உங்கள் மாவட்டத்தைத் தேர்வுசெய்க

    • Home
    • »
    • News
    • »
    • business
    • »
    • PF Rule Change: আপোনাৰ EPF একাউণ্টত বিনামূলীয়াকৈ পাব পাৰে ৭ লাখ টকা, আজিয়েই জানি লওক সবিশেষ

    PF Rule Change: আপোনাৰ EPF একাউণ্টত বিনামূলীয়াকৈ পাব পাৰে ৭ লাখ টকা, আজিয়েই জানি লওক সবিশেষ

    PF বা EPF একাউণ্ট থকা কৰ্মচাৰীৰ বৈধ নমিনীয়ে ৭ লাখ টকা বীমা ধন লাভ কৰিব যদি কৰ্মচাৰীজন চাকৰি কালতে মৃত্যু হয়।

    PF বা EPF একাউণ্ট থকা কৰ্মচাৰীৰ বৈধ নমিনীয়ে ৭ লাখ টকা বীমা ধন লাভ কৰিব যদি কৰ্মচাৰীজন চাকৰি কালতে মৃত্যু হয়।

    PF বা EPF একাউণ্ট থকা কৰ্মচাৰীৰ বৈধ নমিনীয়ে ৭ লাখ টকা বীমা ধন লাভ কৰিব যদি কৰ্মচাৰীজন চাকৰি কালতে মৃত্যু হয়।

    • Share this:
    চৰকাৰী কৰ্মচাৰী ৰ বাবে এক বিশ্বস্ত বিনিয়োগ ক্ষেত্ৰৰ লগতে EPFOই কৰ্মচাৰীৰ বাবে আন বহু ধৰণৰ সুবিধা প্ৰদান কৰে। এনে এটা সুবিধা হৈছে কোনো প্ৰিমিয়াম নিদিয়াকৈ EPFO একাউণ্ট ধাৰকসকলৰ বাবে বীমাৰ সুবিধা। EDLI আঁচনিৰ অধীনত চৰকাৰী কৰ্মচাৰীয়ে লাভ কৰিব পাৰে ৭ লাখ টকাৰ জীৱন বীমা। ইয়াৰ বাবে কোনো প্ৰিমিয়াম দিয়াৰো প্ৰয়োজন নাই। এই বীমা সুবিধা EPFOৰ অধীনত একাউণ্ট থকা সকলো চৰকাৰী কৰ্মচাৰীয়েই লাভ কৰিব। EDLI আঁচনিৰ অধীনত যে কেৱল বীমা সুবিধাই পাব তেনে নহয়, আন কেইবাটাও সুবিধা এই আঁচনিৰ অধীনত লাভ কৰিব পাৰে। EPFO কৰ্তৃপক্ষই অলপতে টুইটাৰত এই সম্পৰ্কে এটা ভিডিঅ' মুকলি কৰিছিল।



     সৰ্বাধিক নিশ্চিত বীমা লাভালাভ ( Maximum assured Insurance Benefits) 

    কৰ্মচাৰীজনৰ বৈধ নমিনীয়ে ৭ লাখ টকা বীমাধন লাভ কৰিব যদি কৰ্মচাৰীজন চাকৰি কালতে মৃত্যু হয়। এই বীমা ধনৰ পৰমাণ ২০২১ৰ এপ্ৰিলত পূৰ্বৰ ৬ লাখ টকাৰ পৰা ৭ লাখ টকালৈ বৃদ্ধি কৰা হয়।

    নিম্নতম নিশ্চিত লাভ (Minimum Assured Benefits)

    EDLI আঁচনি, ১৯৭৬ৰ অধীনত যদি এজন চাকৰিয়ালে মৃত্যুৰ ১২ মাহ আগলৈকে পিএফ একাউণ্ট চলাই থাকে তেন্তে অতি কমেও ২ লাখ ৫০,০০০ টকা বীমা লাভ কৰিব।

    ৭ লাখ টকালৈ বিনামূলীয়া সুবিধা (Free Benefits of up to Rs 7 lakh)

    EPF/PF একাউণ্ট থকা সকলো চৰকাৰী কৰ্মচাৰীয়ে এই ৭ লাখ টকাৰ বীমা সুবিধা লাভ কৰিব। ইয়াৰ বাবে কোনো প্ৰিমিয়াম দিব নালাগে। ইয়াৰ প্ৰিমিয়াম নিয়োগকৰ্তাইহে দিব যিটো মাহিলী দৰমহাৰ ০.১৫ শতাংশ হয় আৰু ১৫০০০ টকাৰ অধিক নহয়।

    PF বা EPF একাউণ্ট ধাৰকৰ বাবে স্বয়ংক্ৰিয় এনৰোলমেণ্ট (Auto-Enrollment for PF account holder/EPF account holder)

    PF বা EPF একাউণ্ট থকা সকলে এই EDLI আঁচনিৰ বীমা সুবিধা লাভ কৰিবলৈ বেলেগকৈ এনৰোলমেণ্ট বা নাম পঞ্জীয়ন কৰাৰ দৰকাৰ নাই। EPFOৰ সদস্য হোৱাৰ লগে লগে EDLI আঁচনিৰ বাবে যোগ্য বিবেচিত হয়।

    পোনপটীকৈ বংক ট্ৰেন্সফাৰ (Direct Bank Transfer)

    EDLI আঁচনি পোনপটীয়াকৈ কৰ্মচাৰীজনৰ নমিনীৰ একাউণ্টৰ সৈতে লিংক হৈ থাকে। গতিকে EPF একাউণ্টধাৰকজনৰ মৃত্যুৰ লগে লগে ইয়াৰ অধীনত বীমাৰ ধন নমিনীৰ বেংক একাউণ্টলৈ পোনপটীয়াকৈ ট্ৰেন্সফাৰ হয়।

    Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
    Published by:Manjumoni Borah
    First published: