Mahindra Scorpio-N: ভাৰতত মুকলি হ’ল মহিন্দ্ৰা স্ক’ৰপিঅ’-এন, ১১.৯৯ লাখ টকাৰ পৰা আৰম্ভ 

১১.৯৯ লাখ (এক্স শ্ব’ৰুম) টকাৰ পৰা আৰম্ভ কৰি ভাৰতত মহিন্দ্ৰা স্ক’ৰপিঅ’-এন (Mahindra Scorpio-N) মুকলি কৰা হৈছে। কিন্তু এই মূল্য নিৰ্ধাৰণ কেৱল প্ৰথম ২৫,০০০ বুকিঙৰ বাবেহে প্ৰযোজ্য। মহিন্দ্ৰাই কয় যে ৫ জুলাইৰ পৰা ক্ৰেতাসকলে নতুন স্ক’ৰপিঅ’ এনৰ বাবে “এড-টু-কাৰ্ট” বিকল্প লাভ কৰিব, আনহাতে প্ৰকৃত বুকিং ৩০ জুলাইৰ পুৱা ১১ বজাৰ পৰা  আৰম্ভ হ’ব। ডেলিভাৰীৰ কথা ক’বলৈ গ’লে ক্ৰেতাসকলে নতুন স্ক’ৰপিঅ’ এন গাড়ীখন  উৎসৱৰ বতৰত চলাব পৰাৰ সম্ভাৱনা আছে।

মহিন্দ্ৰা স্কৰ্পিঅ’-এনৰ পাঁচটা ভেৰিয়েন্ট আছে য’ত আছে Z2, Z4, Z6, Z8, আৰু Z8L। গ্ৰাহকসকলে ছয়খন বা সাতখন আসনৰ কনফিগাৰেচন বাছি লোৱাৰ বিকল্প থাকিব।

Four-wheel-drive কেৱল ডিজেল ভেৰিয়েণ্টৰ সৈতেহে উপলব্ধ হ’ব আৰু ইয়াক মেনুৱেল আৰু অটোমেটিক দুয়োটা ট্ৰেন্সমিছনৰ সৈতে আগবঢ়োৱা হ’ব। গ্ৰাহকসকলেও ট্ৰেন্সমিছন বাছনি কৰাৰ বিকল্প থাকিব যিহেতু এছ ইউ ভিখনত ছিক্স স্পীড মেনুৱেল আৰু অটোমেটিক ইউনিটৰ ব্যৱস্থা কৰা হ’ব।

পাৱাৰ ইউনিটৰ কথা আহিলে ২০২২ চনৰ মহিন্দ্ৰা স্ক’ৰপিঅ’ এনত ২.০ লিটাৰ mStallion পেট্ৰ’ল ইঞ্জিন আৰু ২.২ লিটাৰ mHawk ডিজেল ইঞ্জিন আগবঢ়োৱা হ’ব। মন কৰিবলগীয়া যে বৰ্তমানৰ মডেলটো নতুন মডেলটোৰ সমন্তৰালকৈ মহিন্দ্ৰা স্কৰ্পিঅ’ ক্লাছিক হিচাপে বিক্ৰী কৰা হ’ব। Scorpio-N পুৰণি Scorpioতকৈ যথেষ্ট আধুনিক কাৰণ ইয়াত AdrenoX সংযুক্ত গাড়ী প্ৰযুক্তি আহিছে।

এড্ৰিনোএক্স প্ৰযুক্তিয়ে যাত্ৰীসকলক খিৰিকীখন ওপৰলৈ/তললৈ, কেবিনৰ উষ্ণতা আৰু নেভিগেচন সহজে নিয়ন্ত্ৰণ কৰাৰ আৰাম প্ৰদান কৰে। আছে ইন-বিল্ট এলেক্সা ইন্টিগ্ৰেচন, ভইচ কমাণ্ড, আৰু বাহনৰ ডাটাৰ ২৪/৭ প্ৰৱেশ। স্ক’ৰপিঅ’-এনে নতুন ডুৱেল-টন এলয় হুইল, ডুৱেল-জ’ন ক্লাইমেট কণ্ট্ৰ’ল, ইলেক্ট্ৰিক ছানৰুফ আৰু নতুন ইনষ্ট্ৰুমেণ্ট কনছ’ল লাভ কৰিছে।