Bangladeshi woman arrested from Karimganj

মুখ্যপৃষ্ঠা »খবৰ »কাছাৰ »Karimganj News: সীমান্ত পাৰ হৈ কেনেকৈ কৰিমগঞ্জ পালেহি বাংলাদেশী মহিলা !

ধৃত মহিলাগৰাকী

কৰিমগঞ্জৰ চৰাকুৰি অঞ্চলৰ পৰা এগৰাকী মহিলাক আটক কৰি স্থানীয় ৰাইজে সীমান্ত সুৰক্ষা বাহিনীক গতাই দিয়ে । সীমান্ত পাৰ হৈ বাংলাদেশী মহিলাৰ ভাৰতত অবৈধ প্ৰৱেশৰ ঘটনাত কৰিমগঞ্জত আন্তঃৰাষ্ট্ৰীয় সীমান্ত নিৰাপত্তাক লৈ বহু প্ৰশ্ন উত্থাপন হৈছে ।

News18 Assam
Last Updated : March 31, 2023, 20:38 IST

News18 Assam

শিলচৰ, ৩১ মাৰ্চ: কৰিমগঞ্জত গ্ৰেপ্তাৰ এগৰাকী বাংলাদেশী মহিলা । শুকুৰবাৰে কৰিমগঞ্জৰ চৰাকুৰি অঞ্চলৰ পৰা এগৰাকী মহিলাক আটক কৰি স্থানীয় ৰাইজে সীমান্ত সুৰক্ষা বাহিনীক গতাই দিয়ে ।

স্থানীয় সূত্ৰৰ পৰা জানিব পৰা মতে, শুকুৰবাৰে পুৱা এগৰাকী অচিনাকি মহিলাৰ গতিবিধি দেখি স্থানীয় ৰাইজৰ সন্দেহ ওপজে ৷ ইয়াৰ পিছতে ৰাইজে তেওঁক আটক কৰি সীমান্ত সুৰক্ষা বাহিনীক গতাই দিয়ে । জানিব পৰা মতে বাংলাদেশৰ কিশোৰগঞ্জৰ বাসিন্দা ৰুমানা বেগম নামৰ এইগৰাকী মহিলা মানসিকভাৱে ভাৰসাম্যহীন বুলি সন্দেহ কৰা হৈছে ।

বাংলাদেশী মহিলাগৰাকীক সীমান্ত সুৰক্ষা বাহিনীৰ তদন্তৰ বাবে কৰিমগঞ্জৰ সদৰ থানাত চমজাই দিয়া হৈছে । ইফালে সীমান্ত পাৰ হৈ বাংলাদেশী মহিলাৰ ভাৰতত অবৈধ প্ৰৱেশৰ ঘটনাত কৰিমগঞ্জত আন্তঃৰাষ্ট্ৰীয় সীমান্ত নিৰাপত্তাক লৈ বহু প্ৰশ্ন উত্থাপন হৈছে ।