কোভিড পজিটিভ মহিলাই এম্বুলেন্সতে জন্ম দিলে কন্যা সন্তানৰ৷ নাৰ্ছ- চিকিৎসকৰ তৎপৰতাত সুস্থ আছে মাতৃ আৰু কন্যা।

নাজিৰাত কোভিড পজিটিভ (Covid Positive) এগৰাকী মহিলাই এম্বুলেন্সতে জন্ম দিলে এটি কন্যা সন্তানৰ৷ নাজিৰা অসামৰিক চিকিৎসালয়ৰ চৌহদৰ ঘটনা এয়া ৷

নাজিৰা লক্ষ্মীজান চাহবাগিছাৰ এগৰাকী কোভিড পজিটিভ গৰ্ভৱতী মহিলাক এম্বুলেন্সেৰে জয়সাগৰস্থিত শিৱসাগৰ অসামৰিক চিকিৎসালয়লৈ নি থকা অৱস্থাত প্ৰসৱ বেদনাৰ বাবে  লিগিৰীপুখুৰীস্থিত কৰ্মশ্ৰী হিতেশ্বৰ শইকীয়া সোঁৱৰণি নাজিৰা মহকুমা অসামৰিক চিকিৎসালয়লৈ অনা হয় ৷ কিন্তু নাজিৰা মহকুমা অসামৰিক চিকিৎসালয়লত  প্ৰবেশৰ পূৰ্বে এম্বুলেন্সৰ ভিতৰত মহিলাগৰাকীয়ে প্ৰসৱ কৰে কন্যা সন্তানটি ৷

পৰৱৰ্তী সময়ত চিকিৎসকসকলৰ তৎপৰতাত মাতৃ আৰু শিশুটিক চিকিৎসা প্ৰদান কৰা হয়৷ চিকিৎসালয়খনত মাতৃ আৰু নৱজাতক শিশু পৰিচৰ্যাৰ কোঠা আৰু বিচনাৰ অভাৱৰ বাবে মাতৃ আৰু নৱজাতক কন্যা শিশুটিক  শিৱসাগৰ অসামৰিক চিকিৎসালয়লৈ প্ৰেৰণ কৰা হয় ৷