Anganwadi workers and helpers are on strike from today

মুখ্যপৃষ্ঠা »খবৰ »কাছাৰ »Silchar News: শিলচৰত আৰম্ভ হ'ল অংগনৱাড়ী কৰ্মী-সহায়িকাৰ কৰ্মবিৰতি

Anganwadi workers and helpers are on Four day long strike

ৰাজ্যজুৰি অংগনৱাড়ী কৰ্মী আৰু সহায়িকাসকলৰ চাৰিদিনীয়া কৰ্মবিৰতি আজিৰে পৰা আৰম্ভ হৈছে । আজি প্ৰথম দিনাই শিলচৰ মেহেৰপুৰৰ জিলা বিষয়াৰ কাৰ্যালয়ৰ সন্মুখত উধাৰবন্দৰ প্ৰায় চাৰিশ কৰ্মীয়ে তীব্ৰ প্ৰতিবাদ সাব্যস্ত কৰে ।

News18 Assam
Last Updated : May 23, 2023, 21:55 IST

News18 Assam

শিলচৰ, ২৩ মে: ৰাজ্যজুৰি অংগনৱাড়ী কৰ্মী আৰু সহায়িকাসকলৰ চাৰিদিনীয়া কৰ্মবিৰতি আজিৰে পৰা আৰম্ভ হৈছে । আজি প্ৰথম দিনাই শিলচৰ মেহেৰপুৰৰ জিলা বিষয়াৰ কাৰ্যালয়ৰ সন্মুখত উধাৰবন্দৰ প্ৰায় চাৰিশ কৰ্মীয়ে তীব্ৰ প্ৰতিবাদ সাব্যস্ত কৰে । ২৪, ২৫ আৰু ২৬ মে’ত সকলো জিলাৰ কৰ্মী আৰু সহায়কসকলে এই বিক্ষোভত অংশগ্ৰহণ কৰিব । উল্লেখযোগ্য যে যোৱা ২২ মে’ত বিভাগীয় কৰ্তৃপক্ষই গুৱাহাটীত সংস্থাৰ নেতৃত্বৰ সৈতে বৈঠকত মিলিত হৈছিল ।

কিন্তু কোনো ফলপ্ৰসূ ব্যৱস্থা লোৱাৰ আশ্বাস নথকাৰ বাবে তেওঁলোকে কাম বন্ধ কৰাৰ সিদ্ধান্তত অটল থাকিবলৈ বাধ্য হয় । তেওঁলোকৰ দাবীসমূহৰ ভিতৰত আছে, চৰকাৰী কৰ্মচাৰীৰ স্বীকৃতি, ন্যূনতম মাহিলী দৰমহা ১০,০০০ টকা, অৱসৰৰ সময়ত ধন তৎকালিনভাৱে পৰিশোধ, সকলো কেন্দ্ৰ সংস্কাৰ, মিনি চেণ্টাৰৰ কৰ্মচাৰীক নিয়মীয়া কৰ্মচাৰীৰ মৰ্যাদা দিয়া আদি ৷

আজিৰ এই বিক্ষোভৰ সময়ত অসম ৰাজ্যিক অংগনৱাড়ী শ্ৰমিক আৰু সহায়ক সন্থাৰ কাছাৰ জিলাৰ সভানেত্ৰী দীপ্তি সিনহা, গায়ত্ৰী ভট্টাচাৰ্য, মনিকা চক্ৰৱৰ্তী, সুপ্ৰিয় ভট্টাচাৰ্য, বিদ্যুৎ দেৱ অভিজিৎ গুপ্তা আদিয়ে ভাষণ দিয়ে । প্ৰতিবাদত শ্ৰমিক কৰ্মচাৰী শিক্ষক সমন্বয়ক সন্থাৰ ৰঞ্জন দাস, শান্তো পাল আদি উপস্থিত থাকে ।