Reliance Retail: ডেলিভাৰী কোম্পানী Dunzoত যথেষ্ট পৰিমাণে বিনিয়োগ কৰিবলৈ গৈ আছে Reliance Retail ...

ৰিলায়েন্স ৰিটেইলে (Reliance Retail Ventures Limited) অনলাইন ডেলিভাৰী কোম্পানী ডুঞ্জো (Dunzo)ত বিনিয়োগ কৰি আছে। ৰিলায়েন্সে ২৫.৮ শতাংশ অংশ ক্ৰয় কৰিছে। ২০০ মিলিয়ন মাৰ্কিন ডলাৰ ভাৰতীয় মূল্যতন ১,৪৮৮ কোটি টকা বিনিয়োগ কৰা হৈছে। ৰিলায়েন্সে অনলাইন গ্ৰোচাৰী ডেলিভাৰী খণ্ডত ইয়াৰ উপস্থিতি অধিক শক্তিশালী কৰিবলৈ পদক্ষেপ গ্ৰহণ কৰি আছে। ডুনজো (Dunzo)ৰ বৰ্তমান প্ৰায় ২৪০ মিলিয়ন মাৰ্কন ডলাৰ বিনিয়োগ আছে। বিনিয়োগ কোম্পানীবোৰৰ মাজত নেতৃত্ব হৈছে স্থানীয় ৰিলায়েন্স ৰিটেইল।

এক বিবৃতিত কোম্পানীটোৱে কয়, "বিনিয়োগে কোম্পানীটোৱে গ্ৰাহকসকলক উন্নত সেৱা প্ৰদান কৰিব পাৰে বুলি আত্মবিশ্বাস প্ৰতিফলিত কৰিছে। এই বিনিয়োগে দেশৰ এক বৃহত্তৰ খণ্ডত সেৱা প্ৰদানত এক বিশেষ কাম কৰিব। ভাৰতীয় চহৰসমূহত বিটুবি বাণিজ্য ক্ষেত্ৰৰ বিকাশ আৰু দ্ৰুত বিতৰণৰ ক্ষেত্ৰটো বহল হ'ব। ডেলিভাৰী কোম্পানীটোৱে বৰ্তমান ভাৰতৰ সাতখন মেট্ৰ' চহৰত কাম কৰি আছে। ই ভৱিষ্যতে আৰু ১৫ খন চহৰত কাম আৰম্ভ কৰিবলৈ সক্ষম হ'ব।

বিনিয়োগ সন্দৰ্ভত ৰিলায়েন্স ৰিটেইল ভেঞ্চাৰছ লিমিটেডৰ সঞ্চালক ঈশা আম্বানীয়ে কয়, "আমি দেখিছো যে অনলাইন খণ্ডত মানুহৰ প্ৰভাৱ বৃদ্ধি পাইছে। ডুনজোয়ে এই বাণিজ্য খণ্ডক যিদৰে প্ৰভাৱিত কৰিছে তাক লৈ আমি প্ৰভাৱিত হৈছো। ডুনজো ভাৰতৰ দ্ৰুত বাণিজ্য খণ্ডৰ অন্যতম প্ৰতিষ্ঠাপক সংগঠন বুলি কোৱা হয়। আমি তেওঁলোকৰ স্থানীয় বাণিজ্যত তেওঁলোকৰ স্থান সুদৃঢ় কৰাৰ সপোনত সহায়ৰ হাত আগবঢ়াব বিচাৰো। ডুনজোৱে ৰিলায়েন্স ৰিটেইল দোকানৰ পৰা বিভিন্ন ক্ৰেতাক অধিক দ্ৰুতভাৱে বিভিন্ন সামগ্ৰী প্ৰদান কৰাত সহায় কৰিব। আমাৰ ব্যৱসায়ীসকলে ডুনজোৰ হাইপাৰলোকেল ডেলিভাৰী নেটৱৰ্কৰ সুবিধা লাভ কৰিব, তেওঁলোকৰ বাণিজ্য সম্প্ৰসাৰিত কৰিব। তেওঁলোকৰ অনলাইন বাণিজ্য জিঅ' মাৰ্টৰ জৰিয়তে সম্প্ৰসাৰিত হ'ব। "

ডুনজোৰ সহ-প্ৰতিষ্ঠাপক আৰু মুখ্য কাৰ্যবাহী বিষয়া কবীৰ বিশ্বাসে কয়, "আমাৰ কোম্পানীয়ে আৰম্ভণিৰে পৰা ক্ৰেতাৰ এক অনন্য অভিজ্ঞতা লাভ কৰিব বিচাৰিছে। এই নীতিটোৱেই এই বিনিয়োগৰ দ্বাৰা বিশ্বাসযোগ্য ভূমিত প্ৰতিষ্ঠা কৰা হৈছে। আমি আমাৰ কোম্পানীৰ কৰ্মচাৰীসকলৰ প্ৰতি কৃতজ্ঞ যিসকলে যোৱা তিনি বছৰ ধৰি এই ব্যৱসায়ত অক্লান্ত পৰিশ্ৰম কৰিছে, লগতে আমাৰ বিনিয়োগকাৰীসকলৰ প্ৰতিও কৃতজ্ঞ। ৰিলায়েন্স ৰিটেইলৰ এই বিনিয়োগৰ হাতৰ দ্বাৰা আমি অধিক ব্যৱসায়িক বিকাশৰ পথত খোজ কাঢ়িব পাৰিম, লগতে ভাৰতীয়সকলৰ দৈনিক আৰু সাপ্তাহিক বিপণনক এক নতুন পথত পথ প্ৰদৰ্শন কৰিব পাৰিম। "