অসমত ক'ভিড সংক্ৰমণ নিয়ন্ত্ৰণৰ বাবে অতিৰিক্ত SOP। কেতিয়া বন্ধ হ'ব ভোজনালয়, হোটেল, গুদাম, ৰিজ'ৰ্ট?

অসমত ক'ভিড সংক্ৰমণ নিয়ন্ত্ৰণৰ বাবে টুইটাৰযোগে অতিৰিক্ত SOP প্ৰকাশ কৰিছে Disaster Management Authority Assamএ। ইয়াত থকা নীতি-নিৰ্দেশনাসমূহ...

১. ৰেষ্টুৰেণ্ট, ধাবা আৰু অন্যান্য ভোজনালয় সমূহে কেৱল সন্ধিয়া ৬ বজালৈকে ডাইন-ইন অতিথিক সেৱা আগবঢ়াব পাৰিব। অৱশ্যে, স্থানীয় নিয়ম অনুসৰি বন্ধ হোৱাৰ সাধাৰণ সময়লৈকে টেক অৱে/হোম ডেলিভেৰি লব পাৰিব।

২. হোটেল বা ৰিজৰ্টৰ ভিতৰত চলি থকা ৰেষ্টুৰেণ্টবোৰে কেৱল সন্ধিয়া ৬ বজালৈকে বাহিৰৰ অতিথিক অনুমতি দিব পাৰিব। অৱশ্যে, হোটেল/ৰিজটৰ আভ্যন্তৰীণ অতিথিসকলক সাধাৰণ সময়লৈকে ভোজন কৰিবলৈ দিব পাৰিব।

৩. ই-কমাৰ্চৰ জৰিয়তে অত্যাৱশ্যকীয় সামগ্ৰী সমূহৰ ডেলিভেৰি সন্ধিয়া ৬ বজাৰ পিছতো অব্যাহত থাকিব পাৰিব।

৪. শীতল ভঁৰাল আৰু গুদাম সমূহ সন্ধিয়া ৬ বজাৰ পিছত অব্যাহত থাকিব পাৰিব। অৱেশ্যে এই গুদাম বা শীতল ভঁৰালৰ সৈতে সংলগ্ন বিক্ৰী কাউণ্টাৰ, শ্ব’ৰুম আদি সন্ধিয়া ৬ বজাৰ পিছত বন্ধ থাকিব।

৫. ফার্মাচী, চিকিৎসালয়, পশু যত্ন কেন্দ্র আৰু পশু চিকিৎসা কেন্দ্ৰবোৰ অত্যাৱশ্যকীয় আৰু জৰুৰীকালীন সেৱা প্রদানকাৰী হোৱাৰ বাবে প্রতিবন্ধকতা অবিহনে কাম কৰিব পাৰিব।



৩০ এপ্রিল ২০২১ লৈকে তাৎক্ষণিকভাৱে  এই অতিৰিক্ত এছ. ও. পি অনুসৰণ কৰা হ'ব৷