Covid 19 india: কোৰোণাক কেনেকৈ পৰাভূত কৰিলে বিকি কৌশলে? ছচিয়েল মিডিয়াত ফটো ছেয়াৰ কৰি কি ক’লে অভিনেতাগৰাকীয়ে?

দেশত ভয়ংকৰ ৰূপ ধাৰণ কৰিছে কোৰোণা (Coronavirus) মহামাৰীয়ে। বলীউডৰ কেইবাগৰাকীও তাৰকা কোৰোণাত আক্ৰান্ত হৈছে। কিন্তু ইয়াৰ মাজতে ভাল খবৰ এইয়াই যে এওলোকৰ বহুজনেই আৰোগ্য লাভ কৰিছে। শেহতীয়াকৈ কোৰোণা পজিটিভ হোৱা অভিনেতা বিকি কৌশলেও (Vicky Kaushal)  পৰাভূত কৰিলে কোৰোণাক। ইনষ্টাগ্ৰামত নিজেই এই কথা ছেয়াৰ কৰিলে বিকি কৌশলে।

ইনষ্টাগ্ৰামত নিজৰ এখন হাঁহিমুখীয়া সুন্দৰ ফটো সৈতে কোৰোণা নিগেটিভ হোৱাৰ খবৰ ছেয়াৰ কৰিলে বিকি কৌশলে। পোষ্টটোৰ সৈতে  স্মাইলী সংযোগ কৰি নিজৰ আনন্দও প্ৰকাশ কৰে।

অভিনেতাগৰাকীৰ আৰোগ্যৰ খবৰে অনুৰাগীসকলক নথৈ আনন্দিত কৰিছে। বিকি কৌশলৰ পোষ্টটো ছেয়াৰ কৰি সকলোৱে প্ৰকাশ কৰিছে আনন্দ আৰু অভিনতাগৰাকীক জনাইছে অভিনন্দন।

উল্লেখ্য যে ৫ এপ্ৰিলত কোৰোণা পজিটিভ হৈছিল বিকি কৌশল। এই কথা ইনষ্টাগ্ৰামত ছেয়াৰ কৰি বিকিয়ে লিখিছিল যে সকলোধৰণৰ সাৱধানতা লোৱ স্বত্বেও তেওঁ কোৰণাত আক্ৰান্ত হ'ল। সেয়ে সকলোকে অতি সতৰ্ক হৈ থাকিবলৈ তেওঁ অনুৰোধ জনাইছিল।

বিকি কৌশল পজিটিভ হোৱাৰ পিছদিনাই কোৰোণা পজিটিভ হৈছিল কেটৰীণা কাইফ। এই কথাটো বনজুইৰ দৰে বিয়পি পৰে আৰু দেশজুৰি চৰ্চিত হয়। কাৰণ খবৰ মতে শেহতীয়াকৈ বিকি কৌশল আৰু কেটৰীণাৰ মাজত ডেটিং চলি আছে।