Covid Vaccine: আজিৰে পৰা আৰম্ভ ১৮ বছৰৰ উৰ্ধ্বৰ সকলোৰে বাবে ভেকচিনৰ অনলাইন পঞ্জীয়ন প্ৰক্ৰিয়া ! ১ মে' পৰা কেন্দ্ৰত আৰু কৰা নহ'ব পঞ্জীয়ন !

News18 Assam | News18-Assam
Updated:April 28, 2021, 11:37 AM IST
Covid Vaccine: আজিৰে পৰা আৰম্ভ ১৮ বছৰৰ উৰ্ধ্বৰ সকলোৰে বাবে ভেকচিনৰ অনলাইন পঞ্জীয়ন প্ৰক্ৰিয়া ! ১ মে' পৰা কেন্দ্ৰত আৰু কৰা নহ'ব পঞ্জীয়ন !
এতিয়ালৈকে অনলাইন পঞ্জীয়ন কৰিবলৈ অক্ষম লোকসকলক পোনপটীয়াকৈ টীকাকৰণ কেন্দ্ৰলৈ গৈয়ে টীকাকৰণ কৰাৰ অনুমতি দিয়া হৈছিল । কিন্তু সম্প্ৰতি সামাজিক দূৰত্ব আৰু কেন্দ্ৰত হোৱা ভিৰৰ প্ৰতি লক্ষ্য ৰাখি এয়া বন্ধ কৰা হৈছে।

এতিয়ালৈকে অনলাইন পঞ্জীয়ন কৰিবলৈ অক্ষম লোকসকলক পোনপটীয়াকৈ টীকাকৰণ কেন্দ্ৰলৈ গৈয়ে টীকাকৰণ কৰাৰ অনুমতি দিয়া হৈছিল । কিন্তু সম্প্ৰতি সামাজিক দূৰত্ব আৰু কেন্দ্ৰত হোৱা ভিৰৰ প্ৰতি লক্ষ্য ৰাখি এয়া বন্ধ কৰা হৈছে।

  • Share this:
আজিৰে পৰা দেশত আৰম্ভ হৈছে ১৮ বছৰ বয়সৰ উৰ্ধ্বৰ সকলো লোকৰ কোৰোণা টীকাকৰণৰ পঞ্জীয়ন প্ৰক্ৰিয়া । ১ মে'ৰ তৃতীয় পৰ্যায়ত অনুষ্ঠিত হ'বলগীয়া কোভিড টীকাকৰণৰ বাবে আজিৰে পৰা চৰকাৰে খুলি দিছে পঞ্জীয়ন । অনলাইনযোগে কোভিড টীকাকৰণৰ বাবে ১৮ বছৰ বয়সৰ উৰ্ধ্বৰ সকলোৱে পঞ্জীয়ন কৰিব পাৰিব ।

CoWinএপ আৰু আৰোগ্য সেতু এপৰ জৰিয়তে এজন ব্যক্তিয়ে পৰিয়ালৰ চাৰিজন সদস্যৰ টীকাকৰণৰ বাবে পঞ্জীয়ন কৰিব পাৰিব । এই প্লেটফৰ্মবোৰে লোকসকলক নিকটতম চৰকাৰী আৰু ব্যক্তিগত কোভিড ভেকছিন কেন্দ্ৰলৈ যাবলৈ অনুমতি প্ৰদান কৰিব । এই এপৰ জৰিয়তেই নাগৰিকসকলে টীকাকৰণৰ স্লট বুক কৰাৰ লগতে টীকাকৰণৰ স্থান সলনি কৰা বা বাতিল কৰিব পাৰিব ।

লক্ষণীয় দিশটো হ'ল যে, ভেকছিন কেন্দ্ৰত ১ মে'ৰ পৰা পোনপটীয়াকৈ আৰু টীকাকৰণ কৰা নহ'ব, ইয়াৰ বাবে অনলাইনযোগে পূৰ্বে পঞ্জীয়ন কৰিব লাগিব । ইয়াৰ কাৰণ হৈছে টীকাকৰণ কেন্দ্ৰত যাতে সামাজিক দূৰত্ব বজাই ৰাখিব পাৰি আৰু একে সময়তে যাতে বৃহৎ সংখ্যক লোক উপস্থিত হ'ব নোৱাৰে ।

CNN NEWS 18-ৰ সৈতে কথা পাতি CoWinএপৰ মূৰব্বী আৰ এছ শৰ্মাই এই প্লেটফৰ্মসমূহৰ জৰিয়তে কেনেদৰে কোনো অসুবিধা নোহোৱাকৈয়ে টীকাকৰণৰ বাবে পঞ্জীয়ন কৰিব পাৰি তাৰ বিষয়ে বৰ্ণনা কৰে । প্ৰতিদিনে ৬০ ৰ পৰা ৭০ লাখ লোকে পঞ্জীয়ন কৰাৰ আশা ব্যক্ত কৰি শৰ্মাই কয় এনেদৰে, " পূৰ্বতে ইয়াৰ সংখ্যা আছিল প্ৰায় ৫০ লাখ । কিন্তু এতিয়া আশা কৰি হৈছে যে এই সংখ্যা বৃদ্ধি পাব, কিয়নো এতিয়া প্ৰায় সকলো বয়োজ্যেষ্ঠ লোকৰ টীকাকৰণ কৰা হৈছে । এনে পৰিস্থিতিত এতিয়া আৰু এপটো পৰিচালনা কৰাত কোনো অসুবিধা নহ'ব।

ইপিনে ব্যক্তিগত কোম্পানীবোৰে তেওঁলোকৰ কৰ্মচাৰীসকলক টীকাকৰণ কৰা সম্পৰ্কত শৰ্মাই কয়, "ইয়াক লৈ মই ৰাজহুৱাভাৱে ব্যাখ্যা কৰা প্ৰয়োজন নাই । কোম্পানীবোৰে আমাক আমাৰ টীকাকৰণ শিবিৰৰ বিষয়ে অৱগত কৰিব লাগিব যাতে আমি তেওঁলোকক টীকাকৰণৰ প্ৰমাণপত্ৰ দিব পাৰো।
Published by: Kokil Sarma
First published: April 28, 2021, 11:37 AM IST
আৰু চাওক
পৰৱৰ্তী বাতৰি

শেহতীয়া বাতৰি