Graduate Chaiwali: উন্নতিৰ জখলা বগাইছে গ্ৰেজুৱেট চায়ৱালীয়ে। চাহ দোকানৰ পৰা ফুড ট্ৰাকলৈ উন্নতি

গ্ৰেজুৱেট দিদিয়ে চাহ দোকান (Graduate Chaiwali) এৰি এতিয়া ফুড ট্ৰাক লৈ আগবাঢ়িছে। অৰ্থাৎ এতিয়া সৰু দোকান নহয়, এখন ডাঙৰ ট্ৰাকত চাহ আৰু খাদ্য লৈ সকলোৰে ওচৰলৈ আহিব গ্ৰেজুৱেট দিদি৷ বিহাৰৰ প্ৰিয়ংকা গুপ্তাই বহু সপোন লৈ অৰ্থনীতিত স্নাতক ডিগ্ৰী লাভ কৰিছিল৷ কিন্তু শেষত প্ৰিয়ংকাই চাকৰি নাপালে। তাতে ৰৈ নাথাকি তেওঁ নিজৰ ভৱিষ্যত নিজে সৃষ্টি কৰিলে৷ প্ৰিয়ংকাই পাটনা মহিলা মহাবিদ্যালয়ৰ সন্মুখত এখন চাহৰ দোকান খুলিলে। প্ৰিয়ংকাই সৰু চাহৰ দোকানখন এৰি এতিয়া ট্ৰাকত খাদ্য বিক্ৰী কৰিবলৈ আহিছে৷ কেৱল চাহ নহয়, সকলো ধৰণৰ সুস্বাদু খাদ্যও থাকিব ইয়াত ৷ অৰ্থাৎ সৰু দোকান এখনৰ পৰা তেওঁৰ ব্যৱসায় অলপ ডাঙৰ হৈ আহিছে ৷ প্ৰিয়ংকাই আকৌ এবাৰ আঙুলিয়াই দিলে যে উন্নতিৰ এটা উপায় সদায় খোলা থাকে ৷ তাৰোপৰি প্ৰিয়ংকাই নিজৰ ব্যৱসায়ৰ জৰিয়তে যুৱচামক এটা বাৰ্তাও দিছে যে চাকৰি নাপালেই নিৰাশ নহ'বলৈ। বিহাৰৰ চায়ৱালী দিদিয়ে কয় যে মানুহে নিজৰ ভৱিষ্যত নিজে সৃষ্টি কৰিব পাৰে!

Bihar: Priyanka Gupta, an economics graduate sets up a tea stall near Women's College in Patna

I did my UG in 2019 but was unable to get a job in the last 2 yrs. I took inspiration from Prafull Billore. There are many chaiwallas, why can't there be a chaiwali?, she says pic.twitter.com/8jfgwX4vSK

— ANI (@ANI) April 19, 2022

গ্ৰেজুৱেট চায়ৱালীৰ খবৰ ভাইৰেল হোৱাৰ পিছত এগৰাকী শুভাকাংক্ষীয়ে প্ৰিয়ংকাক ফুডট্ৰাকৰ বিষয়ে কৈছিল ৷ লোকজনে ট্ৰাকখন প্ৰিয়ংকাক দিছিল ৷ প্ৰথমতে প্ৰিয়ংকাই সংকোচ কৰিছিল কিন্তু পিছত প্ৰস্তাৱটো গ্ৰহণ কৰিছিল ৷ অৱশ্যে এই চৰ্ত দিছিল যে ট্ৰাকৰ দাম ক্ৰমান্বয়ে পৰিশোধ কৰিব ৷ এতিয়া প্ৰিয়ংকাই সেই ফুড ট্ৰাকত খাদ্য বিক্ৰী আৰম্ভ কৰাৰ পৰিকল্পনা কৰিছে ৷ চাহৰ লগতে আৰু কেইবিধমান জলপানো থাকিব ৷