হোজাইত কৰ্তব্যৰত চিকিৎসকক আক্ৰমণৰ প্ৰতিবাদ ৰাজ্যত। ৰঙিয়াত মডেল হাস্পতালতো প্ৰতিবাদ চিকিৎসকৰ।

হোজাই জিলাৰ লংকাৰ ফুলতলি হাস্পতালত এগৰাকী কৰ্তব্যৰত চিকিৎসকক আক্ৰমণ কৰাৰ প্ৰতিবাদত আজি ৰাজ্যজুৰি চিকিৎসকসকলে প্ৰতিবাদ সাব্যস্ত কৰে । ডাঃ সেউজ কুমাৰ সেনাপতি নামৰ চিকিৎসকগৰাকী একাংশ উন্মত্ত লোকৰ জীঘাংসাৰ বলি হোৱা বৰ্বৰ ঘটনাক তীব্ৰ ভাষাৰে গৰিহণা দিয়ে ৰঙিয়া মডেল হাস্পতালৰ চিকিৎসক তথা স্বাস্থ্য কৰ্মী সকলে ।

বুধবাৰে দিনৰ ভাগত চিকিৎসালয়খনৰ বহিঃবিভাগৰ চিকিৎসা সেৱা বন্ধ ৰখাৰ লগতে তত্বাবধায়ক ডাঃনৱনীতা বৰাৰ নেতৃত্বত সমূহ স্বাস্থ্য সেৱা কৰ্মী সমবেত হৈ ক'লা বেজ পৰিধান কৰি মৌন প্ৰতিবাদ সাব্যস্ত কৰে । প্ৰতিবাদ কালত চিকিৎসক তথা স্বাস্থ্য কৰ্মীৰ সুৰক্ষা নিশ্চিত কৰাৰ লগতে ঘটনাৰ লগত জড়িত দোষীক কঠোৰতম শাস্তি প্ৰদানৰো দাবী জনায়। তাৰ পাছত ক''লাবেজ পৰিধান কৰিয়েই নিজৰ কৰ্তব্য সম্পাদন কৰে।