Atal Bihari Vajpayee Scholarship : দ্বাদশ উত্তীৰ্ণৰ বাবে বিদেশত পঢ়াৰ সুযোগ, চৰকাৰে প্ৰদান কৰা বৃত্তিৰ বাবে আজিৰে পৰা আৰম্ভ হৈছে আবেদন
Atal Bihari Vajpayee General Scholarship : ছাত্ৰজনৰ চূড়ান্ত পৰীক্ষাৰ গ্ৰেড ৫০%তকৈ কম হ’ব নোৱাৰে।
Atal Bihari Vajpayee General Scholarship : ছাত্ৰজনৰ চূড়ান্ত পৰীক্ষাৰ গ্ৰেড ৫০%তকৈ কম হ’ব নোৱাৰে।
- News18 Assam
- Last Updated :
সম্পৰ্কীয় বাতৰি
ভাৰতীয় সাংস্কৃতিক সম্পৰ্ক পৰিষদ (ICCR)ৰ বৈদেশিক পৰিক্ৰমা মন্ত্ৰালয়ে অটল বিহাৰী বাজপেয়ী সাধাৰণ বৃত্তি আঁচনিৰ পঞ্জীয়ন প্ৰক্ৰিয়া আৰম্ভ কৰিছে। ইচ্ছুক প্ৰাৰ্থীয়ে অফিচিয়েল ৱেবছাইট a2ascholarships.iccr.gov.inত বৃত্তিৰ বাবে আবেদন কৰিব পাৰিব।
অটল বিহাৰী বাজপেয়ী সাধাৰণ বৃত্তি কাৰ্যক্ৰমৰ বাবে দ্বাদশ শ্ৰেণীৰ ছাত্ৰ-ছাত্ৰীৰ পৰা আৱেদন গ্ৰহণ কৰা হৈছে। এই বৃত্তি দ্বাদশ শ্ৰেণী উত্তীৰ্ণ আৰু উচ্চ শিক্ষা গ্ৰহণৰ বাবে আগ্ৰহী ছাত্ৰ-ছাত্ৰীৰ বাবে উপলব্ধ। আবেদনকাৰীয়ে আবেদন দাখিল কৰিবলৈ ৩০ এপ্ৰিল পৰ্যন্ত সময় আছে। এই বৃত্তিৰ জৰিয়তে ছাত্ৰ-ছাত্ৰীয়ে স্নাতক পৰ্যায়ৰ পৰা পি এইচ ডি পৰ্যায়লৈকে অধ্যয়ন কৰিব পাৰিব।
ভাৰতীয় সাংস্কৃতিক সম্পৰ্ক পৰিষদে অটল বিহাৰী বাজপেয়ী সাধাৰণ বৃত্তি আঁচনিৰ (Atal Bihari Vaipayee General Scholarship Scheme) বাবে আবেদন ২০ ফেব্ৰুৱাৰী, অৰ্থাৎ আজিৰ পৰা বৃত্তিৰ বাবে প'ৰ্টেল খোলাৰ পিছত আবেদনকাৰীয়ে ৩০ এপ্ৰিললৈকে বৃত্তি পঞ্জীয়নৰ আবেদন দাখিল কৰিবলৈ সময় পাব, এই নিৰ্দিষ্ট সময়সীমালৈকে প্ৰাৰ্থীয়ে আবেদন কৰিব পাৰিব, ইয়াৰ পিছত আবেদন গ্ৰহণ কৰা নহ’ব।
বৃত্তিৰ বাবে প্ৰয়োজনীয় অৰ্হতা
এই বৃত্তিৰ বাবে আবেদন কৰিবলৈ ছাত্ৰ-ছাত্ৰী ভাৰতীয় নাগৰিক হ’ব লাগিব। ছাত্ৰ-ছাত্ৰীৰ বয়স ১৮ৰ পৰা ২৫ বছৰৰ ভিতৰত হ’ব লাগে। প্ৰাৰ্থীৰ বাৰ্ষিক পৰিয়ালৰ আয় ৬ লাখতকৈ অধিক হ’ব নালাগে। ছাত্ৰজনৰ চূড়ান্ত পৰীক্ষাৰ গ্ৰেড ৫০%তকৈ কম হ’ব নোৱাৰে। লগতে পৰীক্ষাৰ্থীৰ নূন্যতম উপস্থিতিৰ হাৰ ৭৫% হ’ব লাগে। দূৰ শিক্ষা এই বৃত্তিৰ বাবে যোগ্য নহয়।
আপোনাৰ আবেদন এনেদৰে বনাওক -
এই বৃত্তিৰ বাবে আবেদন জমা দিয়াৰ আগতে অফিচিয়েল ৱেবছাইট a2scholarships চাওক।
ৱেবছাইটৰ হোম পেজত থকা আইচিচিআৰ বৃত্তিৰ লিংকত ক্লিক কৰক।
অটল বিহাৰী বাজপেয়ী সাধাৰণ বৃত্তি কাৰ্যসূচীত আবেদন কৰিবলৈ প্ৰয়োজনীয় তথ্য পূৰণ কৰিব লাগিব।
ইয়াৰ পিছত আপোনাৰ নথিপত্ৰসমূহ আপল'ড কৰক, আৰু জমা দিয়াৰ পিছত, আবেদনৰ এটা প্ৰিন্ট আউট লওক আৰু ইয়াক আপোনাৰ লগত সুৰক্ষিত ৰাখক।
শেষ তাৰিখ?
আজিৰ পৰা অৰ্থাৎ ২০২৩ চনৰ ২০ ফেব্ৰুৱাৰীৰ পৰা আৱেদন আৰম্ভ হৈছে আৰু ছাত্র-ছাত্রীসকলক আৱেদন কৰিবলৈ ২০২৩ চনৰ ৩০ এপ্ৰিললৈকে সময় দিয়া হৈছে। এই বৃত্তিৰ জৰিয়তে ছাত্ৰ-ছাত্ৰীয়ে স্নাতক ডিগ্ৰীৰ পৰা পি এইচ ডিলৈকে অধ্যয়ন কৰিব পাৰিব। শেহতীয়াকৈ ৰাজহুৱা কৰা অটল বিহাৰী বাজপেয়ী সাধাৰণ বৃত্তিৰ আৱেদন কেৱল অনলাইনযোগে গ্ৰহণ কৰা হ’ব। বিদেশত ভাৰতীয় মিছনৰ বাবে অফাৰ লেটাৰ প্ৰস্তুত আৰু বৃত্তি প্ৰদানৰ অন্তিম তাৰিখ ৩০ জুন। ১৫ জুলাইলৈকে প্ৰাৰ্থীসকলে অফাৰ লেটাৰ গ্ৰহণ কৰিব পাৰিব।
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।
