Exceptional School: জকাইচুকীয়া গাঁৱৰ এজন দ্ৰোণাচাৰ্য, মহামাৰীৰ মাজতে অভিনৱ শিক্ষাৰে গঢ়িছে শিশুৰ ভৱিষ্যত

ভাৰত এখন সৰু গাঁৱত এজন উদ্যমী শিক্ষকৰ প্ৰচেষ্টাত গাঁৱৰপথেই হৈ পৰিছে বিদ্যালয় আৰু পথৰ কাষৰ ঘৰৰ দেৱালেই হৈ পৰিছে ব্লেকবোৰ্ড। এই অভিনৱ কাম কৰি এইজনা শিক্ষকে কোভিড মহামাৰী (Covid19)ৰ সময়ত বন্ধ হৈ পৰা বিদ্যালয়ৰ অভাৱ দূৰ কৰাৰ লগতে শিশুসকলক দিছে শৈশৱৰ মহানন্দ।

দীপ নাৰায়ণ নায়ক (Deep Narayan Nayak) নামৰ পশ্চিমবংগ (West Bengal)ৰ পশ্চিম বৰ্ধমান (Pachim Bardhman) জিলাৰ জোবা আটপাৰা গাঁৱৰ এইজন ৩৪ বছৰীয়া শিক্ষকে বিগত এবছৰ ধৰি ঘৰৰ দেৱালত ব্লেকবোৰ্ড সাজি পথৰ (School on Road) ওপৰতে শিক্ষাদান কৰি আহিছে। ২০২০ চনৰ মাৰ্চৰ পৰাই বন্ধ হৈ আছে বিদ্যালয়সমূহ।

সাধাৰণ পাঠদানেই নহয় লেপটপ (Laptop)ৰ পৰা অণুবীক্ষণ (Microscope) যন্ত্ৰলৈকে লৈ আধুনিক শিক্ষা দি আছে পথৰৰ ওপৰৰ এইখন বিদ্যালয়ত। নাৰ্ছাৰী ৰাইমছৰ পৰা মাস্ক (Mask) পৰিধান আৰু হাত ধোৱাৰ মহত্বলৈ সকলো শিকায় নায়কে। গাঁওখনৰ ৬০ গৰাকী শিক্ষাৰ্থীক এনেদৰেই শিক্ষাদান কৰি আছে নায়কে। ভিডিঅ' চালেই গমা পোৱা যায় শিক্ষক নায়কৰ উদ্ভাৱনী শিক্ষা পদ্ধতিৰ কথা। এতিয়া নায়ক বিখ্যাত হৈ পৰিছে "বাট-পথৰ শিক্ষক" (Teacher of the Street) ৰূপে।

In a small tribal village on the eastern tip of India, an enterprising teacher has turned walls into blackboards and roads into classrooms https://t.co/e3gHHqpSr4 pic.twitter.com/MRIvpj1JUk

— Reuters India (@ReutersIndia) September 17, 2021

উল্লেখ্য যে এক সমীক্ষামতে বিদ্যালয় বন্ধ হৈ থকাৰ বাবে গ্ৰামাঞ্চলত মাত্ৰ ৮ শতাংশ শিক্ষাৰ্থীয়েহে অনলাইন ক্লাছ কৰি আছে আৰু ৩৭ শতাংশ শিক্ষাৰ্থীয়ে কোনোধৰণৰ অধ্যয়নেই কৰা নাই। এনে সময়ত দীপক নাৰায়ণ নায়কৰ দৰে শিক্ষক একো একোখন গাঁৱৰ বাবে হৈ পৰিছে দেৱদূত স্বৰূপ।

নায়কে কয় যে এই শিক্ষাৰ্থীসকলৰ অধিকাংশই প্ৰথম প্ৰজন্মৰ শিকাৰু আৰু তেওঁলোকৰ পিতৃ-মাতৃ দিন হাজিৰা কৰা শ্ৰমিক। সেয়ে বিদ্যালয় বন্ধৰ থকাৰ ফলত তেওঁলোকে চিৰদিনৰ বাবে সিক্ষা ব্যৱস্থাটোৰ পৰাই আঁতৰি যাব বুলি শংকা কৰি এই অভিনৱ শিক্ষাদান আৰম্ভ কৰিছিল নায়কে। এই সুন্দৰ আৰু প্ৰৰণাদায়ক বাতৰিটো প্ৰকাশ পাইছে ৰয়টাৰছ (Reuters India)ত ।