৰখনত উল্লেখ কৰা হৈছে।

বিত্তমন্ত্ৰী নিৰ্মলা সীতাৰমণে মঙলবাৰে COVID-19ৰ আতংকৰ ফলত দেশৰ অৰ্থনীতিত হোৱা লোকচানৰ পৰা পৰিত্ৰান পাবলৈ কেন্দ্ৰীয় চৰকাৰে অতি সোনকালে নতুন পেকেজ ঘোষণা কৰিব বুলি উল্লেখ কৰে ।লগতে সেই বিষয়ৰ ওপৰত প্ৰধানমন্ত্ৰী কাৰ্যালয় আৰু বিত্ত বিভাগৰ কাৰ্যালয়ৰ সৈতেও আলোচনা কৰাৰ কথা উল্লেখ কৰে।
Published by:Himangshu Bhuyan
First published: