Indian Army Recruitment 2023: ভাৰতীয় সেনা বাহিনীত নিযুক্তিৰ বাবে অনলাইন পঞ্জীয়ন প্ৰক্ৰিয়া আৰম্ভ; ১৭ এপ্ৰিলৰ পৰা ৩০ এপ্ৰিললৈকে CEE অনুষ্ঠিত কৰাৰ পৰিকল্পনা

ভাৰতীয় সেনা বাহিনীত যোগদান কৰিবৰ বাবে Common Entrance Examত উত্তীৰ্ণ হ'ব লাগে। বৰ্তমান এই নিযুক্তি প্ৰক্ৰিয়াত অৱতীৰ্ণ হোৱাৰ বাবে অনলাইন পঞ্জীয়ন প্ৰক্ৰিয়া মুকলি কৰা হৈছে। পঞ্জীয়নৰ বাবে ১৬ ফেব্ৰুৱাৰীৰ পৰা ১৫ মাৰ্চ ২০২৩ লৈকে www.joinindianarmy.nic.in ৱেবছাইট খোলা আছে। অনলাইন CEE সমগ্ৰ ভাৰততে ১৭৬ টা স্থানত ১৭ এপ্ৰিলৰ পৰা ৩০ এপ্ৰিল ২০২৩ লৈকে অনুষ্ঠিত কৰাৰ পৰিকল্পনা কৰা হৈছে । এই পৰীক্ষা কম্পিউটাৰ ভিত্তিক অনুষ্ঠিত হ’ব। পৰিক্ষাৰ্থীসকলক কম্পিউটাৰ ভিত্তিক পৰীক্ষাৰ সৈতে পৰিচিত হোৱাত সহায় কৰিবলৈ তথা পঞ্জীয়ন কেনেদৰে কৰিব আৰু অনলাইন পৰীক্ষাত কেনেদৰে উপস্থিত হ’ব এই সকলোবোৰ বিষয়ত শিক্ষামূলক ভিডিঅ' প্ৰস্তুত কৰি  www.joinindianarmy.nic.in ৱেবছাইটত আৰু ইউটিউবত আপলোড কৰা হৈছে। সকলো শাখাৰ বাবে নমুনা প্ৰশ্নকাকত প্ৰস্তুত কৰা হৈছে আৰু www.joinindianarmy.nic.in ৱেবছাইটত এটা লিংক দিয়া হৈছে যাৰ জৰিয়তে পৰিক্ষাৰ্থীসকলে ঘৰৰ পৰাই কম্পিউটাৰ ভিত্তিক পৰীক্ষাত অৱতীৰ্ণ হোৱাৰ অনুশীলন কৰিব পাৰিব।

অনলাইন CEE পৰীক্ষাৰ বাবে মাচুলৰ খৰচ প্ৰতিজন শিক্ষাৰ্থীৰ বাবে হৈছে ৫০০ টকা। বাকী পঞ্চাশ শতাংশ সেনা বাহিনীয়ে ব্যয় কৰিব। অনলাইন আবেদনৰ অংশ হিচাপে প্ৰাৰ্থীয়ে ৫০ টকা আৰু ২৫০ টকা দিব লাগিব। পৰীক্ষাৰ্থীসকলৰ বাবে ৫টা Choice of Examination Venues থাকিব। সেই পচন্দৰ ভিত্তিত তেওঁলোকক পৰীক্ষাৰ স্থান আবন্টন দিয়া হ’ব। এই ক্ষেত্ৰত এটা হেল্প ডেস্কো স্থাপন কৰা হৈছে। পঞ্জীয়নৰ বাবে প্ৰাৰ্থীসকলে www.joinindianarmy@gov.in , অনলাইন CEE প্ৰশ্নৰ বাবে jiahelpdesk2023@gmail.com আৰু মোবাইল নম্বৰ ৭৯৯৬১৫৭২২২ ত যোগাযোগ কৰিব পাৰিব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।