মেটা ইণ্ডিয়াৰ মুৰব্বী অজিত মোহনৰ হঠাৎ পদত্যাগ, নতুনকৈ যোগদান কৰিব শ্নেপচাটত

মেটা ইণ্ডিয়া (পূৰ্বৰ ফেচবুক)ৰ উপাধ্যক্ষ তথা পৰিচালন সঞ্চালক অজিত মোহনে হঠাৎ ইস্তাফা দি মেটা ইণ্ডিয়াৰ পৰা পদত্যাগ কৰিছে। তেওঁৰ পদত্যাগ ২০২২ চনৰ ৩ নৱেম্বৰৰ পৰা তাৎক্ষণিকভাৱে কাৰ্যকৰী হ’ব। মোহনৰ হঠাতে প্ৰস্থানৰ কাৰণ স্পষ্ট নহ’লেও বাতৰি অনুসৰি তেওঁ স্নেপ (ওৰফে শ্নেপচাট)ত যোগদান কৰিছে।

২০১৭ চনৰ অক্টোবৰ মাহত উমাং বেদীয গুচি যোৱাৰ পিছত ২০১৯ চনৰ জানুৱাৰী মাহত ফেচবুকত যোগদান কৰি মোহনে ফেচবুক ইণ্ডিয়াৰ পৰিচালন সঞ্চালক হয়। পিছত ফেচবুকক মেটা নামেৰে পুনৰ ব্ৰেণ্ড কৰা হয়।

এই কথাটো কোম্পানীটোৱে নিশ্চিত কৰিছে। মেটাৰ গ্ল’বেল বিজনেছ গ্ৰুপৰ উপাধ্যক্ষ নিকোলা মেণ্ডেলছনে এক বিবৃতিত কয় যে, “কোম্পানীটোৰ বাহিৰত আন এটা সুযোগ লাভ কৰিবলৈ অজিতে মেটাৰ ভূমিকাৰ পৰা পদত্যাগ কৰাৰ সিদ্ধান্ত লৈছে।”

ফেচবুকত যোগদান কৰাৰ পূৰ্বে মোহনে চাৰি বছৰ ধৰি ষ্টাৰ ইণ্ডিয়াৰ মুখ্য কাৰ্যবাহী বিষয়া আছিল যিটোক ডিজনী ষ্টাৰলৈ ৰিব্ৰেণ্ড কৰা হৈছিল যি জনপ্ৰিয় হটষ্টাৰ ষ্ট্ৰীমিং প্লেটফৰ্মৰ স্বত্বাধিকাৰী।