মুখ্যপৃষ্ঠা » খবৰ

» Corona

»উত্তৰ প্ৰদেশ চৰকাৰৰ ক’ভিড সম্পৰ্কীয় পদক্ষেপত বৃটিছ হাই কমিশ্যনাৰ মুগ্ধ

উত্তৰ প্ৰদেশ চৰকাৰৰ ক’ভিড সম্পৰ্কীয় পদক্ষেপত বৃটিছ হাই কমিশ্যনাৰ মুগ্ধ

News18 Assam | News18-Assam
Updated:September 2, 2021, 1:51 PM IST
উত্তৰ প্ৰদেশ চৰকাৰৰ ক’ভিড সম্পৰ্কীয় পদক্ষেপত বৃটিছ হাই কমিশ্যনাৰ মুগ্ধ
বৃটিছ ৰাজদূতে নাৰী সৱলীকৰণ আৰু স্থানীয় শিল্পী, কাৰিকৰৰ প্ৰচাৰৰ ক্ষেত্ৰত যোগী চৰকাৰে গ্ৰহণ কৰা পদক্ষেপৰ প্ৰশংসা কৰি স্বাস্থ্য, শিক্ষা, প্ৰতিৰক্ষা, পৰিৱেশ আৰু অন্যান্য ক্ষেত্ৰত বিনিয়োগৰ প্ৰতি আগ্ৰহ প্ৰকাশ কৰে।

বৃটিছ ৰাজদূতে নাৰী সৱলীকৰণ আৰু স্থানীয় শিল্পী, কাৰিকৰৰ প্ৰচাৰৰ ক্ষেত্ৰত যোগী চৰকাৰে গ্ৰহণ কৰা পদক্ষেপৰ প্ৰশংসা কৰি স্বাস্থ্য, শিক্ষা, প্ৰতিৰক্ষা, পৰিৱেশ আৰু অন্যান্য ক্ষেত্ৰত বিনিয়োগৰ প্ৰতি আগ্ৰহ প্ৰকাশ কৰে।

  • Share this:
শুকুৰবাৰে উত্তৰ প্ৰদেশ চৰকাৰে নাৰী সৱলীকৰণ, ছোৱালীৰ শিক্ষা, কেইবাটাও মহিলা কল্যাণ আঁচনি ৰূপায়ণ আৰু স্থানীয় শিল্পীসকলক সাহায্য প্ৰদানৰ ক্ষেত্ৰত সফলতা লাভ কৰাৰ উপৰিও ক’ভিডৰ দ্বিতীয়টো ঢৌ কাৰ্যকৰীভাৱে নিয়ন্ত্ৰণ কৰাৰ ক্ষেত্ৰত কৰা দৃষ্টান্তমূলক পদক্ষেপৰ বাবে ভাৰতত বৃটিছ যুক্তৰাজ্যৰ উচ্চায়ুক্ত এলেক্স এলিছৰ পৰা ব্যাপক প্ৰশংসা লাভ কৰে।

মুখ্যমন্ত্ৰীগৰাকীয়ে তেওঁক অতিমাৰী নিয়ন্ত্ৰণ কৰিবলৈ তেওঁলোকৰ চৰকাৰে গ্ৰহণ কৰা ব্যৱস্থাৰ বিষয়ে বিতংভাৱে বৰ্ণনা কৰে। তেওঁ লগতে উল্লেখ কৰে যে উত্তৰ প্ৰদেশ চৰকাৰে ইতিমধ্যে সাত কোটি ভেকছিনৰ ছিটা প্ৰদান কৰিছে আৰু ছয় কোটি কোভিড পৰীক্ষা সম্পন্ন কৰিছে, যিটো দেশৰ ভিতৰতে সৰ্বোচ্চ।

ক’ভিডৰ ক্ষেত্ৰত উত্তৰ প্ৰদেশ চৰকাৰে লোৱা পদক্ষেপসমূহৰ বিষয়ে মুখ্যমন্ত্ৰীয়ে কৰা বৰ্ণনাত বৃটিছ উচ্চায়ুক্তগৰাকী সন্তুষ্ট হয়।

উত্তৰ প্ৰদেশৰ মুখ্যমন্ত্ৰী যোগী আদিত্যনাথক তেওঁৰ চৰকাৰী বাসভৱনত সাক্ষাৎ কৰি এলিছে তেওঁৰ সামগ্ৰিক শাসনৰ প্ৰশংসা কৰাৰ লগতে স্বাস্থ্য, প্ৰতিৰক্ষা, পৰিৱেশ, ডিজাইনিং আৰু পেকেজিং সম্পৰ্কীয় ক্ষেত্ৰত, বিশেষকৈ ৱান ডিষ্ট্ৰিক্ট ৱান প্ৰডাক্ট (ODOP) আঁচনিত সহযোগিতাৰে কাম কৰাৰ ইচ্ছা প্ৰকাশ কৰে।  স্বাস্থ্য, শিক্ষা, এমএছএমই, প্ৰতিৰক্ষা, খাদ্য প্ৰক্ৰিয়াকৰণ, পশু সুৰক্ষা আৰু গৃহভূমি সুৰক্ষাৰ ক্ষেত্ৰত বিনিয়োগৰ সুযোগ চিনাক্ত কৰি বৃটিছ উচ্চায়ুক্তই এই ক্ষেত্ৰসমূহত দ্বিপাক্ষিক বাণিজ্য বৃদ্ধিৰ বাবে পাৰস্পৰিক সহযোগিতা আগবঢ়াবলৈ বিশেষভাৱে আগ্ৰহ প্ৰকট কৰে।

তেওঁ মুখ্যমন্ত্ৰী যোগীক কয় যে উত্তৰ প্ৰদেশত যুক্তৰাজ্যলৈ বস্ত্ৰ আৰু চামৰাৰ সামগ্ৰী ৰপ্তানি কৰাৰ অপৰিসীম সম্ভাৱনা আছে। স্মৰ্তব্য যে কেইটামান বৃটিছ কোম্পানীয়ে ইতিমধ্যে উত্তৰ প্ৰদেশত বিনিয়োগ কৰিছে আৰু তেওঁলোক ৰাজ্যখনত অধিক সম্প্ৰসাৰণ কৰাত আগ্ৰহী। তেওঁ লগতে উল্লেখ কৰে যে দুয়োখন দেশে কৰ’নাকালত মাস্ক তথা অন্যান্য স্বাস্থ্য সঁজুলি নিৰ্মাণ কৰিবৰ বাবে একত্ৰে কাম কৰিছিল।

বৃটিছ ৰাজদূতগৰাকীয়ে কয় যে, দুয়োখন দেশে যুক্তৰাজ্যৰ বিশ্ববিদ্যালয়সমূহৰ সহযোগিতাৰে শিক্ষা খণ্ডত পাঠ্যক্ৰম, শিক্ষাবিজ্ঞান আৰু অন্যান্য দিশত উন্নতি সাধন কৰিব পাৰে। শিক্ষা খণ্ডত পৰিৱৰ্তন অনাৰ ক্ষেত্ৰত ৰাজ্য চৰকাৰ ইতিমধ্যে সক্ৰিয় হোৱাৰ বাবে তেওঁ সন্তুষ্টি প্ৰকাশ কৰে।

দিনটো জোৰা ভ্ৰমণকালত, এলিছে গ্ৰীণৱেৰ প্ৰাইভেট লিমিটেডৰ চৌহদো পৰিদৰ্শন কৰে, যি পৰিৱেশ ৰক্ষাৰ্থে খাদী বস্ত্ৰ উৎপাদনত নিয়োজিত হৈ আছে। বৃটিছ হাই কমিশ্যনাৰগৰাকী খাদী কাপোৰ ব’ব পৰা সৌৰশক্তি চালিত যঁতৰকেইটাৰ দ্বাৰা যথেষ্ট প্ৰভাৱিত হয়। তেওঁ জানিব খোজে, তেওঁৰ দেশতো সেউজ উৎপাদনৰ বাবে স্থানীয় লোকৰ মাজত এই সৌৰশক্তি চালিত যঁতৰৰ ব্যৱহাৰৰ প্ৰচাৰ কৰিব পৰা যাবনে?


এলেক্স এলিছে প্ৰায় ২৫ বছৰ আগতে বাৰাণসীলৈ তেওঁৰ অন্তিম ভ্ৰমণৰ কথা মনত পেলায়। তেওঁ মুখ্যমন্ত্ৰীক জনায় কিদৰেতেওঁ প্ৰাচীন চহৰখনৰ আধ্যাত্মিকতা আৰু ধৰ্মীয় উচ্ছাসৰ প্ৰতি আকৰ্ষিত হৈছিল। প্ৰধানমন্ত্ৰী শ্ৰী নৰেন্দ্ৰ মোদীৰ সংসদীয় সমষ্টি বাৰাণসীত নাগৰিক সা-সুবিধা উন্নতিৰ ক্ষেত্ৰত উন্নয়ন আৰু প্ৰণালীবদ্ধ পদ্ধতিৰে পৰ্বত সম পৰিৱৰ্তন সাধন হৈছে বুলি জানিব পাৰি তেওঁ আনন্দিত হয়।
First published: September 2, 2021, 1:51 PM IST
আৰু চাওক
পৰৱৰ্তী বাতৰি

শেহতীয়া বাতৰি